Mas’uuliyiinta gobolka Waqooyi Bari ee Kenya ayaa sheegaya inay weli kacaakufayso xaaladda amniga ee Gobolka iyadoo weli ay Al-Shabaab awood u leeyihiin weerarro ay ka gaystaan gobolka. Weeraradan ayaa imanaya xilli ay dawladdu kordhisay ciidamada amniga ee kasoo jeeda Gobolka kuwaasi oo ciyaaraya door hoggaamineed,hoos ka dhagayso codka. Halkan hoose ka dhagayso codka
Author: Jibril Qoobey.
Al-Shabaab ayaa markii ugu horreysay war rasmi ah kasoo saartay heshiiskii dhawaan dhexmaray Dowlada Fadaraalka Somaliya iyo Dowladda Fadaraalka Itoobiya,kaas oo Afar ka mid ah Dekedaha Somaliya loogu saxiixay in lagu wareejiyo Dowladda Itoobiya,hoos ka daawo muuqaalka. halkan ka daawo muuqaalka https://youtu.be/ZR9LCOJz6VY
Allaha u Naxariistee waxaa Magalada Nairobi ee Xarunta dalka Kenya ku geeriyooday Madaxii hore ee Hay’adda Bisha cas Somaliya Axmed Maxamed Xasan(Foodcade). Dr Foodcade,ayaa ka mid ahaa Dhaqaatiirta Somaliyed ee Caanka ka ahaa dalka,waxa uuna mudo fog madax ka ahaa Hay’adda Bisha Cas ee Somaliya. Magalada Nairobi ayuu ugu geeriyooday Xanuun mudo hayey sida ay xqiijiyeen Eheladiisa, Fooda-cade,ayaa qabtay xilka Madaxweynaha Bisha-cas Sanadkii 1972, waxuuan xilkaas hayay mudo ku siman 30 Sano ah. Qaar ka mid ah siyaasiyiin xilal ka soo qabtay dalka iyo Madaxda Hay’adda Bisha ee Somaliya ayaa ka tacsiyadeeyey geerida Marxuum Somaliya Axmed…
Xoghayaha Guud ee IGAD Maxbuub Macalin ayaa sheegay shirkan inuu ku saabsanaa sidii maalgelin loogu sameyn lahaa dhibaatada balaaran ee ka jirta dalalka gobolka. Wuxuu sheegay in Dowladda Jarmalka ay balanqaaday inay bixiso lacag dhan 20 Million oo lagu taageerayo arrimaha barakacayaasha, qaxootiga iyo muhaajiriinta, balse wuxuu tilmaamay in mashquuraacan aysan ku filneyn lacagtaas, loona baahan yahay dhaqaale dheeraad ah, sidaasi darteedna la abuuray sanduuq dhaqaale lagu aruurinayao. “Shirkan wuxuu ku saabsanaa sidii maalgelin loogu sameyn lahaa dhibaatada badan ee ka jirta gobolka ee ku saabsan qaxootiga, dowladda Jarmalka ay balanqaaday inay bixiso 20 Million balse lacagtaas kuma filna arrimahan,…
Wafti uu hoggaaminayo Madaxweynaha Jamhuuriyada Federaalka Soomaaliya Maxamed Cabdulaahi Farmaajo oo safaro ku tagay Dalalka jabuuti iyo Turkiga ayaa dalka dib ugu soo laabtay, waxaana garoonka diyaaradaha Aadan Cadde kusoo dhaweeyay Masuuliyiin ka tirsan Dowlada Soomaaliya. Waftiga Madaxweynaha waxaa ka mid ahaa Wasiirka Ganacsiga iyo Warshadaha Maxamed Cabdi Xayir Maareeye, Wasiiru Dowlaha Arrimaha Dibadda Mudane Cabdulqaadir Sheekh Axmed Khayr, Wasiiru Dowlaha Gaashaandhigga Maxamed Cali Xagaa iyo La-taliyaha Arrimaha Dibadda ee Madaxweynaha Mudane Balal Cismaan. Madaxweyne Farmaajo ayaa dalka jabuti kaga soo qeyb galay shir looga hadlayay hirgelinta ganacsiga xorta ah ee Qaaradda Afrika, xoojinta maalgashiga, kobcinta kaabayaasha dhaqaalaha iyo xaqiijinta…
Taliska ciidanka Puntland ayaa faahfaahin ka bixiyey dhacdooyinkii ugu dambeeyey ee ka dhaca furimaha dagaalka iyo dhacdo ay ku dhinteen saraakiil katirsan Soomaaliland kuwa kalena ku dhaawacmeen oo kutaal inta u dhexaysa Tukaraq iyo Taleex. Maamulka Soomaaliland ayaa sheegay in ciidamada Puntland ay weerar ku qaadeen saraakiil iyo masuuliyiin katirsan Soomaaliland oo ka soo kicitimay Laascaanood kuna sii jeedey Taleex, waxaase Puntland shaacisay inaysan waxba kajirin arrinkaasi uuna gaarigu la dhacay raggii ku dhaawacmay,hoos ka daawo muuqaalka. Halkan ka daawo muuqaalka https://youtu.be/eboFv2TO9u0
