Hot Topics

Taliska Afrikom Oo faahfaahiyay weerarkii Cadalle

Taliska Maraykanka ee Afrika,ayaa faahfaahin ka bixiyay weerar dhanka Cirka ah oo ay ku qaadeen argagixisada Shabaab.

“Iyadoo lagu taageerayo howlgallada ka dhanka ah Al-Shabaab ee dowladda Federaalka Soomaaliya, Taliska Mareykanka ee Afrika ayaa weerar is-difaacid ah oo wadajir ah ku qaaday argagixisada Al-Shabaab oo weerar ku qaaday ciidamada Xoogga dalka Soomaaliyeed meel u dhow Cadale, Soomaaliya, November 3, 2022.”Ayaa lagu yiri Warbixinta.

Qiimeynta hordhaca ah oo taliska sameeyay,ayaa lagu sheegay in weerarka ay codsadeen Ciidamada Somaliya.

Weerarka,ayaa lagu dilay 15-ka mid ah argagixisada Al-Shabaab ah,sida warbixinta lagu sheegay.

Sidoo kale majirin Dad rayid ah oo ku dhaawacmay ama ku dhintay weerarkaas.

Taliska Mareykanka ee Afrika ayaa qaadaya tillaabooyin aad u wanaagsan si looga hortago waxyeelada rayidka. Ilaalinta rayidka ayaa ah qayb muhiim ah oo ka mid ah hawlgallada taliska si kor loogu qaado Afrika ammaan badan oo xasilloon.

Al-Shabaab waa shabakadda al-Qaacida ugu weyn uguna firfircoon ee caalamka waxayna awood uleedahay in ay weerarto danaha Maraykanka iyo Sxb-diis.

Maraykanka,ayaa u arka Soomaaliya in ay fure utahay Amniga Dalalka Bariga Afrika.

“Ciidamada Mareykanka ee Afrika,ayaa sii wadi doona tababarada, la-talinta, iyo qalabeynta ciidamada saaxiibada ah si ay u siiyaan agabka ay u baahan yihiin si ay u wiiqaan al-Shabaab”Ayaa lagu yiri warka kasoo baxay Taliska Afrikom.

Taliska Mareykanka ee Afrika,ayaa sii wadi doona qiimeynta natiijada howlgalka, waxaana ay bixin doonaan macluumaad dheeri ah sida ku habboon.

Faahfaahin gaar ah oo ku saabsan qaybaha ay khusayso iyo hantida la isticmaalay lama sii deyn doono si loo xaqiijiyo ammaanka hawlgallada.

Taliska Mareykanka ee Afrika oo xaruntiisu tahay Stuttgart, Jarmalka iyo la-hawlgalayaashiisa,ayaa markale xaqiijiyay in ay sii wadi doonaan ka hortagga argagixisada iyo hanjabaadaha caalamiga ah.