Madaxweynaha Dowladda Puntland Siciid Cabdullaahi Deni, ayaa maanta kulan gaar ah la qaatay saraakiisha ciidanka Asluubta Dowladda Puntland. Madaxweynaha,ayaa ka dhegaystay Saraakiisha warbixin ku saabsan shaqada socota, gaar ahaan xaaladda Xabsiyada, iyo maxaabiista, wuxuuna faray in ay sii dardargeliyaan shaqada ay bulshada u hayaan.
Author: Jibril Qoobey.
Kulanka Xasan Shire iyo Fahad Yaasiin,waxuu la mid yahay isbahaysigii lagu khasaaray ee Khayre. Turkiga ayay ku kulmeen,waxaana qorshaha laga wada hadlay ahaa in Fahad taageero dhaqaale iyo mid xiriir ku garab istaago hanka Xasan ee Madaxweynaha Puntland. Sida la saadaalinayo is araga Labaad ee Qatar iyo Imaaraadka ee loolanka Siyaasada Somaliya,waxuu ka dhici doonaa Garowe iyo 2024-ta. Xasan waa Musharax diyaar garoobay oo wax badan abaabushay. Puntland iyo Fadaraalkuba,waa la socdaan kulanka Fahad iyo Xasan Shire Wasiirka Maaliyada Puntland. Jibril Qoobey.
Ciidanka Canfarta,ayaa weerar culus kusoo qaaday shacabka xoolla dhaqatada ah ee Soomaliyeed, kuwaasoo xoollahooda u arroor geeyay Awaash (agagaarka Dhooqaley, shagle, xoola cade iyo Dudumoley). Dad ka baddan Shan ruux,ayaa la sheegay in ay weerarkaas ku geeriyoodeen, halka dhaawac intaa ka baddan uu jiro, waxayna Canfartu halkaas ku dhacday xoolihii ugu badnaa abid oo iskugu jira sedexda Meesi ee xoollaha (Geel, Lo’ iyo Adhi). Tirada xoolaha ay Canfartu maanta dhaceen,ayaa lagu qiyaasayaa iney ku dhaw yihiin Afar kun oo Neef. Xigasho:-Voss Tv.
Maxkamada darajada 1-aad ee Ciidamada Qalabka Sida ee 5-ta Gobol iyo dambiyada culus ee Puntland,ayaa ugu danbeyn maanta dil toogasho ah ku xukuntey 4 kamid Amniyaadka Argagaxisada Alshabaab kuwaas oo ahaa Shabakaddi dilalka madax jabinta iyo qaraxyada ka geysan jirey magaalada Boosaaso. Magacyada Xubnaha la Xukumay,ayaa kala ah… 1.Jaamac Aadan tusbaxle2 Ayuub Cumar shire3.Cabdulahi Salaad Boos4.Maxamuud Abshir Muuse Olyo Waxaa iska kaashaday soo qabashada Dambiilayaashan Ciidanka Police-ka Gobolka Bari iyo Ciidanka PISF ee uu xukumo Jeneral Aamiin Xaaji khayr.
Guddoomiyaha Baarlamaanka Soomaaliya, Sheekh Aadan Maxamed Nuur (Aadan Madoobe),ayaa waxa uu waxba kama jiraan ku tilmaamay heshiisyada ay dowladda la gasho dowladaha kale ee aan baarlamaanka la soo marsiinin, xilli haatan la hadal hayo heshiiska qaadka ee u dhaxeeya Somaliya iyo Kenya. Guuddoomiyaha,ayaa sheegay in marka hore ay Xukuumadda soo gasho heshiisyada caalamiga ah ka dibna baarlamaanka loo soo gudbiyo si ay u ansixiyaan. “Marka ay xukuumadda ay soo gasho heshiis caalami ah baarlamaanka ayay u soo gudbineysaa oo ansixinaya, wax ka baddalaya amaba diidaya,” ayuu yiri Shiikh Aadan Maxamed Nuur (Aadan Madoobe). Guddoomiyaha oo la waydiiyay waxa kaga qorsheysan…
Garoowe, 21 June 2022: Madaxweynaha Dowladda Puntland Siciid Cabdullaahi Deni ayaa maanta kulan la qaatay Agaasimeyaasha Guud ee Wasaaraddaha iyo Hay’adaha madaxa banaan ee Dowladda. Kulanka,ayaa ujeedkiisu ahaa dardargelinta, ilaalinta xilyada shaqada iyo Tayeynta Shaqada Hay’addaha Dowladdu u hayaan Bulshada, Iyadoo laga duulayo qorshaha dowladda ee ku dhisan waxqabad ay sal u tahay Tayeyn iyo Tiigsi. XAFIISKA WARFAAFINTA MADAXTOOYADA DOWLADDA PUNTLAND.
Guddoomiye ku-xigeenka Gobalka ahna kusimaha Gobalka Mudug,ayaa Shir Guddoomiyay Shirka Amniga Gobalka Mudug,hoos ka daawo muuqaalka. Halkan ka daawo muuqaalka
Ra’iisul Wasaaraha Xafiiska ka sii tagaya ee XGS Mudane Maxamed Xuseyn Rooble,ayaa uga mahadceliyay Golahiisa Wasiirrada iyo howl wadeennada Xafiiska Ra’iisul Wasaaraha sidii wanaagsaneyd ee ay ula shaqeeyeen iyo howlihii baaxadda lahaa ee ay dalka u soo qabteen. Ra’iis Wasaare Rooble,ayaa Wasiirrada u rajeeyay mustaqbal siyaasadeed wanaagsan, isagoo kula dardaarmay in ay qof waliba intii karaankiisa ah dalka ugu adeego. Dhanka kale Xubnihii Golaha Wasiirrada ee kulanka ka hadlay ayaa Ra’iisul Wasaaraha uga mahadceliyay sidii uu u soo hogaamiyay xukuumadda iyo si gaar ah howlihii doorashooyinka dalka oo si guul iyo nabad ah ku soo dhamaaday. Ra’isul Wasaaraha ayaa shahaadooyin…
Ra’isalwasaare Xamse,waxaa looga fadhiyaa in uu soo cesho xuquuqda Awood qaybsiga Beesha Daarood ay ku leedahay Hay’adaha Dowlada ee la duudsiiyay Afartii sano ee Farmaajo iyo ka horba. Hay’adaha madaxa banaan” Hanti dhowraha guud (H.gidir)Xisaabiyaha guud (Xawaadle)Civil Aviation ka(Xawaadle)Telecommunication(Murursade)Hay’ada Petrolka(H.gidir)Bangiga horumarinta(Abgaal)Bangigaga dhexe/ ku xigeen.Hay’ada socdaalka( H.gidir)Hay’ada Qaxootiga Qaranka.Rugta ganacsiga( Abgaal)Garyaqaanka Guud ( Hawiye ) Shaqaalaha Dowlada ee mushaarka qaata 85% waa Beesha Hawiye. Jibril Qoobey.
