Madaxweynaha Turkiga Recep Tayyip Erdogan,ayaa saxiixay qorshaha Madaxweynaha Ruushka Vladimir Putin ee uu ku doonayo in Turkigu uu xarun u noqdo Gaaska dabiiciga ah ee Ruushka.
Sidoi kale Erdogan,waxuu sheegay in Turkigu uu sugayey fursaddan muhiimka u ah.
“Wadamada Yurub waxay hadda raadinayaan meel ay ka helaan sahayda gaaska dabiiciga ah,balse Ilaah mahadii Turkiga kama jirto dhibatadaas oo kale,waxaan rajeyneynaa, inaan dhowaan noqon doono xarun gaaska dabiiciga ah qaybisa.”Ayuu yiri Erdogan.
Toddobaadkii hore madaxweyne Putin ayaa sheegay in gaaska dabiiciga ah loo wareejin doono dalka Turkiga lagana bedeli doono dhuumaha shidaalka ee Nord Stream ee dhex mara biyaha badda Baltic ee u dhaxaysa dalalka Yurub iyo Ruushka, kuwaas oo dhowaan ay waxyeelleeyeen qaraxyo loo geystay.
Ruushka ayaa hore gaaska u siin jiray dalka Turkiga, isaga oo u sii marin jiray dhuumaha shidaalka ee lagu magcaabo TurkSteam, kuwaas oo hoos mara biyaha badda Madow.
Su’aalaha iswaydiinta mudan,waxa ay yihiin…
Yaa kale oo iibsanaya gaaskaas,haddii reer Yurub ay diidaan in ay iibsadaan gaaska Ruushka ?.
Yuu Turkigu xarun Gaaska Dabiiciga ah u noqon doonaa oo Gaas ka iibsanaysa?
Yaa noqon doona meesha uu u Aadi doono ay gaaska Putin iyo Erdogan ku heshiiyeen ?
Waa su’aalaha aan jawaabta loo hayn ee fahamkoodu Dadku la yaaban yihiin.
“Marka uu Ruushku awoodo inuu dalka Turkiga soo gaarsiiyo gaaska lagu heshiiyey, in ay suuro gal tahay in xilligaas ay Yurub ay heshay meel kale oo ay ka heli karto gaaska ay u baahnayd”Ayuu yiri Dusgit oo ah Macallin Jaamacadeed.
Kremlinka Ruushka,ayaa qiran in dhuumaha shidaal ee isku xira Ruushka iyo Turkiga aanay lahayn awood ay ku qaadaan Gaas dheeriya oo ka badan qiyaastii Turkiga loogu talagalay.
Jibril Qoobey.