Turkiga oo soo ceshanaya xiriirkii Sacuudiga kadib….

In this Nov. 11, 2015, photo, Saudi Arabian Deputy Crown Prince Mohammed bin Salman attends a summit of Arab and Latin American leaders in Riyadh, Saudi Arabia. Saudi Arabia said Tuesday, Dec. 15, that 34 nations have agreed to form a new "Islamic military alliance" to fight terrorism with a joint operations center based in the kingdom's capital, Riyadh. Mohammed bin Salman said the new Islamic military coalition will develop mechanisms for working with other countries and international bodies to support counterterrorism efforts. (AP Photo/Hasan Jamali)

Wasiirka Arrimaha Dibadda ee Turkiga, Mevlut Chavushoglu, ayaa sheegay in heshiis laga gaaray arrinta ku saabsan booqasho uu dhawaan dalkaas ku tagayo Dhaxa-sugaha Boqortooyada Sacuudiga, Maxamed Bin Salmaan.

Hase yeeshee wali ma cadda goorta uu ku beegan yahay safarka uu Maxamed Bin Salmaan ugu wajahayn yahay Turkiga.

“Booqashada dhaxal-sugaha Boqortooyada Sacuudi Carabiya, Maxamed Bin Salmaan, waxay dhacaysaa bishan gudaheeda, waan isku raacnay go’aankeeda,” ayuu warbaahinta Turkiga ku yiri Mr Chavushoglu.

Waxa uu sidoo kale sheegay in uu wadahadal kula jiro Wasiirka Arrimaha Dibadda ee Sacuudiga, si loo asteeyo taariikhda ay ku beegmayso booqashada.

Xiriirka diblomaasiyadeed ee labada waddan ayaa aad u xumaaday sanadkii 2018-kii, markaas oo Xubno ka tirsan sirdoonka Sacuudiga ay magaalada Istambul ku dileen wariye reer sacuudi ahaa oo lagu magacaabi jiray Jamaal Khaashuqji.

Dilka Khaashuqji ayaa la sheegay inuu ka dhacay gudaha qunsuliyadda Sacuudiga ee Istanbul, inkastoo aan meydkiisa la helin ilaa hadda.

Maxamed Bin Salmaan qudhiisa ayaa ka mid ah dadka lagu eedeeyay inay ku lug lahaayeen falkaas, Sacuudigana dhacdadaas kaddib waxay isku xumaadeen dhowr dal.

Xiisadda u dhaxaysay labada waddan ayaa kahfiiftay kaddib markii uu dabayaaqadii bishii April madaxweynaha Turkiga, Recep Tayyip Erdogan, booqasho ku tagay Sacuudiga.

Sii xumaashada xiriirkooda ee daba socday dilkii Khaashuqji ayaa si gaar ah u saameeyay dhaqaalaha Turkiga iyo Sacuudiga.

Wadashaqeyntii labada geesooska ahayd ee ganacsiga dalalkan ayaa hoos u dhacday qiyaastii $5 bilyan oo doolarka Mareykanka ah.

Sidoo kale dhaqaalaha Turkiga ayaa hoos usii dhacayay muddooyinkii ugu dambeeyay.

Erdogan ayaa u muuqda inuu si khaas ah u danaynayo hagaajinta xiriirka kala dhaxeeya Sacuudiga, si uu sare ugu qaado dhaqaalaha sii liicaya ee Dalkiisa.