Ciyaaraha adduunka ee ka socda dalka Ruushka ayaa waxaa lagu reebay wareegyadii ugu horeeyayba dalal la rumeysnaa inay yihiin kuwa ku guuleysan kara. Xulka Belgiumka ayaa ka mid ahaa dalalkii loo saadaalinayay sanadkan inay ku guuleysan karaan ciyaaraha adduunka hase yeeshee waxa ay ku hareen ciyaarta Semi finalka oo ay isku soo beegmeen xulka Faransiiska oo ka mid ah wadamada sanadkan muujiyay awood dheeri ah,hoos ka daawo muuqaalka. Halkan ka daawo muuqaalka https://youtu.be/q5VnvgsxnsY
Wararka ka imanaya Gobolka Ismaamulka Soomaalida Itoobiya ayaa sheegaya in maanta xabsiga magaalada Jigjiga laga soo daayey maxaabiis badan oo ay ku jiraan dad hore u ahaa siyaasiyiin iyo saraakiil ka tirsan booliiska. Warar aanu ka helnay dadka degaanka waxay sheegayaan in dad badan oo ehelo ah ay maanta tageen xabsiga lagu magacaabo Jail Ogaden si ay u arkaan dad sannado badan xirnaa oo qaraabadooda ah. Hay’adda xuquuqda aadanaha ee Human Rights Watch ayaa toddobaadkii hore daabacday warbixin ay ku faahfaahinayso tacaddiyo ka dhaca jeelkaasi.
Maamulka hadda ka jira Puntland oo si aan waayahan looga baran maamuladii ka horreeyay ku guulaystay midaynta iyo wada jirka beelaha ku bahoobay Dal-Udug. (PL). Waxaan shaki ku jirin in wada jirka iyo midnimada muuqata ay tahay mid lagu faano. Midnimada hadda ka dhex jirta reer PL, waxaa lala barbar dhigi karaa shucuurtii wadjirka lahayd ee 1998, taas oo sabab u ahyad in dhidibbada loo aaso Puntland. Haddaan dib u jalleecno xilligan xilligiisii, sannadkii 2013, waxaa jirtay xiisad iyo khilaafyo beeleed oo meel xun gaaray, waxaa jiray isqabqabsi iyo colaad dhiillo wadatay oo ka dhex jirtay bulashada reer Puntland. Kala…
Maalmihii dambe waxaa sii kor dhayay xiisada u dhaxeysa Soomaalida Dowlad deegaanka Itoobiya iyo Qowmiyada Oromada. Warar kala duwan oo hadda soo baxaya ayaa sheegaya in saacadihii la soo dhaafay Qowmiyada Oromada ay gowraceen shan nin oo Soomaali ah, arintaas oo ka dhacday sida la sheegay magaalada Tuli-guuleed oo Soomaalidu ay degto. Dadka deegaanka ayaa sheegay in rag hubeysan oo ka soo jeeda Qowmiyada Oromada ay wadada u galeen shanta nin ee Soomaalida ah islamarkaana halkaas ay ku gowraceen. Majiraan ilaa iyo hadda cid ka hadashay dacdadaasi, waxaana laga cabsi qabaa in ay sii adkaato xaalada dagaal ee u dhaxeeysa…
Wasiirka Wasaaradda Duulista iyo Hawada Soomaaliya Maxamed Cabdullahi Salaad (Oomar) ayaa Xilkii ka qaaday Agaasimaha Guud ee Hay’adda Saadaasha iyo Duulista Hawada Soomaaliya Yuusuf Cabdi Garre (Yuusuf Jaalle),kadib wareegto ka soo baxday Xafiiskiisa. Agaasimaha Hay’adda Saadaasha iyo Duulista Hawada Yuusuf Jaalle oo hada ku maqan Dalka Dibadiisa ayaa la sheegay in bilooyinkii la soo dhaafay uu aad u xumaa xiriirka ka dhaxeeya isaga iyo Wasiirka Duulista iyo Hawada Soomaaliya Maxamed C/llaahi Oomaar kadib markii ay isku fahmi waayeen arimo khuseeya Shaqada Duulista iyo Hawada Soomaaliya.
