Ciidamada Difaaca Puntland ayaa fuliyay hawlgal ay kaga hortagayeen maleeshiyo kasoo jeeda maamulka Cadaado oo Deegaanka Jeexdin ku lahaa fariisin,kuwaasoo jidka ugali jiray xiliyada habeenkii ah Gaadiidka shacabka ee u kala goosha Magaalada Gaalkacyo iyo Bariga Mudug.
Hawlgalkan ayaa Ciidamadu waxay ku dileen 5-ka mid ah maleeshiyadaas,sidoo kale waxay kaga qabsadeen Hub iyo saanad Milatari.
Ciidamada Difaaca Puntland ayaa dhankooda waxaa ka dhaawacmay 2-sarkaal oo dhaawacooda lasoo gaarsiiyay isbitaalka Guud ee Gaalkacyo .
Maleeshiyada ay Ciidamadu weerareen ayaa ahaa kuwii labo habeen ka hor jidka ugalay gaadiid dadweyne oo isiticmaalayay wadada isku xirta Gaalkacyo iyo Bariga Mudug,iyagoo jidgooyadaas ku dilay 3-qof oo mid uu haween yahay.
Xaalada Gobolka ayaa hada degan gaar ahaan Magaalada gaalkacyo mana jirto wax xiisad ah oo ka taagan.