Aqalka-sare ma matalo Beelaha ee waxuu ku fadhiyaa Dowlad Goboleed qaybintiisa Gudiyadana lagu saleeyaa. Puntland Gudigii dib u eegista Dastuurka Xubin kuma leh wax soconaya ma’ahan oo Waxaase la yaab leh Seneteradii Puntland ku matalayay Aqalka-sare oo waliba uu ku jiro Ku xigeenkii Labaad in ay Goobta ansixinta fadhiyaan? Cajiib !!!
Aqalka Sare Baarlamaanka Federaalka Soomaaliya,ayaa ansaxiyay xubnaha Aqalka Sare ku matalaya Guddiga dib u eegista iyo la socodka hirgalinta Dastuurka, oo kala ah:- Senator Cabdi Xasan Cawaale (Qaybdiid)Senator Iftiin Xasan Iimaan (Baasto)Senator Cabdullaahi Sheekh Ismaaciil (Fartaag)Senator Saalax Axmed JaamacSenator Xasan Xuseen Xaaji
Wasiirada arrimaha debedda ee Midawga Yurub,ayaa kulan ay ku yeesheen dalka Luxembourg waxay kaga wada xaajoodeen sidii loo fududayn lahaa in malaayiinta ton ee sarreenka ah ee ku xanniban dalka Ukraine inay gaaraan dalalka loo wado, ka dib markii dalka Ruushku uu xannibaad ku soo rogay dekedaha Ukraine ee ku yaalla Badda Madow. Ukraine oo ka mida dalalka ugu badan ee soo saara sarreenka dunida laga isticmaalo ayaa haatan awoodi wayday inay sarreenkeeda debedda u dhoofiso. In ka badan 20 million oo ton oo sarreen ah ayaa ku xanniban dekedaheeda, tan iyo wixii ka dambeeyey duullaankii uu Ruushku ku qaaday…
Ra’iisul Wasaaraha XFS ee shaqada ka sii tagaya Maxamed Xuseyn Rooble,ayaa maanta Guddoomiyay shirkii ugu dambeeyay Golaha Wasiirrada, kaas oo dib loogu eegay howlihii u qabsoomay Xukuumaddiisa muddadii ay shaqeyneysay. Ra’iisul Wasaare Rooble,ayaa xubnaha Golaha Wasiirrada ugu mahadceliyay sidii wanaagsaneyd ee ay ula soo shaqeeyeen, isagoo kula dardaarmay sii wadista howlaha qaranka iyo gacan siinta Ra’iisul Wasaaraha magacaaban iyo dowladda cusub.
Shabakadan lasoo bandhigay Maanta ee argagixisada ah,waxaa markii ugu horaysay lagu qabtay mid ka mid ah Gobolka Mudug,kaas,ayaana ka shifay kuwa Bari kala shaqeeya. Hawlgal Wadajir ah oo ay wada fuliyeen Ciidamada amaanka Puntland ee Mudug iyo Bari,ayaa keenay in lagu guulaysto burburinta Shabakadan argagixisada ah. Waxaa baxsaday intaan la qaban hogaamiyihii Guud ee Kooxda oo kasoo jeeda Beesha Furku-caagle. Qaraxyada iyo Dilalka ay qirteen,waxaa ka mid ah… 1.Qaraxii loo dhigay Gawaarida Madaxweynaha Puntland markuu soo galayay Bosaso ee ugu danbaysay. 2.Qaraxii Odoyaasha Warsangeli. 3.Qaraxii Saraakiisha uu ku jiray Jeraale. 4.Dilkii Suldaan Muuse Koonte. 5.Dilkii Bashiir Muuse Xaaji Faarax. 6.Dilkii…
Goobjoogayaal ku sugan dalka Itoobiya ayaa sheegay Axaddii in inka badan 200 oo qof oo u badan qowmiyadda Axmaarada lagu dilay weerar ka dhacay gobolka Oromiya ee dalkaas, waxayna ku eedeeyeen jabhadda Oromada taasoo markii dambe beenisay. Waa mid ka mid ah weeraradii ugu khasaaraha badnaa ee dhawaanahan ka dhaca Itoobiya, iyadoo xiisadaha qowmiyadeed ay weli ka socdaan dalka labaad ee ugu dadka badan Afrika. “Waxaan tiriyay 230 mayd, waxaan ka baqayaa in kani uu yahay weerarkii ugu khasaaraha badnaa ee ka dhanka ah dadka rayidka ah ee aan aragno inta aan nool nahay,” ayuu yiri Abdul-Seid Tahir, oo ka…
Garoowe, Juun 20, 2022: Guddoomiyaha Golaha Wakiillada DPL, Mudane Cabdirashiid Yuusuf Jibriil, oo ay wehliyaan Guddoomiye xigeenka 1aad Mudane, Cabdicasiis Cabdullahi Cusmaan iyo Ku-xigeenka 2-aad Mudane, Ismaaciil Maxamed Warsame ayaa maanta shir Guddoomiyey fadhiga 5-aad, Kalfadhiga 50-aad ee Golaha Wakiillada DPL. Fadhiga maanta ayaa waxaa warbixino looga dhageystay 3 Guddi oo kala ah. Guddiga Shuruucda, Caddaaladda, Arrimaha Diinta iyo Dastuurka Golaha Wakiillada DPL.Guddiga Siyaasadda, Qorsheynta, Horumarinta Dhaqaalaha & Xiriirka Caalamiga ee Golaha Wakiillada DPLGuddiga Amniga & Nabadgelyadda Golaha Wakiillada DPL Guddiyadda ayaa soo jeediyay warbixin la xiriirta dhammaan Kormeerada ay ku tageen Wasaaradaha, Hay’adaha Dawladda iyo socdaalkii U Kuur-gelida Gobolada…