Madaxweynaha Maamulka Koofur Galbeed Shariif Xasan Shiikh Aadan ayaa Ciidamada Midowga Africa ee AMISOM ku eedeeyay iney ka adkaan waayeen Al-Shabaab walina ay dhibaato badan ka taagan deegaanada Maamulkiisa. “Ciidamada AMISOM waa ku guul dareesteyn iney isu furaan isticmaalka wadooyin muhiim oo ku yaala deegaanada Koofur Galbeed, Gaar ahaan degmooyinka 3-da Gobal ee ka kooban tahay Koofur Galbeed, meelaha qaar way ka raageyn isticmaalkooda shacabna kuma dhiiran karaan” ayuu yiri Shariif Xasan Shiikh Aadan. Hadalkan ayuu ka jeediyay Shalay Baarlamaanka maamulka koofur Galbeed hortooda xili ay halkaasi goob joog ahaayeen Xildhibaano ka tirsan Labada Gole ee Baarlamaanka Soomaaliya oo laga soo doortay Koofur…
Madaxweynaha Turiga Erdogan oo ku dhowaaqay golihiisa wasiirada cusub ayaa u magacaabay Beraat Albayrak oo ah wiil uu soddog u yahay Wasiirka Maaliyada. Golihiisa wasiirada ayaan laga bedelin xilalkooda Wasiirada Arrimaha Dibadda Mevlut Cavusoglu iyo Wasiirka Arrimaha Gudaha Suleyman Soylu. Madaxda kale ee xilalka loo magacaabay ayaa waxaa ka mid ah Madaxweyne Ku xigeen Fuat Oktay halka wasiirada kale ay kamid yihiin hogaamiyaasha ururada aan dowliga ahayn,ganacsato iyo lataliyaal hore. “Turkiga waxa uu horumarin doonaa dhinac walba sida dimuqraadiyada,xuquuqda aasaasiga ah,xoriyada,dhaqaalaha iyo maalgelinada.”ayuu yiri Madaxweyne Erdogan oo qudbad ka jeedinayay munaasabbada lagu caleema saarayay oo ka dhacday magaalada Ankara. Erdogan…
Dowladda Mareykanka ayaa soo dhaweysay in la dhammeeyo xiisaddii dagaal ee ka dhaxeysay dalalka Eritrea iyo Itoobiya, kadib markii dhawaan uu dalka Eritrea booqdey ra’iisul wasaaraha Itoobiya Abiy Ahmed. War ka soo baxay xafiiska xoghaya arrimaha dibadda Mareykanka Mike Pompeo ayaa lagu sheegey in Mareykanku uu soo dhaweynayo dadaallada ay wadaan ra’iisul wasaare Abiy iyo madaxweyne Afawarke, taas oo lagu soo afjarayo colaadda 20 jirsatay ee labada dal ee Itoobiya iyo Eritrea. Warka ayaa lagu yiri “Xaaladda caadi ka dhigista xiriirka laba dal iyo dhaqan gelinta xiriirka saaxiibtinnimo iyo nabad galyo ee u dhaxeeya Eritrea iyo Itoobiya waxa uu dadka…
Ugu yaraan 10 qof ayaa lagu dilay, afar kalena waa lagu dhaawacay weerar ismiidaamin ah oo maanta ka dhacay bariga dalka Afghanistan. Qofka ismiidaamiyey ayaa walxo qarxa oo uu jirkiisa kusoo xiray ku qarxiyey bar amniga laga maamulo oo ku taalla magaalada Jalalabad ee caasimaada gobolka Nangarhar ee ku teedsan xuduudda dalka Pakistan. Afhayeen u hadlay gobolka, Attaullah Khogyani ayaa sheegay in sideed qof oo shacab ah iyo laba ka tirsanaa howlwadeenada sirdoonka dalka Afghanistan ay ka mid yihiin dadka dhintay. Goobjoogeyaal ayaa VOA u sheegay in shaqaalaha amniga ay baarayeen baabuur markii qofka isqarxiyey uu kusoo socday kadibna isqarxiyey.…
