Al-Shabaab oo mar kale fagaare ku toogatay 10 Ruux

Ururka Al-Shabaab ayaa markale goob fagaare ah ku toogtay muddo todobaad ah gudihiis ah 10 Ruux oo ay ku eedeeyeen inay la Shaqeeynayeen dowlado shisheeye, toogashadaas ayaa kala kala dhacday degmada Jilib ee Gobolka Jubbada Dhexe & degaanka Buula Fuulay ee gobolka Baay.

Toogashada koowaad oo ka dhacday fagaare ku yaal degmada Jilib ayaa waxaa ku sugnaa Boqolaal Ruux oo ay Al-Shabaab ku amreen inay daawadaan, waxaana ragga la toogtay Afar kamid ah lagu eedeeyay inay la Shaqeeynayeen Sirdoonka Mareykanka halka kan Shanaad lagu eedeeyay in uu la Shaqeeynayay Sirdoonka Ingiriiska.

Shanta Ruux oo ay Al-Shabaab ku toogteen degmada Jilib ee Gobolka Jubbada Dhexe oo isugu jira dhalinyaro iyo dad waaweyn ayaa waxaa magacyadooda lagu kala sheegay.

Sacad Muuse Xaaji Daahir, Cabdow Mad Abow, Cabdulle Cumar Maxamuud &  Cabduqaadir Caddaan Xassan  oo ay ku eedeeyeen inay la Shaqeeynayeen Sirdoonka Mareykanka &  Cabdiraxmaan Axmed Maxamed  oo lagu eedeeyay in uu la shaqaynayay hayadda sirdoonka MI6 ee dowladda Ingiriiska.

Dhinaca kale Al-Shabaab ayaa fagaare ku yaal degaanka Buula Fuulay ee gobolka Baay waxaa ay ku toogteen Shan Ruux oo kale, kuwaas oo ay ku eedeeyeen inay la Shaqeeynayeen Sirdoonka Mareykanka.

Maalin ka hor ayay aheyd markii Al-Shabaab sidaan oo kale ay goob fagaaro ah oo ku taal degmada Saakow ee Gobolka Jubbada Dhexe ku toogteen 6 Ruux oo kala ahaa 5 rag ah iyo haweeneey, kuwaas oo ay ku eedeeyeen inay la Shaqeeynayeen Sirdoonka Mareykanka.

About the Author

Jibril Qoobey
(ISBITALKA )GMC- HOSPITAL DHAGACADE. Kabilowdey Qaliimo losamenayo Qaar Kamidah Ciidanka ku Xaraysan Xerada General Carays ee Deegaanka Godod. Qaliinada Losamenayo Ciidanka waxa iska Kashanaya Musharax Duqa Dagmada Galkacyo Cawil Cabdile iyo (ISBITALKA )GMC- HOSPITAL. DHAGACADE. Waxa Qaliinada Fulinaya .Dhaqatirta kala Ah. DR Maizid iyo DR Cabdale Horeeye. Qaliinadan manta kabilowdey Isbitalka GMC HOSPITAL DHAGACADE . Waxa Goobjoog ka ahaa musharax Duqa Dagmada gaalkacyo mudane Cawil Cabdile iyo sido kale Taliyaha Ciidanka Darawiishta gobolada mudug iyo Ceyn ee Puntland mudane Sharmake shiikh doon iyo . Agasimaha Isbitaalka GMC- mudane Maxamed Cabdirisaaq warsame iyo masuuliyen kale.