Kenya,ayaa qarka u saaran inay dib u furto suuqa jaadka ee Soomaaliya iyadoo la filayo in heshiiska la saxiixo horraanta bisha Luulyo. Wasiirka beeraha Peter Munya,ayaa dhamaadkii toddobaadkan shaaca ka qaaday in wadahadalada u dhexeeya labada dal ay galeen qeybtii ugu dambeeysay iyadoo heshiis la filayo laba toddobaad gudahood. “5-ta bisha Luulyo ee soo socota, heshiiska waxaa lagu saxiixi doonaa halkan Nairobi,” ayuu yiri Munya xilli lagu gudajiray ololaha doorashada Kenya ee lagu inay dhacdo bilowga bisha Ogosto. Munya ayaa markii uu hadalkan sheegayay waxa uu ku sugnaa Ismaamulka Meru oo ay ku yaallaan beeraha Qaadka.
Madaxweyne ku xigeenka Puntland,ayaa Shir-guddoomiyey Shirka maamul baahinta Puntland (JPLG) oo heer wasiiro ah. Waxaan Shirka kasoo qaybgalin Wasiirkii Arimaha Gudaha,iyadoo ay matalayeen Wasaarada Wasiir ku xigeen iyo Wasiiru-dowle. Waa nasiibdaro hadii Madaxweyne xigeenkii aan la tusi karin oo uu diiday wada shaqaynta Wasiirka,hoos ka daawo muuqaalka. Halkan ka daawo muuqaalka
Wasiir Beyle waa beeniyay in Dowladii Farmaajo uga tagtay khasnada Dowlada Lacag Cadaan ah,hoos ka daawo muuqaalka. Halkan ka daawo muuqaalka
Maanta Axmed Karaash,isagaa khaldamay oo ku hor kufay Masraxa. Shirka dhacayay,waxaa Shir Gudoominayay Wasiirka Arimaha Gudaha sida nidaamku ahaa. Balse Karaash,ayaa soo diray Wasiirka Shaqada iyo Shaqaalaha oo soo faray Gudoomi Shirka. Dhabancad,waxuu usheegay Wasiirka Shaqaalaha in ay shaqadiisa tahay oo Mashruuca JLPG Arimaha Gudaha hoos yimaado. Kadib,waxaa Gaari soo qaatay Karaash oo toos uyimid meeshii Kulanku ka socday. Waxii dhacay Karaash,ayaa sababay oo udhaqmay si hoose oo maqaam xumo ah baalmarsana sharciga.
Xalay way kulmeen caawana waa wada joogaan Deni iyo Karaash. Xildhibaanada Baarlamaanka ee uu la kulmay Maanta,waxuu Madaxweynuhu ucadeeyay isagu in uu xalinayo waxii dhexyaal M.xigeenka. Sidoo kale Xildhibaanada ugu miisaanka culus Golaha,waxay ii xaqiijiyeen in uusan jirin Mooshin ka dhan ah Golaha Wasiirada iyo M.xigeenka midna.
Kulankii Maanta ee Deni iyi Baarlamaanka dhamaan Xildhibaanadu waa kasoo qaybgaleen oo qayb ka maqnaatay majirto. Madaxweynuhu,waxuu usheegay in hada waxii ka danbeeya usoo jeestay gudaha Puntland wakhtiga haray in uu ka shaqeeyo. Xildhibaanada,waxuu ka codsaday wada shaqayn si wakhtiga yar ee haray wax badan loo qabto. Si gaar ah,waxuu uga codsaday in lagala shaqeeyo socod siinta Dimuqraadiyaynta. Madaxweyne Deni,waxuu si cad usheegay in uusan mudo kororsi rabin doorashadana wakhtigeeda ku qabanayo. “Dimuqraadiyadaas igala shaqeeya ilaa inta la gaarsiin karo wakhtiga Sanad iyo barka haray haday noqon lahayd Golayaasha Deegaanka ama Baarlamaanka hadii laga gaaro”Ayuu ku yiri Madaxweyne Deni. Arinka…
Gudiga dhaqaalaha Baarlamaanka,ayaa qiimayntooda xaalada dhaqaale ee Puntland soo bandhigay. Halkan ka daawo muuqaalka
Socdaalkiisii ugu horeeyay ee uu dibada ugu baxo in uu Imaaraadka noqdo,waa loo baahnaa Madaxweyne Xasan. Dadka aadka ula socda siyaasada arimaha dibada ee Somaliya,ayaa aad ugu amaanay Madaxweyne Xasan fahamkiisa diblomaasiyaduhu sida ay ugu kala muhiimsan yihiin Dalka. Imaaraadku waa Dalka ugu muhiimsan Somaliya markay timaado xiriirka caalamiga ah iyo danaha Umadeed. Somaliya waxay soo martay 4-sano oo ay ku jirtay Jeebka Sirdoonka Qatar. Balse hada,waxaa muuqata in ay bilaabatay dib ugu soo celinta Wadada saxda ah Diblomaasiyada Qaran ee Dalka.