Bilihii ugu dambeeyay waxaa warbaahinta uu wajigiisa caan ka noqday Cabdicasiis Xildhibaan oo ahaa afhayeenka wasaaradda amniga ee dowladda federaalka, wuxuuna warbaahinta kasoo hormuuqan jiray markasta oo ay dhacaan falal amniga lid ku ah ama marka hawlgal la sameeyo. Balse shalay war qoraal ah oo kasoo baxay wasaaradda ayaa lagu sheegay in xilkii afhayeenka iyo waliba la taliyenimada laga qaaday Cabdicasiis. Hase yeeshee Cabdicasiis oo laftiisa hadlay ayaa sheegay in 5tii bishan July uu gudbiyay istaqaaladiisa, isaga oo sabab uga dhigay kadib markii uu dhacay weerarkii qaraxa ahaa ee lagu qaaday wasaarada amniga. Hadalkii la qoonsaday? “Suurto-gal ma aha…
Kalafadhiga 5-aad ee Baarlamaanka maamulka K/galbeed ayaa goor dhow ka furmay magaalada Baydhabo ee Xarunta KMG ah ee maamulkaas. Kulanka waxaa ka qeyb galaya Madaxweynaha maamulka K/galbeed Shariif Xasan Sheekh Aadan oo kulanka daah furay iyo Guddoomiyaha Baarlamaanka Fadaraalka Soomaaliya Maxamed Mursal Shiikh C/raxmaan oo hadda khudbad ka hor jeedinayo munayaasha Baarlamaanka maamulkaasi iyo Xubno kale. Guddoomiyaha golaha Shacabka waxaa uu sheegay in qorshaha uu yahay in la sii xoojiyo xiriirka wada shaqeynta iyo iskaashiga ku dhisan ee Ka dhaxeeya golaha Shacabka iyo golayaasha sharci dejinta ee Dowlad Goboleedyada, isagoo tilmaanay in Maadaamaa Dalka uu qaatay nidaamka federaalka loo baahanyahay…
Xeer ilaaliyaha Maxkamadda sare ee Jubbaland Barre Ibraahim Axmed ayaa dhaariyay masuuliyiinta, ayadoo xubnahan ay gacanta saareen kitaabka qur’aanka kariimka ah, kuna dhaarteen in ay waajibaadkooda u gudan doonaan si waafaqsan shareecada Islaamka islamarkaana ku dhaqmi doonaan dastuurka dowlad goboleedka Jubbaland. Xubnaha maanta xilalkooda loo dhaariyay ayaa kala ah; Dr. Mursal Max’ed Khaliif, Wasiirka wasaaradda caafimaadka Jubbaland Eng. Cabdi Xuseen Max’ed Wasiirka wasaaradda warfaafinta, isgaarsiinta iyo Tiknoolijiyadda Jubbaland Mudane Cumar Max’ed Cabdi, Wasiirka wasaaradda dastuurka iyo arimaha Federaalka Jubbaland Mudane Caydiid Saleebaan Xaashi, Wasiirka wasaaradda deegaanka iyo dalxiiska Jubbaland Mudane Max’ed Xasan Max’ed, Wasiirka wasaaradda xanaanada xoolaha, dhirta iyo daaqa…
Halkan ka akhriso:-
Wasiirka qorsheynta, maalgashiga iyo horumarinta Jamaal Maxamed Xasan oo ka warbixiyay kormeerka Ra’iisul Wasare Xasan Cali Khayre uu ku tegay xarunta wasaaradda ayaa sheegay in uu xog badan ka siiyay heerka uu marayo dhaqaalaha dalka, kobaca dhaqaalaha, qiimaha maciishadda kala duwan ee dalka, qorshaha qaranka, mashaariicda kala duwan ee ka socda dalka, wax soo saarka dalka (GDP), maalgashagiga dalka, fursadaha iyo caqabadaha jira, iyo dhismaha golaha dhaqaalaha. Ra’iisul Wasaare Xasan Cali Khayre ayaa kormeeray xafiisyada wasaaradda waxa uuna mid mid u waraystay agaasimayaasha waaxyada kala duwan iyo shaqaalaha wasaaradda qorsheynta, maalgashiga iyo horumarinta, waxa ayan uga warbixiyeen shaqada ay qaranka…
