Gudoomiye ku xigeenka Gobalka Shabeelada hoose Cali Nuur Maxamed oo la hadlay warbaahinta ,ayaa waxaa uu sheegay in Dagaalamayaasha Al-Shabaab ay bilabeen in miinooyin ay ku aasaan Deegaanada ka Tirsan Gobalkaas.
Sidoo kale waxaa uu Xusay in labo miino dhawaan laga soo saaray inta u dhexeysa ceelasha biyaha iyo Xaawo Cabdi oo kawada Tirsan gobalka Shabeelaha Hoose.
Gudoomiye ku xigeenka gobalka Shabeelada Hoose ayaa Waxaa uu faahfaahiyay Sababta keentay in Al-Shabaab ay miinooyin ku aasan Gobalka Shabeelada hoose,Waxaa uuna Sheegay in Taasi ay keentay kadib markii dowlada federaalka soomaaliya ay dhawaan ku dhawaaqday dagaal ka dhan ah Dagaalamayaasha Al-Shabaab.
Hayeeshee CalI nuur ayaa waxaa uu xusay in dhaq-dhaqaaq ciidan ay ka socdaan Deegaanada Gobalka Shabeelada Hoose,kaasi oo ku aadan sidii Al-Shabaab loogu saari lahaa gobalkaas Meelaha ay kaga Sugan yihiin.
Dagaalamayaasha Al-Shabaab ayaa marar badan waxaa ay miinooyin ku aaseen deegaano ka Tirsan Gobalka Shabeelada Hoose,iyadoona inta badan Khasaaraha uu ka soo gaaro Dadka Shacabka ee aan waxba galabsan iyo Askarta tirsan Ciidanka Dowlada Federaalka Soomaliya