Guddoomiyaha Golaha Wakiillada DPL, Cabdirashiid Yuusuf Jibriil, oo ay wehliyaan Guddoomiye xigeenka 1aad Cabdicasiis Cabdullahi Cismaan iyo Ku-xigeenka 2-aad Mudane, Ismaaciil Maxamed Warsame,ayaa maanta shir Guddoomiyey fadhiga 4-aad, Kalfadhiga 50-aad ee Golaha Wakiillada DPL. Fadhiga maanta ayaa waxaa warbixino looga dhageystay 4 Guddi oo ka mid ah 10 Guddi ee Golaha Wakiillada Dawladda Puntland. Guddiga Arrimaha Gudaha, Federalka iyo DimuqraadiyaddaGuddiga Anshaxa iyo Arrimaha GolahaGuddiga Arrimaha Bulshadda, Dhaqanka, Warfaafinta iyo IsgaarsiintaGuddiga Maaliyadda, Dhaqaalaha iyo Xisaabaadka Guddiyadda ayaa soo jeediyay warbixin la xiriirta dhammaan Kormeerada ay ku tageen Wasaaradaha, Hay’adaha Dawladda iyo socdaalkii U Kuur-gelida Gobolada dalka. DHAMMAAD Xafiiska Warfaafinta & Wacyi-gelinta,Golaha…
Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Maxamed Cabdiraxmaan Dhabancad ayaa furay shirka midaynta canshuuraha Dowladdaha Hoose iyo soo bandhigidda xogta soohdimaynta Degmooyinka Puntland. Shirka waxaa ka soo qaybgalay Wasiir ku xigeenka Wasaaradda Cabdiweli Mire Xirsi, Wasiiru Dowladaha Wasaaradda Mudane Maxamed Axmed kulan, Agaasimaha Guud ee Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Cabdullaahi Siciid Aw-Yuusuf, Guddoomiyaasha Degmooyinka Puntland, Xoghayaasha Dowladdaha Hoose, Agaasimayaasha waaxyaha iyo qaar ka mid ah shaqaalaha Wasaaradda. Intii shirku socday waxaa si hor dhac ah la is kula eegay xogta soohdimaynta Degmooyinka iyo Gobolada Puntland ee ay samaysay Wasaaradda Arrimaha Gudaha…
Ra’iisal Wasaarihii hore ee Soomaaliya Cumar Cabdirashiid Cali Sharma’arke,ayaa ka hadlay isbaddalkii dhowaan ka dhacay Soomaaliya ee lagu doortay madaxda cusub ee DFS, hawlaha mudnaanta leh ee horyaala Madaxweyne Xassan Shiikh Maxamuud iyo Ra’iisal Wasaaraha cusub Xamse Cabdi Barre. Halkan ka daawo muuqaalka
Guddoomiye ku xigeenka koowaad ee Aqalka Hoose ee baarlamaanka Soomaaliya, xildhibaan Sacdiya Yaasiin Xaaji Samatar ay noqotay ku-simaha madaxweynaha Soomaaliya kadib markii uu safar debedda ah ugu kicitimay madaxweyne Xasan Sheekh Maxamuud. Xildhibaan Sacdiya ayaa xilkan qabanaysa maadaama uu waddanka ka maqan yahay Guddoomiyaha Aqalka Hoose Sheekh Aadan Maxamed Nuur Madoobe. Arrintan ayaa ah mid taariikhi ah, waana markii ugu horraysay ee Soomaaliya ay ku-sime madaxweyne ka noqoto hoggaamiye dumar ah. Xildhibaan Sacdiya ayaa ah haweeynaydii ugu horraysay ee loo doorto xilka guddoomiye ku xigeenka Aqalka Hoose ee baarlamaanka. Sida uu dhigayo sharciga Soomaaliya, haddii madaxweynaha iyo guddoomiyaha Aqalka Hoose…
Mushahaarka shaqaalaha rayidka ah inta badan waxaa loo kala dhigay Gunno iyo mushahaar. Gunnada,ayaa badan oo hadaad $300 qaadatid $97,ayaa mushahar kuugu soo dhacaysa gunnadana Xafiiskaaga Maaliyadda,ayaa ka doonanaysaa. April,May iyo June ayey bixisay Dowladu Hal bil oo Mushahaar ah oo bilaa Gunno ah. 4-aad Mushahaar iyo Gunno midna lama bixin oo waa isla maqan tahay,waxayna umuuqataa in meeshaba laga saaray. Sidoo kale Bishii 5-aad Gunada oo ka badan Mushahaarka meesha,ayaa laga saaray. Tusaale” $400,ayaad qaadan jirtay,waxaa kusoo dhacay 15/6/22 $150 oo mushaharkii May ah, $250 oo Gunno ahayd ha sugin Weeye iyana, Bishii 6-aad,iyada warkeeda lamaba hayo oo waa…
Guddoomiyaha Golaha Aqalka Sare Baarlamaanka Federaalka Soomaaliya, Senator Cabdi Xaashi Cabdullaahi iyo ku-xigeennadiisa,ayaa shir guddoomiyay Kalfadhiga 1-aad kulankiisa 6-aad oo ku saabsanaa Dhismaha Guddiyada Golaha Aqalka Sare. Kulanka oo ay soo xaadireen 48 Sanatar ayay Mudanayaasha qaar kood ka dhiibteen aragti iyo dood sharci oo ku saabsan hannaanka Doorashada Guddiyadda iyo guddoonkooda. Halkan ka daawo muuqaalka
Guddoomiye ku xigeenka 2-aad ee Golaha Aqalka Sare Cabdullaahi Cali Xersi (Timacadde) oo uu wehliyo dhiggiisa Golaha Shacabka Cabdullaahi Cumar Abshirow,ayaa ka qaybgalay kulan ku saabsanaa diyaarinta Sharciga Miisaaniyadda Qaranka 2022 oo maalmahaan ay ku howlanaayeen Guddi KMG ah oo Labada Aqal ee Baarlamaanka Fadaraalka ka kooban. Guddoonka,ayaa Guddiga isku dhafka ah ee Diyaarinta Miisaaniyadda ka dhagaystay warbixinno ku saabsan Miisaaniyadda Qaranka ee 2022 iyo waxyaabihii uga soobaxay isla xisaabtankii ay la yeesheen Wasiirka Maaliyadda XFS iyo Xisaabiyaha Guud ee Qaranka.