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa gaaray magaalada Ankara halkaas oo maanta lagu qabanayo munaasabadda caleema saarka Madaxweynaha Turkiga Mudane Rajab Dayib Erdogan. Agaasimaha Warfaafinta Madaxtooyada Mudane Cabdinuur Maxamed oo ka warbixiyay safarka Madaxweynaha ayaa yiri; “Madaxweynaha waxa uu halkan u yimid inuu ka qeyb qaato waaga cusub ee u baryaya walaalaheenna reer Turkiya keddib natiijadii doorashadii madaxtinnimo, waxaana rajeynaynaa in xiriirka soojireenka ah ee ka dhaxeeya Soomaaliya iyo Turkiya heerka uu haatan taaganyahay inuu kasii xoogeeysto.” Madaxweynaha iyo wafdigiisa ayaa ka soo kicitimay magaaladda Jabuuti halkaas oo ay uga soo qeyb galeen Shirka Iskaashiga Afrika iyo…
Wasiirka warfaafinta Eritrea Yemane Meskel ayaa faafaahin ka bixiyay heshiiskii sida wadajir ah ay u kala saxiixdeen Ra’iisul wasaaraha Itoobiya Abiy Axmed iyo madaxweynaha Eritrea Isaias Afewerki. Wuxuu sheegay in heshiiska ay ku xusan yihiin qodobo dhowr ah oo ay kamid yihiin iskaashi dhanka gaadidka, ganacsiga iyo xiriirka dublumaasi. Wasiirka warfaafinta Eritrea ayaa bartiisa Twitter-ka sidoo kale ku sheegay in heshiiska lagu soo afjari doono colaadda xadka, ka shaqaynta nabadda iyo horumarka gobolka. ”Joint Declaration: … iii) Transport, trade and telecommunication ties will be resumed; diplomatic ties & activities renewed; iv) Border decision will be implemented; v) Both countries…
Xogahayaha arrimaha dibadda dalka Ingiriiska Boris Johnson ayaa xilka iska casilay iyadoo ismar-waa siyaasadeed ay ka horseedday dalkaasi istraatiijiyadda ka bixitaanka Midowga Yurub. Waa wasiirkii labaad oo xil sare ka hayay Ingiriiska oo iscasilay saacado uun kaddib markii uu isna iscasilay David Davis oo ahaa xoghayihii uu qaabilsanaa arrimaha ka bixidda Midowga Yurub. Iscasilaadda Boris Johnson ayaa imaanaysa xilli daqiiqo kaddib la filaya Ra’iisul wasaaraha UK inay khudbad ka jeediso baarlamaanka oo ku aadan qorshaha cusub ee ka bixitaanka Midowga Yurub.
Ra’iisul wasaaraha Soomaaliya Xasan Cali Kheyre ayaa maanta xilka ka qaaday Wasiirka Awqaafta iyo Arrimaha Diinta Soomaaliya Xasan Macallin Xuseen. Lama sheegin sababta rasmiga ah ee ka dambeysa xil-ka-qaadista wasiirka. Wasiir Xasan ayaa Wasaaradda Awqaafta loo magacaabay 24-kii May ee sanadkan, isagoo xilkaasi hayay muddo aan ka badneyn bil iyo bar. Durbaba lama magacaabin cidda beddeli doonta wasiirkan. Muddooyinkan waxaa jiray muran weyn oo ka dhax taagnaa wasaaradda iyo sharikadaha ka shaqeeya arrimaha Xajka. Dowladda Soomaaliya ayaa 5 shirkadood hore u siisay ruqsad la xiriirta daabulidda xujeyda Soomaaliya. Waxaa jira hardan dhanka suuqa ah oo ka jira arrimaha xajka iyadoo…
Wararka ka imanaya Gobolka Gedo ayaa sheegay in maleeshiyada Al-Shabab ay hoobiyaal is xigxiga la beegsadeen saldhig ay ciidamada AMISOM ee ka socda dalka Kenya ku leeyihiin Baardheere. Dadka degaanka ayaa sheegay in khasaare uu soo gaadhay askarta Kenya hase yeeshee waxaa arrintaasi beeniyey mas’uuliyiinta gobolka,hoos ka dhagayso codka. Halkan ka dhagayso codka warka dagaalka
