Madaxweynaha Koonfur Galbeed Cabdicasiis Xasan Maxamed Laftagareen, ayaa ka degay magaalada Baydhabo ee caasimadda KMG ah ee maamulka uu hoggaamiyo, kaddib maalmo uu ku sugnaa Muqdisho.
Laftagareen ayaa magaalada Muqdisho u joogay xal u raadinta khilaafka Madaxweynaha muddo-xileedkiisu dhamaaday ee DFS Maxamed Cabdullaahi Farmaajo iyo Ra’iisul Wasaare Maxamed Xuseen Rooble, waxaana ka socdaalkiisa saaka ee Muqdisho ay muujinaysaa fashilka wada-hadaladii xalka loogu raadinayay khilaafka labada nin oo habeen kahor lagu kala kacay.
Madaxweynayaasha Koonfur Galbeed Cabdicasiis Laftagareen iyo Galmudug Axmed Qoorqoor ayaa hormuud u ahaa wada-hadalada Farmaajo iyo Rooble, waxaana xogo soo baxaya ay sheegeen in labada nin ay sii kala fogaanayaan.
Idilnews