Sabtidan laga soo gudbay ayay Wasaarada Maaliyada Puntland qabsatay in ay bixinayso Mushahaarka shaqaalaha. Balse waxba kama fulin balanqaadkii Wasaarada Maaliyada. Bishii 3-aad ayaysan Shaqaalaha Dowlada aysan qaadan Mushahaarkoodii. Waxaa kaloo beenowday in qaybo ka mid ah la siiyay Mushahaarkoodii shaqaalaha Dowlada Puntland. Jibril Qoobey.
Duqii Bosaso oo mudo la baafinayay ee la waayay meel uu jaan iyo cirib dhigay,ayaa Shalay soo dhigay bartiisa FC-ga Sawiro uu la jooga Hooyadii oo Xanuunsan rabi ha caafiyo Maamada. Balse Duqa,ayaa loo haystaa Lacag lagala baxay khasnada Dowlada hoose oo fara badan. Duqu waa kmg,waxaana la qorshaynayaa in la dhiso Golihii Deegaanka,isagoo isleh masoo laabanaysid in uu lunsaday Lacagta,ayay sheegayaan shaqaalaha Dowlada hoose. Xoghayaha Dowlada hoose,ayaa nasoo gaarsiiyay Warqad Dacwad ah oo uu ka qoray Duqa maqan. Halkan ka akhriso:-
Baarlamaanka Puntland,waxay diyaariyeen Mooshin ay kalsoonida ugala laabanayaan Golaha Wasiirada oo idil. Sidoo kale intooda badan way ka hor yimaadeen Casuumada Madaxweynaha ee Madaxtooyada. Xildhibaanada oo aan gaar uwaraystay waxay ii sheegeen in Madaxweyne Deni hor yimaado Baarlamaanka haduu rabo Dood. Gudoomiyaha Baarlamaanka ayay ku dhaliileen in uu bahdilayo Baarlamaanka iyo maqaamkiisa. Horay waxaa si weyn loogu dhaliilay Gudoomiye Abwaan Jibril uraacidii Deni ee Xamar xiligii olalaha Doorashada Madaxweynaha Fadaraalka. Jibril Qoobey.
Hanti-dhawrka Guud ee Puntland,ayaa xiray Xaafiiska Wasiirka Maaliyada Dowlada Puntland,kadib markii khasnada laga waayay Lacag xoog leh. 7-Milyan oo dolar,ayaa la la’yahay meeshay ka baxday,iyadoo la ogaa in ay ku jirtay khasnada Dowlada 17-Milyan oo Cadaan ah. Xasan Shire,waxuu ugu diray Muqdisho xiligii Olalaha Madaxweyne Deni 10-Milyan oo dolar,halka 7-dii soo hartay uu la baxay isaga,sida ay ii xaqiijiyeen saraakiil ka tirsan Maaliyada oo xog ogaal ah. Madaxweyne Deni,ayaa ogaaday maqnaanshaha Lacagtaas socdaalkisii hore ee uu kaga qaybgalayay caleema saarka,waxuuna amray Hanti-dhawrka. Xasan,ayaa daba maray Madaxweyne Deni soo laabashadiisii ugu danbaysay,waxuuna hada joogaa Xamar,iyadoo warar ay sheegayaan in uusan dib…
Dawladaha Masar, Israel iyo ururka Midawga Yurub ayaa kala saxeexday heshiis la xidhiidha gaasta dabiiciga ah ee wax lagu karsado, taasoo qorshaha heshiiskani yahay in dalka Israel uu gaasta dabiiciga ah u dhoofiyo suuqyada dalalka Midawga Yurub, iyada oo la sii marinayo laba wershadood oo ku yaalla dalka Masar. Heshiiskan ayaa qalinka lagu duugay toddobaadkii hore, intii lagu guda jiray kulanka Madasha Bariga badda Mediterranean-ka, kaas oo ka dhacay caasimadda dalka Masar ee Qaahira, waxaana ujeedada shirkani uu ahaa in la ballaadhiyo iskaashiga dhinaca gaasta dabiiciga ah ee u dhexeeya dalalka Masar, Israel iyo ururka Midawga Yurub. Maraykanku uu hadda…
Xildhibaannada Golaha Wakiillada DPL,ayaa maanta loo qaybiyey Ajandaha Rasmiga ah ee Kalfadhiga 50-aad Goluhu ku shaqeyn doono. Ajandaha rasmiga ah ee Kalfadhiga 50-aad ee Golaha Wakiillada Puntland ayaa lagu soo daray Qodobo Xasaasi. 1- Heshiisyada Dekadda Boosaaso, Garoomada Diyaaradaha iyo Maxjarrada Puntland. 2- Xaaladda dhaqaalaha, dib u eegista tareefoonyinka Cashuuraha iyo sicir-bararka ka jira Puntland. 3- Khilaafka Madaxweynaha yo Madaxweyne ku xigeenka Puntland. 4-La xisaabtanka Xukuumadda yo Arrimaha Colaadda ee ka jirta qaybo ka mid ah Beelaha Puntland. 5- Xaalufka Deegaanka Bad iyo Berri iyo Dhoofinta Dhirta. 6- Arrimaha Amiga guud, difaaca xuduudaha iyo Arrimaha ka soo cusboonaaday Gobolka Sanaag.…
Nabadoon Cabdiqani Xasan Waloore waa la Aasay rabi ha’unaxariisto janadiina haka waraabiyo. Nabadoonka iyo Guud ahaan Qoyska reer Waloore waxay bar tilmaameed uyihiin argagixisada,sababtoo ah waa Puntlander aaminsan in layska dhiciyo argagixisada. Horay waxay argagixisadu udishay Nabadoonka Aabihii Waloore oo isna Oday adag ahaa,waxayna dhaawaceen Walaalkii Cabdifitaax oo Wasiir noqday. Gaalkacyo dib,waxaa uga abuurmay koox cusub oo Afduubka ah Ciidankuna uu daba joogay Maalmahan. Habeeno ka hor,waxaa heegan gashay Galmudug kadib markii la helay Warar sheegaya in Baabuur Qaraxyo sida soo socdaan. Ciidamada amaanku aadbay udadaaleen una dadaalayaan,balse waxaa caqabad xoog leh ku ah dhaqaalo yari. Madaxweyne Deni oo ku…
