Madaxweynaha Dowladda Puntland Mudane Siciid Cabdullaahi Deni ayaa kormeeray xarumaha Dowladda ee magaalada Boosaaso.
Kormeerka Madaxweynaha waxaa ku wehelinaayey Maamulka Gobolka Bari, kan degmada Boosaaso, Masuuliyiin ka tirsan Golaha Xukuumadda Dowladda Puntland, saraakiil ka tirsan Madaxtooyada iyo masuuliyiin kale.
Duqa Degmada Boosaaso Cabdisalaan Bashiir Cabdisalaan ayaa ka warbixiyey kormeerka Madaxweynuhu uu maanta ku tegey xarumaha Dowladda ee magaalada Boosaaso.
” Maanta oo ah maalin khamis ah madaxweynaha dowladda Puntland Mudane Siciid Cabdullaahi Deni wuxuu kormeer rasmi ah ku tagey goobaha dowladda ee ku yaala magaalada Boosaso waxaana kormeerkaas madaxweynuhu ka bilaabay saldhigga bartamaha maadaama saldhigga dhawaan si casri ah loo dhisay si madaxweynuhu u fiiriyo qaabka uu bulshada ugu adeegayo.
Sidoo kale wuxuu madaxweynuhu wuxuu kormeerkiisa ku tagey taliska qeybta booliska gonolka Bari iyo suuqa iibka ee kaluunka Magaalada Boosaaso iyo dekadda magaalada Boosaaso halkaas wuxuu madaxweynuhu kula kulmay masuuliyiinta wasaaradda dekadaha iyo gaadiidka badda iyo wasaaradaha kalluumaysiga maamulka degmada iyo gobolka wuxuu madaxweynuhu amar rasmi ah ku bixiyey in si deg-deg ah loo soo asteeyo meeshii laga dhisi lahaa marso ay yeelan doonaan kaluumaysatada iyo dadka ukala safraya gobolka Bari dhexdiisa qeybta badda isticmaasha”.
Ugu dambayntii madaxweynuhu wuxuu kormeerkiisa ku tagey maxjarada xoolaha ee magaalada Boosaaso oo xiligaan xoolo badani ay ku xaraysan yihiin.