Majirtaa waxa loogu yeero hay’adda Culumada Somaliyed?

Ma jirtaa hay’adda culumadda Somaliyeed, mase jirtaa meel ay Ummadda Somaliyed isugu tagtay oo ay ku magacaabeen hay’adda culumadda Somaliyed iyo madaxdeeda, jawaabtu waa maya, ma jirto, balse waxaa jira kooxo ismagacaabay oo isticmaala magacyadan:-

1- Hay-‘dda culumadda Somaliyed
2- Ururka saxafiyiinta Somaliyed
3- Ururka dhalinyarada Somaliyed
4- Ururka abwaaninta Somaliyed
5- Dalladda Haweenka Somaliyed

Dhammaan waa magacyo ay kooxo la baxeen laguna marin habaabinayo Ummadda Somaliyed, waxaan warbaahinta ka dhageystay Bashiir Salaad oo sheegta madaxa hay’adda Culumadda Somaliyed, balse ah madaxa urur diimeedka Al-ictisaam oo baaq ku wajahan Tuko-raq u diraya Somaliland iyo Puntland,

Bashir Salaad isagoo dhex dhexaad iska dhigaya,ayuu hadana si dadban ugu hadlayey afkii Muuse Biixi.

Bashiir Salaad ma uusan canbaareyn daan-daasiga iyo duullaanka qaawan ee ay Somaliland ku qabsatay Tukaraq.

Bashiir Salaad ma uusan oran waxaan ugu baaqaynaa Somaliland in ay dib ugu laabtaan fariisimihii ugu danbeeyay ee ay fadhiyeen isagana baxaan deegaankan ugu danbeeyay ee ay qabsadeen, si dagaal dhexmara labada maamul looga baaqsado deegaamada kale ee lagu muran san yahayna si nabadgalyo ah looga wada xaajoodo,

Waxaan warbaahinta afka Somaliga ku haddasha ka dhagaystay Bashiir Salaad oo leh waa in la joojiyaa abaabulka iyo habar wacasha iyo kicinta, waa hadalkii uu Muuse Biixi hadda ka hor warbaahinta ka sheegay ee uu yiri Puntland waxay waddaa abaabul, kicin iyo habar wacasho,

Ma istiri hoggaamiyaha Al-ictisaam Bashiir Salaad waxaa hadalkan u soo laqimay Muuse Biixi.

Haddaba waxaa nasiib daro ah in dad reer Puntland ah ay dabo socdaan Bashiir Salaad oo ah Nin aanan u qalmin magaca uu sheegto, waa nin caddaaladda ka fog, sidoo kalena aanan loogu yeeri karin in uu yahay Shiikh Somaliyed.

Bashiir Salaad ma ahan nin dhex dhexaad ka noqon kara arrimaha Somalida dhex yaala.