Hal Shirkad Koronto ma anfacayso Magaalo laga rabo in ay samayso horumar oo Caasimad u ah Dhul gaaraya 212-kun KM isku wareeg ah.
Sida dhacday marar badan oo Maantay ay ugu danbaysay,waxaa cilad qabsanaysaa Shirkada,kadibna Korontadii,ayaa maqnaanaysa Lix Saac oo isku xigta.
Waxaa jarmay Intarneedkii.
Waxaa damay Taleefoonadii.
Waxaa istaagay wax kala iibsigii.
Waxaa istaagay Shaqadii Isbitaalada.
Waxaa xirmay Hoteladii iyo Maqaaxiyihii.
Khasaaraha Maanta kaliya dhacay,waxaa lagu qiyaasay $60-$70-kun.
Dhibku,waa Korontadii Magaalada oo uxiran Hal Shirkad,taasoo siday doonto yeelaysa oo aan ka taxadarin Bulshada adeega ay uhayso.
Cid alaale iyo cidii isku dayda in ay keento Koronto cusub,waxay siinayaan Saami sida Golis iyo Amal,waxaase culaysku ku dhacayaa Shacabka.
Sidoo kale,waxaa maqan doorkii Maamulka oo ahaa in uu ilaaliyo Qiimaha iyo Tayada maadaama Korontadu ay tahay lama taabtaan markay timaado adeega Bulshada.
Waxaa kaloo,iyaguna gabay doorkoodii la Xisaabtan ee Wasaarada Tamarta Baarlamaanka Puntland .
La soco warbixino aan ku dul istaagayno Korontada Garowe oo isdaba joog ah.
JQ.