Guddoomiye kuxigenka 1aad ee Gobolka Mudug Xasan Cabdulaahi Warsame iyo Guddoomiye Ku xigenka 2aad Maxamed Xasan Waloore ayaa Maantay ka qeyb galay Aas Qaran Oo loo sameeyey Marxuum Nabadoon Cabdiqani Xasan Waloore oo xalay xili uu ka soo baxay salaadii Cishaha lagu dilay Magaalada Gaalkacyo. Allaha Unaxariistee Nabadoon Cabdiqani Xasan Waloore ayaa kamid ahaa Nabadoonada Gobolka Mudug, isaga oo inta badan aad uga shaqayn jiray Arimaha Caawinta Bulshada Tabaalaysan, Nabada iyo isdhexgalka Bulshada. Aaska Marxuumka ayaa waxaa sidoo kale ka soo qeyb galey masuuliyeen ka tirsan Maamulada Puntland iyo Galmudug, Taliyaha Qaybta Booliska Gobolka Mudug, Gudoomiyayaasha Maxkamadaha, Culima’udiinka, Odayasha dhaqanka,…
Ugu yaraan 40 ka mid ah maleeshiyada Al-shabaab ayaa lagu dilay degmada Baxdo ee gobolka Galguduud, kaddib markii dadka deegaanka iyo ciidamada Galmdug oo is garabsanaya ay ka hortageen weerar ay Al-shabaab ku soo qaaday deegaanka Baxdo. Dadka deeganka Baxdo ayaa sidoo kale soo bandhigay saddex kamid ah Maleeshiyada oo dagaalka lagu qabtay. Khasaaraha kasoo gaaray Dadka Deegaanka iyo Ciidanka Galmudug ayaa lagu sheegay toddoba qof oo dhimasho ah iyo tobaneeyo kale oo dhaawac ah. Ciidamada ammaanka ayaa sidoo kale soo bandhigay gaari laga soo buuxiyay qaraxyo, kaas oo ay wateen maleeshiyada Al-shabaab.
AUN Nabadoon Cabdiqani Xassan Waloore oo ka mid ahaa nabaddoonada Gobolka Mudug,ayaa caawa lagu dilay magaalada Gaalkacyo xili uu kaso baxay masjid uu salaada Cishe ku tukanayay.
Hoggaamiyeyaasha Faransiiska, Jarmalka, Talyaaniga iyo Romania ayaa Khamiistii la kulmay madaxweynaha Ukraine Volodymyr Zelensky, iyagoo u muujiyay taageero ay Kyiv rajeyneyso in looga caawiyo hubka iyo tallaabooyin adag oo laga qaado Ruushka. Booqashadii ugu horeysay ee noocaan ah oo ay ku tagaan caasimadda tan iyo markii Ruushka uu duullaanka ku qaaday, ayaa waxaa is gacan qaaday madaxweynaha Ukraine Zelensky oo aan Ukraine ka bixin tan iyo biloowgii dagaalka iyo madaxda Faransiiska Emmanuel Macron, Jarmalka Olaf Schultz, Talyaaniga Mario Draghi iyo Romania Klaus Johannes. Kulanka ayaa yimid kadib markii afarta hoggaamiye ee reer Yurub ay socod ku mareen dhismayaal burburay iyo…
Xasan Shiikh waa hogaamiye mudo dheer isa soo diyaariyay soona diyaarsaday Dad. Ra’isalwasaaraha Maanta uu magacaabay mudo ku dhow 20-sano ka hor,ayuu ka mid ahaa Bahdii uu Waxbarashada hogaamiyaha ugu soo ahaa. Waxaa la sheegayaa Dugsi Quraan in uu kasoo bilaabay Xamse ilaa heer uu Maanta yahay ra’isalwasaaraha Jamhuuriyada. Xasan,waxuu helay waxii uu ku haminayay markale Labadii Xaafiis ee Dalka ugu sareeyay,isagaa wada maamulaya,waana iskugu toostay. Hawsha ugu weyn ee utaala waa in uu ufakaro sida saxda ah oo Umadan uga tago dhaxal waxna kusoo kordhiyo dib udhiska Dowladnimadooda. 4-sano kadib Somali heshiis ah oo nidaamkeedu horay usocday,ayaan ka filaynaa…
Taliyaha qaybta Booliska Gobolka Karkaar G/Sare Cabdirisaaq Farax Warsme,ayaa sheegsy in dhamaan dadkii falkan lagu eedeeyay ay soo qabteen. Halkan ka daawo muuqaalka
Afhayeenka Ciidanka Booliska DPL G/sare Xassan Cabdullaahi Maxamed,ayaa ka hadlayay kiiskii dilka ahaa ee loo gaystay Taliyaha Saldhiga Degmada Qardho iyo xaaladda amni ee Puntland isagoo digniino udiray qaar kamida Hay’adaha caasimadda Dowladda Puntland. Halkan ka daawo muuqaalka
Guddoomiyaha Golaha Wakiillada Dawladda Puntland Cabdirashiid Yuusuf Jibril oo ay wehliyaan Guddoomiye ku-xigeenka 1-aad Cabdicasiis Cabdullahi Cusmaan iyo Guddoomiye ku xigeenka 2aad Mudane, Ismaaciil Maxamed Warsame, ayaa maanta shir Guddoomiyey fadhiga 2-aad ee Kal-fadhiga 50aad Golaha Wakiillada DPL. Fadhiga maanta ayey xildhibaannadu mid mid ugu codeeyeen, una ansixiyeen Ajandaha rasmiga ah Kal-fadhiga 50-aad ee Goluhu ku shaqeyn doono, mudada uu Kalfadhigu socdo, sida uu qabo Qodobka 42-aad farqadiisa 4-aad ee Xeer-hoosaadku, kaas oo Guddoonka Golaha Wakiilladu Golaha u soo gudbin doonaan maalinta sabti ah ( 18.06.2022). DHAMMAAD Xafiiska Warfaafinta & Wacyi-gelintaGolaha Wakiillada Dawladda Puntland
Wargelin muhiim ah Dhammaan maamulayaasha dugsiyada Hoose iyo Dugsiyada dhexe waxaa lagu wargelinayaa in ay natiijadii imtixaanka sannad-dugsiyeedka 2021-22 ay ku soo gudbiyaanPuntland School power system. Hoos ka dalaco warqada ka soo baxday Xaafiiska Agaasimaha Guud ee Wasaarada Waxbarashada.
