Baarlamaanka Israel ayaa soo afjaray muddo 12 sano ah oo uu dalkaasi Ra’iisul Wasare ka ahaa Benjamin Netanyahu kadib markii ay u codeeyeen dowlad wadaag cusub.
Naftali Bennett oo ka tirsan xisbiga Yamina, ayaa loo dhaariyay xilka Raiisul wasaaraha cusub. Naftali Bennett, oo madax ka ah xisbi yar oo ayaa loo dhaariyey xilka ra’iisal wasaaraha kadib markii cod carriiri ah ay ku heleen 60-59 baarlamaanka.
Bennett ayaa soo dhisayo xukuumad isku dhaf ah oo ay ka wada tirsan yihiin mucaaradka ugu saameynta badan Isreal.
Mr Netanyahu – hogaamiyaha ugu waqtiga dheer ee Israel oo xukumayay, wuxuu sii ahaan doonaa madaxa xisbiga garabka midig ee Likud wuxuuna noqon doonaa hogaamiyaha mucaaradka, kaddib heshiis dhexmaray xibsiyada mucaaradka ah oo meesha looga saaray Netanyahu.
Codeynta ka dib, Mr Netanyahu wuxuu gacan qaaday Mr Bennett. Madaxweynaha Mareykanka Joe Biden ayaa durbaba hambalyo u diray Mr. Bennett, isagoo sheegay inuu rajeynayo la shaqeyntiisa.
Heshiiska Awood qeybsiga Isreal ayaa awood u siinaya Mr Naftali Bennett in uu xilka haayo laba sano waxaana xilka kala wareegi doono Yair Lapid oo ah hogaamiyaha xisbiga dhexe ee Yahuudda.
Naftali Bennett ayaa ah 49 sano jir dhashay 25 march 1972, waxa uuna horay u soo noqday wasiirka difaaca Isreal.