Ciidamo katirsan Booliska Dowladda Soomaaliya ayaa xalay howlgallo ka sameeyey inta badan xaafadaha degmada Boondheere ee Gobolka Banaadir.
Ciidamada ayaa gudaha u galayey qaar kamid ah guryaha ku yaalla degmada Boondheere, iyagoo baaritaan ku sameynayey, Ciidamada ayaana intii howlgalku socday qab-qabanayay dhalinyarada xaafadaha degmadaas, kuwaas oo markii dambe intooda badan ciidanku sii daayeen.
Sidoo kale, Ciidamada Booliska ayaa markii uu soo idlaaday howlgalkooda, waxay horay u sii ka xeysteen dhalinyaro fara ku tiris ah oo loo maleynayo inay uga shakiyeen falal amaanka liddi ku ah.
Ciidanka Dowladda ayaa habeenadii ugu dambeeyay howlgallo is daba-joog ah ka sameynayay xaafadaha Degmooyinka Gobalka Banaadir, Ciidamada ayaana howlgaladoodaas ku qab-qabtay xubno looga shakisan yahay inay lug ku lee yihiin falalka amamaan-darro ee ka dhaca Magaalada Muqdisho oo todobaadyadii dhaafay ay hareeyeen weeraro dhiig badan ku daateen.