Shir looga hadlayo Dib-u-habeynta Booliska Puntland oo ka dhacay magaalada Garoowe (VIDEO)

Wasiirka Wasaaradda Maaliyadda Dowladda Puntland Mudane Xasan Shire Cabdi, ayaa shir la qaatay Guddiga dib u habeynta Ciidanka Booliska Puntland.

Shirkan ayaa waxaa ka soo qaybgalay Wasiirka Wasaaradda Amniga iyo DDR-ta Dowladda Puntland Mudane Cabdisamad Maxamed Gallan, Taliye kuxigeenka Booliska Puntland Gen: Caydiid Axmed Nuur iyo Taliyayaasha qeybaha Booliska Gobalada Mudug, Karkaar iyo Bari, waxaana intii uu socday diirada lagu saaray arrimaha Dib-u-habeynta Ciidanka iyo diyaarinta Miisaaniyadda sannadka 2022-ka.

Mudane Xasan Shire Cabdi, Wasiirka Maaliyadda Dowladda Puntland ayaa sheegay in in dib u habeynta Ciidamada Booliska Puntland ay mareyso meel gaba-gabo ah, isagoona xusay in ka Wasaarad ahaan ay ka go’an tahay in Ciidamaddu si joogto ah u helaan xuquuqdooda, uguna soo dhacdo mushaharaadkooda Taleefoonadooda isla markaana aysan dhici doonin in mushahar la waayo.

“ Waxaan maanta shir iskugu nimid Taliska qaybta Booliska ee goboladda, taasoo looga hadlayey labo qodob oo ah Dib u habeynta ciidamada Booliska oo gabogabo ah, gobol kasta inta ka dhimanayd iyo xilliga ay soo xaroonayaan iyo Diyaarinta Miisaaniyadda cusub ee 2022-ka…” ayuu yiri Mudane Xasan Shire Cabdi.

Xukuumadda uu hoggaamiyo Madaxweyne Dr. Siciid Cabdullaahi Deni ayaa dadaal badan galisay sidii Dowladda Puntland ay u heli laheyd ciidamo la ogyahay tiradooda iyo tayadooda, taas oo haatan u muuqata in guulo badan laga gaarayo.

Idilnews

About the Author

Jibril Qoobey
(ISBITALKA )GMC- HOSPITAL DHAGACADE. Kabilowdey Qaliimo losamenayo Qaar Kamidah Ciidanka ku Xaraysan Xerada General Carays ee Deegaanka Godod. Qaliinada Losamenayo Ciidanka waxa iska Kashanaya Musharax Duqa Dagmada Galkacyo Cawil Cabdile iyo (ISBITALKA )GMC- HOSPITAL. DHAGACADE. Waxa Qaliinada Fulinaya .Dhaqatirta kala Ah. DR Maizid iyo DR Cabdale Horeeye. Qaliinadan manta kabilowdey Isbitalka GMC HOSPITAL DHAGACADE . Waxa Goobjoog ka ahaa musharax Duqa Dagmada gaalkacyo mudane Cawil Cabdile iyo sido kale Taliyaha Ciidanka Darawiishta gobolada mudug iyo Ceyn ee Puntland mudane Sharmake shiikh doon iyo . Agasimaha Isbitaalka GMC- mudane Maxamed Cabdirisaaq warsame iyo masuuliyen kale.