Hogaamiyaasha dalaka Eritrea iyo Ethiopia ayaa maanta kulan taariikhi ah ku yeeshay magaalada Asmara ee caasimadda Eritrea, si ay usoo gaba gabeeyaan mid ka mid ah colaadihi ugu qaraaraa ee soo mara Africa. Madaxweyne Isaias Afwerki ayaa si diirran ugu soo dhaweeyay garoonka Asmara Ra’iuslwasaaraha cusub ee Ethiopia Abiy Ahmed, kadibna usii kaxeeyay qasriga madaxtooyada. Kulanka hogaamiyaasha labadani waddan ku dhexmaray magaalada Asmara, ayaa ah kii ugu horreeyay oo si fool-ka-fool ah ay isu arkaan madax ka socota Ethiopia iyo Eretria tan iyo sannadki 2000, markaas oo ay Afwerki iyo Ra’isulwasaarihi hore ee Ethiopia Meles Zenawi saxiixeen heshiiskii Algeria ee…
Agaasimihii hore ee Waaxda Maamulka iyo Maaliyadda Wasaardda Maaliyadda Dawladda Puntland Maxamuud Saalax Axmed (Caato) ayaa Xilkii uu hayay ku wareejiyay Agaasimaha dhowaan loo magacabay ee Cabdi Fataax Cali Jamac Xilwareejintan ayaa ka dhacaday hoolka Shirarka iyo Xafladaha Wasaaradda Maaliyadda Puntland ee Garowe Xafladan Xilwarejinta,waxaa kasoo qaybgalay Agaasime ku xigeenka Guud Maamulk Wasaaradda Maaliyadda, lataliyaha dhanka wasiirka ee dakhliga, Agasimaha waxaad qorshaynta, Madaxqaybeedyada Wasaaradda Maaliyadda iyo shaqale ka tirsan Wasaaradda Maaliyadda Puntland Agaasimihii hore ee Waaxda Maamulka iyo Maaliyadda Maxamuud Saalax Axmed (Caato) oo ugu horayn hal kaasi ka hadlay ayaa sheegay in uu aad ugu farax sanyahay in uu…
Afhayeenka Wasaaradda Amniga Qaranka ee Xukuumadda Federalka Somalia. C/casiis Cali Ibraahim “Xildhibaan” oo ka hadlay Munaasbaad ka dhacay magaalladda Muqdisho waxa uu si kulul uga hadlay qaabka ay ku suurto-gashay inay Alshabaab ka gudbaan Kontoroolka Ammaanka ee la dhigay Isgoyska Sayidka, isla markaana lagu guul-daraystay Ballanqaadkii Sugidda Ammaanka. “Suurto-gal ma aha inay Alshabaab si fudud uga gudbaan Kontoroolka, iyadoo la og yahay in Hooyada foosha haysa iyo Ardayda loo diido inay ka gudbaan Waddooyinka” ayuu yiri Afhayeenka, oo intaasi ku daray in loo baahan yahay inay Jenraaladda ka tirsan Ciiddanka Dalka ka hadlaan sida looga soo gudbay Kontoroolka Zoonka…
Prof-ka caanka ah ee wax ka dhiga jaamacadaha maraykanka Axmed Ismaaciil Samatar ,ayaa gaaray jiida hore ee Gooja-cade ee duleedka laascaanood,halkaas oo ay isku hor fadhiyaan Ciidamada Puntland iyo Somaliland. Laama garan karo sababta ku khasabtay in Prof aqoontiisu heer sare gaarsiisan tahay magacna ku dhex leh bulshada Somaliyed uu qayb ka noqdo dagaal gardara ah oo ay soo qaadeen beel kuna soo qaadeen Beel kale. Prof Samatar,ayaa waayahan danbe u olalaynayay gooni goosadka Somaliland kadib markii uu kusoo fashilmay hankiisii raadinta kursiga ugu sareeya Somaliya ee Madaxweynaha Fadaraalka ah. Fagaaryaal badan oo layskugu yimid iyo saxaafada…
Madaxweynaha Dowlada Fedraalka Soomaaliya Maxamed C/laahi Farmaajo iyo wafdi uu hogaaminayo ayaa ku wajahan dalka Turkiga halkaas uu kaga qeyb gali doonaan caleyma saarka Madaxweyne Erdogan oo markale loo doortay xilka Madaxweynenimo ee dalkaasi. Caleyma Saarka madaxweynaha Turkiga ayaa la filayaa inay dhacdo maalinta berri ah waxaana ka qeyb gali doono madax kala duwan oo ka socda wadamada saaxibtimada ay kala dhaxeyso Turkiga. Madaxweynaha Soomaaliya Maxamed C/laahi Farmaajo oo maalmihii dambe booqasho ku joogay dalka Jabuuti ayaa halkaas ugu sii gudbay wadanka Turkiga.
