Maxaad ka taqaan Ninka Erdogan ay dhici karto in uu kala wareego hogaaminta Turkiga?

Cumhuriyet Halk Partisi Genel Başkanı ve Millet İttifakı Cumhurbaşkanı Adayı Kemal Kılıçdaroğlu, Isparta Mitingi’nde konuştu. (Fotoğraf: Alp Eren Kaya)

Kemal Kilicdaroglu, oo ah 74 jir hoggaamiya xisbiga mucaaradka Turkiga ugu weyne ee CHP siyaasaddiisuna tahay bidixda-dhexe wuxuu horay ugu guul darreystay doorashooyin uu madaxtinimo iisu soo taagay.

Balse doorashada sanadkan dhaceyso uu musharraxa ka yahay wuxuu uga duwan yahay waa musharraxa keli ah oo ay isku raaceen lix xisbi oo mucaarad ah.

Kamal Kilicdaroglu hoggaanka xulafada mucaaradka ee ay isbahaysteen wuxuu kula heeshiiyey hoggaamiyeyaasha xisbiyadaasi iney iyaguna wadaagaan xilka madaxweyne ku xigeenka.

Hoggaamiyaha xisbiga mucaaradka ee ay Kurdiyiintu leeyihiin ee HDP wuxuu doorashadan ku tilmaamay ‘mid muhiim u ah taariikhda dalka Turkiga’.

Mr Kilicdaroglu oo horay shaqaale dowladeed u soo ahaa wuxuu soo hoggaamiyey mudaharaadki caddaalad doonka ahaa oo 24 maalmood socday oo dalka Turkiga ka dhacay 2017-kii

Xisbiyada mucaaradka ee iisu baheysaty loollanka doorashada madaxtinimada Turkiga waxay doonayaan nidaamka Madaxweynanimada uu Erdogan jideeyey iney baddalaan kuna baddalaan nidaam baarlamaani ah.

Si ay nidaamkaasi u baddalaanna waxay u baahan yihiin kuraasta baarlamaanka Turkiga oo 600 ka kooban, 400 oo ka mid ah iney helaan si ay afti sharcigaasi lagu baddalayo ay golaha uga meel mariyaan.