Shirweynaha Maalgashiga Puntland ayaa maalintii labaad ka socdo Magaalada Garoowe ee Casimadda Puntland, Iyadoona ay ku sugan yihiin Ganacsato waa weyn.
Shirweynahan oo shalay furmay ayaa soconaya (15-17) bishan September, waxaa kasoo qeyb-galaya Marti gaareysa 700 oo qof, kuwaas oo isugu jira Ganacsato iyo Ergooyin ka socda Shirkaddo Ganacsi iyo Dalalka daneeya Maal-gashiga, Aqoonyahano, Siyaasiyiin iyo Marti sharaf kale.
Shirkan Maal-gashiga Puntland ayaa lagu soo bandhigayaa Fursadaha Maal-gashi ee ka jira Mandiqada Puntland iyo Kheyraadka Eebbe ku maneystay, waxaana barbar socda Shirar doceeydo ay yeelanayaan Ganacsatada iyo Ergooyinka ka qeyb-galaysa Shirweynahan.
Madaxweynaha Dowladda Puntland Dr. Siciid C/llaahi Deni, oo Shirkan shalay furay ayaa sheegay in looga gol lee yahay Shirweynahan in Puntland loo soo bandhigo caalamka, si Mustaqbalka dhow ay u hesho Maal-gashi looga maarmo deeqaha Beesha Caalamka ay siiso Soomaaliya.