“Wasiir 3-Sano,ayaa la idinka waayey walaalayaalooww talada dhulka dhiga dalkaan waan wada leenaheye, dastuurka dalka iyo dowladnimada Kufsiga ka daaya, jidkaad ku socotaana ka jooga horaa loogu jabaye.”Ayuu yiri..Wasiirka Cadaalada PL oo ujawaabay Wasiirka Dastuurka DFS.
Isagoo hadalkiisa sii wataWasiirka Cadaalada PL,ayuu yiri”Maanta cid idin la fariisaneysa ma jirto illaa aad ku soo noqotaan xayndaabka sharciga iyo dowladnimada oo ah:-
- In aad ku soo noqotaan Dastuurkii dalka ee Bulshada Somaliyed ku heshiiyey Aug, 2012.
- In aad ogolaataan gogal wadatashi Qaran, maadama madashii NCC ay dhimatey oo aad Xisbi u badasheen.
- In aad ogolaataan sidii dalka looga qaban lahaa doorasho Qaran oo heshiis lagu yahey, loona dhanyahey.
- In aad aqbashaan doorashadii dadka Jubbaland qabsadeen, duulaanka JL & PL aad joojisaan.
Qoraalkan oo Wasiirka Cadaalada Puntland Maxamed Cabdiwahaab ku shaaciyay Bartiisa Facebook,ayaa jawaab u ah hadal kasoo baxay Wasiirka Dastuurka DFS X.Macallin.
Dowlada taagta daran Muqdisho ee haysata aqoonsiga Qaramada Midoobey,ayaa Todobaadkii lasoo dhaafay shaacisay in ay dhigtay gogol wada xaajood 15- ka Bishan.