Warbixin ay soo saareen gudiga Qaramada Midoobey u qaabilsan lasocodka xayiraadaha ayaa sheegay in Xuutiyiinta dalka Yemen aysan fulin weerar sanadkii hore lagu qaaday xarumaha ugu waawayn ee soo saara saliida Boqortooyada Sucuudiga, sida ay warisay wakaalada wararka ee Reuters.
Mareykanka, Midowga Yurub, iyo Boqortooyada Sucuudiga ayaa dowladda Iran ku eedeeyay weerarka lagu qaaday xarumaha saliida Aramco ee Abqiiq iyo Khureys.
Masuuliyada weerarkan oo dhacay 14’kii bishii September ee sanadkii hore ayaa waxaa sheegtay falaagada Xuutiyiinta ee ka dagaalama gudaha dalka Yemen. Iyadoona dowladda Iran dhankeeda ay iska fogeesay in wax lug ah ay ku lahayd weerarkaas