Wararka ka imaanaya magaalada Xudur ee Gobolka Bakool,ayaa sheegaya in ciidamada dawladda Soomaaliya ay iska difaaceen weerar xalay uga yimid maleeshiyaad ka tirsan ururka Al-Shabaab.
Ilo dhinaca amniga ah,ayaa u sheegay idaacadda in maleeshiyaadka Al-Shabaab ay soo weerareen saldhig ay Ciidamaada Dowladdu ku leeyihiin dhinaca galbeed ee magaalada Xudur wax yar ka dib saqdii dhexe.
Saddex ka tirsna maydka Maleeshiyaadka Al-Shabaab,ayaa la sheegay in lagu arkay goobta dagaalku ka dhacay, hase yeeshee mas’uulyiinta amniga ee Dowlada waxay dhimashada Maleeshiyaadka Al-Shabaab ee weerarkaas gaarsiinayaan ilaa Toddoba.
Mas’uuliyiinta Dowladda,ayaa sidoo kale sheegay in saddex qori ay ciidamada ku qabsadeen dagaalkaasi.