Garowe : 29 June 2025 : Madaxweynaha Dowladda Puntland HSiciid Cabdullahi Deni oo uu weheliyo Madaxweyne Ku-xigeenka Dowladda Ilyaas Cismaan Lugatoor, ayaa maanta furay
Shirweynaha maamul-baahinta Dowladda Puntland, muddo Labo maalmood ah ka socon doona xarunta Madaxtooyada ee caasimada Garowe.
Shirka,ayaa intuu socdo la iskula wadaagi doona xogo ku saabsan….
1.Shaqooyinka Dowladnimo ee qabsoomay iyo kuwa qorsheysan.
2.Fursadaha iyo caqabadaha, iyo sida ugu waanagsan ee maamul daadijinta heer deegaan, heer degmo illaa heer Gobol.
Waa kulan isla xisaabtan ah oo firfircooni u horseedaya adeega dowladnimo ee loo hayo bulshada.
Waxaa Shirka ka qeybgalaya Golaha Xukuumadda, La-taliyeyaal Madaxweyne, Agaasimeyaasha Guud, Hanti-dhowraha Guud, Taliyeyaasha Ciidanka, Guddoomiyeyaasha Gobollada, Guddoomiyeyaasha Degmooyinka, Agaasime-Waaxeedyada, Isu-duwayaasha Gobollada, Xoghayeyaasha Dowladaha Hoose iyo Masuuliyiinta kale ee Dowladda.
-DHAMMAAD-
-XAFIISKA WARFAAFINTA MADAXTOOYADA DOWLADDA PUNTLAND-