Ra’iisul Wasaaraha Xukuummadda Federaalka Soomaaliya Mudane Xasan Cali Khayre oo maanta kormeer hawleed ku tegay wasaaradda Maaliyadda ayaa kulan la qaatay wasiir Dr. Cabdiraxmaan Ducaale Bayle oo uu kala hadlay dardar gelinta shaqada Wasaaradda iyo Qorshaha Kobcinta dhaqaalaha dalka. Wasiirka Maaliyadda Xukuummadda Federaalka Soomaaliya Dr. Cabdiraxmaan Ducaale Beyle ayaa intii kulanku socday waxa uu Ra’iisul Wasaare Khayre uga warbixiyay horumarka ballaaran ee dhanka maaliyadda laga gaaray iyo meesha ay marayaan arrimaha cafinta deymaha lagu leeyahay Soomaaliya. Ra’iisul Wasaaraha ayaa Wasiirka faray in uu laba jibbaaro dadaalka ay wado ee qorshaha cafinta deymaha lagu leeyahay dalka si loo xaqiijiyo hadafka guud…
Dowladda Puntland ayaa faahfaahin rasmi ah ka bixisay hadal maalinimadii shalay ahayd ka soo yeeray Soomaaliland oo shaaca ka qaaday in ciidanka Puntland ay dileen taliye sare oo katirsan ciidanka Soomaaliland ayna dhaawacday gudoomiyihii degmada Taleex,hoos ka daawo muuqaalka. Halkan hoose ka daawo muuqaalka https://youtu.be/WAzyxuyJprw
Ra’isal wasaaraha Itoobiya, Dr Abiy Axmed, ayaa gaadhay magaalo madaxda dalka Eritrea ee Asmara. Booqashadan Ra’isal Wasaaruhu waxay jawaab u tahay kulan ay hore u yeesheen isaga iyo wafti heer sare ah oo ka tagey Eritrea oo ka wada xaajooday sidii loo debcin lahaa xiisadda ka taagan soohdinta lagu muransan yahay ee labada dal udhexaysa. Dr Abiy waxa uu la kulmi doonaa madaxweynaha Eritrea, Isaias Afwerki, waxaanay labada dalba ku tilmaameen booqashadaas iyo shir madaxeedkaas ba kuwo lagu soo af jari doono colaaddii mudada dheer taagnayd. Wuxu noqonayaa hogaamiyihii u horreeyey ee Itoobiya ee booqasho ku taga Eritrea markii ugu…
Asmara caasimada Eretereya waxaa ka socda diyaar garow xoog leh oo lagu soo dhoweynayo booqashada taariikhiga ah ee Ra’iisul Wasaare Abiy Ahmed. Calamada labada wadana ee Eritrea iyo Itoobiya,ayaa la suray waddooyinka magaalada ,Asmara sidoo kale halku dhigyo ka turjumaya soo dhoweynta Abiy Ahmed ayaa lagu xardhay faras magaalaha Asmara. Tani ayaa bilow u ah xiriirka labada dal oo bog cusub u furmay, tan iyo markii Ra’iisul Wasaaraha Itoobiya uu qaaday tallaabooyin is bedelo leh oo dhinaca Nabadda ah. Wafdi sare oo ka socday Eritrea ayaa dhowaan tagay Addis Ababa, waxayna ahaayeen waftigii ugu horeeyay ee ka…
The prime minister of Ethiopia, Abiy Ahmed is expected to visit Asmara, the capital of Eritrea on Sunday, Eritrean officials confirm. According to sources in Asmara, preparations to welcome PM Abiy Ahmed and his delegation to Eritrean soil are going on in most of the major cities of Eritrea, the flags of both Ethiopia and Eritrea are seen along the main streets of the towns. “Asmara, Massawa & Keren are instructed to make extensive preparations to welcome Ethiopia‘s PM Abiye Ahmed who is expected to visit Eritrea on Sunday. Government institutions informed their employees to come out to the streets of…
