Madaxweyne farmaajo oo dalka dib ugu soo laabtay isagoo fara maran

Madaxweynaha Jamhuuriyadda Fadaraalka Soomaaliya Maxamed C/laahi “Farmaajo” ayaa dalka dib ugu soo laabtay keddib markii uu soo dhameystay safar shaqo oo uu ugu maqnaa dalka Isu-tagga Imaaraadka Carabta.

 Madaxweyne Farmaajo ayaa intuu uu booqanayay dalka isutagga Imaaraadka Carabta waxa uu kulamo la qaatay qaar ka mid ah mas’uuliyiinta ugu sarreeysa dalkaasi isagoo kala hadlay xoojinta xiriirka labada dal iyo iskaashi dhinacyo badan leh oo ay yeeshaan labada dal.
Xogo hoose oo laga helayo ilo lagu kalsoonaan karo ayaa sheegaya in laysku afagaran waayay kulamadii dhacay ilaa iyo hada.
Madaxweyne farmaajo ayaana dib ugu soo laabtay Muqdisho isagoon wax is afgarad ah la gaarin masuuliyiinta Dawlada Imaaraadka.
 
Inkastoo aan si rasmiya loo hayn qodobada laysku afgaran waayay hadana wararku waxay intaa ku darayaan in Madaxweyne Farmaajo iyo masuuliyiinta Imaaraadku markale kulmi doonaan oo ay iskugu soo laaban doonaan wada xaajood labaad,kaasoo aysan cadayn xiliga iyo meesha uu ka dhici doono kulankaas labaad.
 
Madaxweyne Farmaajo ayaa dadaal xoog leh ugu jira in uu beesha caalamka ku qanciyo in isaga looga danbeeyo loona soo maro wax alaale iyo waxii ku saabsan arimaha somaliya,madaama uu yahay madaxweynaha dawlada Fadaraalka.
 
Halka Beesha caalamka iyo dawlad Goboleedyada qaybta ka ah dawlada Fadaraalku ay fikirkaas kasoo horjeedaan una arkaan fudayd iyo qorshe wakhtigisii aan si dhab ah loo gaarin.
 
Soomaaliya ilaa iyo 26-kii sano ee lasoo dhaafay malahayn Dawlad dhexe oo xoog leh ,isla markaana hanata guud ahaan Dalka,
 
Dawlada Fadaraalka ah ee xiligan ka talisa Villa Somaliya ayaan wali hanan kalsoonida guud ahaan Somalida,waxayna la kacaa kufaysaa xasilinta iyo gacanta ku qabashada maamulka iyo amniga caasimada dhibka badan ee Muqdisho
 
Qorshaha Madaxweyne Farmaajo ayaa la oran karaa waa laablakac aan ku salaysnayn waaqiciga Somaliya,dawlada uu hogaamiyo xiligan ayaa u baahan oo kaliya in ay wakhti iyo dadaal xoog leh galiso isku soo dhawaanshaha bulshada somaliyed iyo ku qancinta guud ahaan Somalida nidaamka fadhiya Villa Somaliya.
 
Qorhaha Madaxweyne Farmajo ee fudaydku ka muuqdo waxuu abuuri kara fashil deg-deg ah iyo dib u dhac kale oo ku yimaada dawladnimada Somaliya ee hada dib u bilawday in ay tukubto.

About the Author

Jibril Qoobey
(ISBITALKA )GMC- HOSPITAL DHAGACADE. Kabilowdey Qaliimo losamenayo Qaar Kamidah Ciidanka ku Xaraysan Xerada General Carays ee Deegaanka Godod. Qaliinada Losamenayo Ciidanka waxa iska Kashanaya Musharax Duqa Dagmada Galkacyo Cawil Cabdile iyo (ISBITALKA )GMC- HOSPITAL. DHAGACADE. Waxa Qaliinada Fulinaya .Dhaqatirta kala Ah. DR Maizid iyo DR Cabdale Horeeye. Qaliinadan manta kabilowdey Isbitalka GMC HOSPITAL DHAGACADE . Waxa Goobjoog ka ahaa musharax Duqa Dagmada gaalkacyo mudane Cawil Cabdile iyo sido kale Taliyaha Ciidanka Darawiishta gobolada mudug iyo Ceyn ee Puntland mudane Sharmake shiikh doon iyo . Agasimaha Isbitaalka GMC- mudane Maxamed Cabdirisaaq warsame iyo masuuliyen kale.