Garowe: May 27, 2024:-Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Abdi Farah Juxa oo uu weheliyo Agaasimaha Guud Mudane Mohamed AIi Farah Farmayeri ayaa maanta xafiiskiisa ku qaabilay wafti ka socda hay’adda UNHCR oo uu hogaaminayo Madaxa ugu sareeya Soomaaliya Mr Chales Mballa.
Waftiga UNCHR ayaa waxaa qayb ka ahaa
Monique oo ah Head of Sub office Puntland and Galmudug iyo Phoebe Wanjiru oo ah external relation Officer.
Wasiirka Wasaaradda Arrimaha Gudaha DPL iyo Hay’adda UNHCR ayaa ka wada hadlay xaaladda guud ee qaxoontiyada, barakacayaasha iyo qul-qullka Muhaajiriinta soo gala gudaha Puntland, sigaar ah waxaa diiradda loogu saaray qodobadaan hoose:-
1. Xal u helidda qul-qulka Muhaajiriinta ka imaanaya Dalka Ethiopia
2. Sidii loola tacaali lahaa xaaladda Qaxootiga ka imaada Dalka Yemen;
3. Sidii loo soo afjari lahaa barakacnimada dadka Soomaaliyeed ee mudda dheer ku noolaa xeryaha barakacayaasha gudaha Puntland
4. Dardargelin barnaamijka xalka waara ee dadka u baahan in xirfad ahaan iyo dhaqaale ahaanba la taageero.
Shirka ayaa ku soo dhammaaday si guul iyadoona liasku afgartay sidii Dardar gelin lahaa shaqooyinka Hortabinta leh ee ka dhaxeeya Wasaaradda Arrimaha Gudaha, iyo Hay’adda UNCHR.
… DHAMMAAD…
XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.