Madaxweynaha Dowladda Puntland Mudane Siciid Cabdullaahi Deni, ayaa hambalyo u diray Xamze Cabdi Barre oo loo magacaabay Ra’iisal Wasaaraha 21-aad ee Jamhuuriyadda Federaalka ah ee Soomaaliya. “Waxaan hambalyo iyo boggaadin u diraya Xildhibaan Xamze Cabdi Barre oo Madaxweynaha JFS Mudane Xasan Shiikh Maxamuud, u magacaabay Ra’iisal Wasaaraaha Xukuumadda JFS” Ayuu yiri Madaxweynaha Dowladda Puntland Mudane Siciid Cabdullaahi Deni. Madaxweynaha Dowladda Puntland ayaa u rajeeyay Ra’iisal Wasaaraha cusub in alle u fududeeyo masuuliyadda “Waxaan Ra’iisal Wasaaraha cusub u rajeynaya in alle u fududeeyo masuuliyadda loo igmaday” Ayuu yiri Madaxweyne Deni. DHAMMAAD XAFIISKA WARFAAFINTA MADAXTOOYADA DOWLADDA PUNTLAND.
Garoowe: 16, Juun, 2022: Madaxweynaha Dowladda Puntland Mudane Siciid Cabdullaahi Deni, ayaa maanta Shir-guddoomiyey Shirka Golaha Wasiirada Dowladda Puntland Kulanka,ayaa todobaadkan looga hadlay arimo ay ugu waa weyn yihiin.. 1.Amniga, 2.Warbixinta Gobollada iyo Degmooyinka ee Mashruuca horumarinta degmooyinka ee JPLG. 3.Xaaladda Deegaanka. 4.Hirgelinta madasha horumarinta Puntland (PDF). 5.Saamaynta Abaartu ku yeelatay Dad iyo duunyoba.
Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mohamed A. Dhabancad ayaa maantay shir kula yeeshay Magaalada Nairobi qaar kamid ah Deeq bixiyaasha. Shirka ayaa si gaar waxaa looga hadlay qorshaha Dowladda Puntland ee barnaamijka Dimuqraadiyeynta, gaar ahaan hirgelinta doorashooyinka hal cod iyo hal qof. Shirka ayaa sidoo kale diiradda lagu saaray mashruuca loo dhan yahay ee horumarinta Degmooyinka (#JPLG), si gaar ah qorshaha wajiga 4aad ee mashruuca kadib markii uu dhammaado wajiga 3aad oo ku eg sanadka 2023. Wasiirka ayaa dhankiisa hordhigay ajendaha Dowladda Puntland ee wajiga 4aad ee mashruuca, khaasatan inuu noqdo mashruuca ay si siman uga…
Madaxweyne Xasan Shiikh Maxamuud ayaa goor dhaweyd Ra’isul Wasaaraha Soomaaliya u magacaabay Xamse Cabdi Barre oo ah xildhibaan ka tirsan Baarlamaanka Federaalka Soomaaliya Xamse ayaa hore u soo noqday xoghayihii xisbiga madaxweynaha ee UPD sanadihii u dhexeeyay 2011-2017, wuxuu sidoo kale soo noqday la taliyaha wasaaradda arrimaha Dastuurka. Xamse Cabdi Barre ayaa ahaa guddoomiyihii guddiga doorashada Jubbaland doorashadii lagu doortay madaxweynaha Jubaland Axmed Madoobe sanadkii 2019. Wuxuu sidoo kale ka mid ahaa aas-aasayaasii Jaamacadda Kismaayo, isaga oo kasoo noqday macallin iyo guddoomiye ku xigeen. Xamse oo 48-jir ah ayaa shahaada labaad ee Masters degree ku heysata cilmiga maamulka iyo maareynta,…
Madaxweyne Xasan saakay ayay kaga eg tahay 30-kii maalmood ee kusoo magacaabida ra’isalwasaaraha. Xogo la helay waxay tilmaamayaan in Madaxweynuhu xataa Qaramada midoobey usheegay in uu shaacinayo ra’isalwasaaraha. Waxaase la yaab leh,iyadoo uu miiska usaaran yahay Xamse in uu Qaramada midoobay la wadaago hadal ah,”Ra’isalwasaaraha,waxaan ka keenayaa Puntland”. Ilaa iyo hada inta la og yahay Xasan,waxaa haysta cadaadis uusan dhaafi karin oo uga yimid Beeshiisa Siyaasi,Ganacsato iyo Odoyaal,kuwaasoo leh”Ra’isalwasaaraha Puntland baa leh ee hadalka Deni tuur”. Jibril Qoobey.
