Wasiirka Wasaaradda Arrimaha Gudaha, Federaalka iyo Dilmuquraadiyeynta Dowladda Puntland Maxamed Cabdiraxmaan Dhabancad, ayaa qoraal uu soo saaray ku sheegay in Wasaaraddu ay bilaabayso bisha soo socota ee Maarso dhismaha Golayaasha Deegaanka ee Degmooyinka Godobjiraan, Xingalool, Jariiban, Towfiiq iyo Boocame, oo ka kala tirsan Gobalada Mudug, Nugaal, Sool iyo Haylaan.
Wasiir Dhabancad ayaa faray Masuuliyiinta iyo Odayaasha dhaqanka Degmooyinkaas inay diyaar garoobaan, soona xulaan xubnaha Golaha deegaanka ee Degmooyinkan.
