Dagaal dhimasho badan sababay Oo ka dhacay Mudug

Inta la xaqiijiyay 8 qof ayaa ku geeriyootay, tiro intaas ka baddanna waa ay ku dhaawacmeen dagaal ka dhacay degaanka Afbarwaaqo, oo hoos taga degmada Jariiban ee gobalka Mudug.

Dagaalka ayaa u dhaxeeyay laba maleeshiyo beeleed oo halkaas wada dagan, waxaana wararku ay sheegayaan in dadka dhintay iyo kuwa dhaawacmay ay dhammaantood ahayeen kooxihii dagaalamay.

Illaa iyo hadda si rasmi ah looma yaqaan sababta dhalisay dagaalka.

Odayaal iyo waxgarad ayaa ku baaqaya joojinta dagaalka waxaana sidoo kale socda dadaal lagu doonayo in lagu damiyo xiisadda.