Ra’iisul Wasaare Rooble oo kusoo wajahan magaalada Garoowe, Ujeedka socdaalkiisa ?

Ra’iisul Wasaaraha Xukuumadda xil-gaarsiinta ah ee DFS Maxamed Xuseen Rooble, ayaa dabayaaqada bishan September kusoo wajahan magaaladda Garoowe ee caasimadda Puntland , halkaas oo ay isugu imaanayaan Madaxda Soomaalida.

Ilo-wareedyo lagu kalsoon yahay ayaa u sheegay Idilnews, in Ra’iisul wasaare Rooble uu magaalada Garoowe uga qeybgalayo Shirka Golaha Wada-tashiga Qaran ee Doorashooyinka, kaas oo looga arinsanayo dardar-gelinta doorashooyinka.

Madaxweynayaasha Dowlad Gobaleedyada ayaa 21-23 bishan September, ku yeelanaya caasimadda Puntland ee Garoowe kulan gaar ah oo ay uga arinsanayaan doorashooyinka iyo xaalada dalka, sida lagu sheegay war-saxaafadeed wadajir ah oo xalay kasoo baxay Madaxtooyooyinka maamulada, kaddib kulanka khadka ZOOM-ta ah oo ay yeesheen Siciid Deni, Axmed Madoobe, Axmed Qoorqoor, Cabdicaziiz Laftagareen iyo Cali Guudlaawe.

“Madaxweynayaasha Dowladaha Xubnaha ka ah Dowladda Federaalka waxay shir isugu imaanayaan Magaalada Garowe 21 – 23 September 2021 si ay uga arrinsadaan dardargelinta qabsoomidda doorashooyinka iyo guud ahaan xaaladda Dalka.” Ayaa lagu yiri War-saxaafadeedka Madaxda DG.

Sidoo kale, Qoraal uu bartiisa Facebook ku shaaciyay Af-hayeenka Madaxtooyadda Puntland Jaamac Depreni ayuu ku sheegay in kulanka gaarka ah ee Madaxda Dowlad Gobaleedyadu ku yeelanayaan Garoowe uu hurdhac u yahay Shirka Golaha Wada-tashiga Qaran ee Doorashooyinka oo uu shir-guddoomin doono Ra’iisul Wasaare Rooble.

Jaamac Depreni ayaa yiri “Shirka 21-23 September 2021, loogu ballansanyahay Garoowe wuxuu gogol xaar u yahay Shirka Golaha Wadatashiga Qaran ee lagu dardargelinayo dhameystirka Doorashada.”

Idilnews

About the Author

Jibril Qoobey
(ISBITALKA )GMC- HOSPITAL DHAGACADE. Kabilowdey Qaliimo losamenayo Qaar Kamidah Ciidanka ku Xaraysan Xerada General Carays ee Deegaanka Godod. Qaliinada Losamenayo Ciidanka waxa iska Kashanaya Musharax Duqa Dagmada Galkacyo Cawil Cabdile iyo (ISBITALKA )GMC- HOSPITAL. DHAGACADE. Waxa Qaliinada Fulinaya .Dhaqatirta kala Ah. DR Maizid iyo DR Cabdale Horeeye. Qaliinadan manta kabilowdey Isbitalka GMC HOSPITAL DHAGACADE . Waxa Goobjoog ka ahaa musharax Duqa Dagmada gaalkacyo mudane Cawil Cabdile iyo sido kale Taliyaha Ciidanka Darawiishta gobolada mudug iyo Ceyn ee Puntland mudane Sharmake shiikh doon iyo . Agasimaha Isbitaalka GMC- mudane Maxamed Cabdirisaaq warsame iyo masuuliyen kale.