Maxkamada darajada 1-aad ee Ciidamada Qalabka Sida iyo Danbiyada Culus ee Puntland ayaa maanta goโaamo ka soo saartay Rag iyo haween eedeysanayaal ku ahaa gudbinta iyo u socoshada kooxda Alshabaab oo deegaannada maamulkaasi.
Maxkamadda oo ku riday xukunno u dhexeeya 5 ilaa 10 sano ayaa carrabowday inay ku heshay eedeysanayaashaan dambiyada lagu oogay dadkaan oo ah ka mid ahaanshiyaha kooxda Alshabaab.
Sida oo kale Maxkamadda ayaa tilmaantay in dumarka oo waalidintooda siiyeen xubno ka tirsan Alshabaab ay socdeen, kuwaa oo qiraaladooda ay ka hor cadeeyey garmaqalka.
Maxakamadda ayaa Colaad Jaamac Salaad oo 20 jir ah iyo Maxamed Cabdi Geelle oo 43 jir ah ku xukuntay min 10 sano oo xabsi ah, halka shan dumar ah lagu riday 5 sano oo xabsi ah, sida uu ku dhawaaqay Gudoomiyaha Maxkamada darajada 1-aad ee Ciidamada Qalabka Sida iyo Danbiyada Culus ee Puntland Gaashaanle dhexe Cabdirisaaq Jaamac Cabdulle.
Ugu dambeyn Maxakamadda ayaa dib xoriyaddooda u siisay 3 eedeysane oo wax dambi ah lagu waaayey iyo gaadiidkoodii, ka dib markii wax dambi ah lagu waayey.
Isha wararka HBN Online