Guddoomiyaha Golaha Wakiillada Dawladda Puntland Mudane, Cabdirashiid Yuusuf Jibril ayaa Khudbad ka jeediyay Furitaanka Kalfadhiga 50-aad ee Golaha Wakiillada DPL kaas oo uu si rasmi ah u furay Madaxweynaha Dawladda Puntland Mudane, Siciid Cabdullahi Denni sida uu qabo qodobka 80-aad farqadiisa 12-aad ee Dastuurka Dawladda Puntland. Furitaanka Kal-fadhiga 50-aad waxaa ka qeyb galay Madaxweyne Ku-xigeenka DPL Mudane Axmed Cilmi Cismaan Karaash, Guddoomiye ku-xigeenka 1aad Golaha Wakiilladda Mudane, Cabdicasiis Cabdullahi Cusmaan, Guddoomiye ku xigeenka 2aad ee Golaha Wakiiladda Mudane, Ismaaciil Maxamed Warsame, Xildhibaanada Golaha Wakiillada Puntland, Wasiiro, Taliyeyaasha ciidanka iyo marti sharaf kale. Guddoomiyaha ayaa ka hadlay shaqooyinka Guddiyadda Golaha intii…
Khudbad aan xiiso badan loo qabin laguna dhagaystay niyad jab,ayuu jeediyay Deni. Duruufaha gudaha Puntland ka jira ee ubaahan ficil waxqabad,ayaa ka dhigay khudbada Madaxweynaha mid aan macno lahayn. Bishii 3-aad oo aan Mushahaar la bixin,ayay ku jiraan Shaqaalaha Dowlada qaybahooda kala duwan. Sicir-barar caalamka lala qabo oo aysan Dowlada wax talaabo ah ka qaadin,ayaa Dadka aad usaameeyay. Dhaqaalo yari caalamka lala qabo oo aysan Xukuumadu uhakan,ayaa taagan. Marka laga soo tago Duruufaha nololeed Dadku Deni iyo hogaamintiisa gudaha wax niyad ah uma hayaan. Siyaasadiisa Fadaraalka oo Dad badan ay ku qadarinayeen sida uu uga hor tagay taliskii F&F,waxaa dhaawacay…
Halkan ka akhriso:-
Deni 13-Milyan oo dolar buu sii qaatay Galabta markuu ka baxayay Muqdisho,taasoo lagu siiyay xaalmarin maadaama loo diiday Kursigii Ra’isalwasaaraha. Heshiis buuxa,ayuu kula galay Xasan iyo Axmed in Xamse laga dhigo ra’isalwasaaraha. Deni,waxuu ku dagaalamay in la siiyo ra’isalwasaaraha hadaan isaga lasiinayn Qof kasoo jeeda Beesha Ogadeen. Haatan Xasan waa aqbalay in uu ka laabto magacaabistii Xamse,culays xoog badan oo uga yimid Beeshiisa ganacsato iyo Siyaasiyiin kasoo jeeda,waxaase hor taagan oo la dhaafi la’ a yahay Deni. “Ganacsatada iyo Siyaasiyiinta Beelaha Hawiye,ayaa taagan Puntland,ayaa leh jagada ra’isalwasaaraha ee sii Xasanow” Hadii Deni aqbalo magacaabista Qof kasoo jeeda Puntland waxay ubadan…
Warqada Magacaabista Xamse way qornayd galabta 5-tii Galabnimo,balse waxaa culays ka yimid Siyaasiyiin iyo Ganacsato Hawiye ah oo Warqadii daraf ku dhagay. Uyeeridii Xamse caawa ee la filayay in ay noqoto shaacinta magacaabistiisa ma suuroobin oo kulan 2-saac qaatay oo dhexmaray isaga iyo Madaxweyne Xasan dib,ayaa Hotelkiisii loogu soo ceshay. Ragaasi waxay taagan yihiin Kursiga ra’isalwasaaraha waxaa leh Puntland ee hasii dayn Warqada magacaabista. Ilaa iyo hada Xasan Warqadii,ayaa hortaala oo Darafna uu haysto Deni oo leh sii daah iyo daraf kale oo ay haystaan Siyaasiyiintaas iyo Ganacsatadaas Hawiye oo leh ka joog. Xasan garabkuu raaco,ayaan sugaynaa. Jibril Qoobey.
Hanbalyo ra’isalwasaaraha Jamhuuriyada Fadaraaliga ah ee Somaliya Xamsa. Xaqiiqdii waa war weyn oo lagu farxo,si gaar ah Beesha Ogaden in ay hesho Darajadan waa usharaf reer Puntland. Waxaa soo afjarmay Ogaden waa Laaji oo Somaliya kuma jiro xuduudeeda. Waxaa soo afjarmay ma qaadan karaan Labada cad ee Dalka ugu sareeya maqaam ahaan. Madaxweyne Deni in uu ku adkaysto in Ogaden la siiyo Kursigaas way dhabowday,waana aragti sax ah. Majeerteenka Puntland waxay utahay sumcad wanaagsan,waxayna muujinaysaa in ay raali ka yihiin jifi walba oo Daarood ah in ay wax noqoto. Beri Siyaasigii han leh oo caafimaad qaba kana soo jeeda Beesha…
Garoowe: 14 June 2022: Madaxweynaha Dowladda Puntland Siciid Cabdullaahi Deni iyo wafti uu hoggaaminayo oo kasoo laabtay ka qeybgalka Caleemasaarka Madaxweynaha JFS Mudane Xasan Shiikh Maxamuud, ayaa galabta lagu soo dhooweeyay Garoowe.