Xulka England ayaa marki ugu horreeysay tan iyo sannadki 1990-ki gaaray semi-finalka Koobka Aduunka kadib marki ay galabta 2-0 uga badiyeen Sweden. Labada gool waxaa Ingiriiska madaxa ugu dhaliyay ciyaartooyda kala ah Harry Maguire iyo Dele Alli kuwaasoo ka farxiyay taageerayaasha England gaar ahaan kuwi ku jiray garoonka Samara. Maguire ayaa daah-furay goolka koowaad daqiiqadii 30-aad ee qeybti hore ee ciyaarta, halka Alli uu labeeyay waxyar kadib marki ay dib u billaabatay ciyaarta qeybteedii labaad. Dhalinyarada macallin Gareth Southgate waxay hadda sugayaan mid ka mid ah xulalka Russia iyo Croatia oo ciyaartooda ay billaaban doono wax ka yar laba saacadood.…
Beesha Isaaq waxay rabtaa in ay hesho Jamhuuriyad madaxbanaan oo iyagu ay ka yihiin Dadka ugu badan,sidoo kale ay leeyihiin caasimadeeda iyo isha dhaqaalaheeda. Hadii ay waayaan Jamhuuriyadaas waxaa qorshahooda labaad yahay in ay helaan wax qaybsi laba Jamhuuriyadood ama laba dhinac oo Somaliya oo midoobay. Tusaale” Hadii Koonfur ay qaadato Madaxweynaha Jamhuuriyada in Waqooyigu helo Ra’isalwasaaraha Jamhuuriyada . Sidoo kale Awoodaha dalka sidaa iyo si la mid aha loo qaybsado. Beesha isaaq hadafkeedu waa in ay awood dheeriya iyo sad bursi hesho,iyadoo labadaa qorshe midkood adeegsanaysa. Beesha Isaaq walwalka ugu badan ee haysta ayaa ah hadii beel beel wax…
Ugu yaraan 10 ruux oo ay ka mid ahaayeen shaqaale ka tirsan Wasaaradda Arrimaha Gudaha, Askar ka tirsan ciidamada dowladda iyo kooxihii weerarka geystay ayaa ku dhintay weerarkii Ismaaminta ahaa ee maanta lagu qaaday Ex xaruntii hore ee Oto Oto oo hadda ah Wasaaradda arrimaha gudaha. Ciidamada ammaanka ugu danbeyntii soo afjarayay weerarka xarunta oo ay ku ay wadda degan yihiin Wasaaraddaha arrimaha Gudaha iyo Amniga. Xaruntan ayaa markii hore lagu weeraray gaari waxyaabaha qarxa laga soo buuxiyay, iyadoo dabley hubeysan oo gaarayay saddex dagaalame ay gudaha u galeen. Wararka ayaa sheegaya in is rasaaseyn muddo saacad ka badan socotay…
Ciidanka amaanka Soomaaliya ayaa sheegay in ay soo gabagabeeyeen hawlgal ay dib ugu qabsanayeen dhismaha Otto Otto oo xarun u ah wasaaradaha arimaha gudaha iyo amniga kadib markii saaka koox hubeysan oo ka tirsan Al-Shabaab ay dhismaha weerar ku galeen. Dad goobjoog ah ayaa waxay sheegeen in ugu yaraan 10 qof ay ku dhinteen qaraxyada iyo rasaastii xigtay ee ka dhacay dhismaha. Madax gaadiidka gurmadka degdeg ah ee Aamin Ambulance, Dr Cabdiqaadir Cabdiraxmaan Xaaji Aden, ayaa sheegay in 21 qof oo dhaawac ah oo 5 kamid ahi yihiin haween ay ka qaadeen goobta weerarku ka dhacay. Al-Shabaab…
Madaxweynaha Dowladda Puntland oo Xadhigga Ka Jaray Hospital Cusub. Madaxweynaha Dowladda Puntland Dr. Cabdiweli Maxamed Cali Gaas ayaa galabta oo taariikhdu tahay 06-july 2018 xadhiga ka jaray Hospital casri ah oo laga hirgaliyey magaalada Garoowe. Madaxweynaha Dowladda Puntland waxaa ku wehelinayey xadhig jarka Hospitalka Wasiirka caafimaadka Puntland, qaar kamida goloyaasha Dowladda Puntland, Saraakiil katirsan Madaxtooyada Dowladda Puntland, dhakhaatiir, isimo iyo bulshada qaybeheeda kala duwan. Hospitalkan casriga ah ayaa waxaa lagu magacaabaa Carafaad Hospital waana Hospital si casriya loo dhisay lehna adeegyo baahi wayn ay u qabeen shacbka Puntland, wuxuuna kakoobanyahy qaybaha qaliinka, shaybaarka , hooyada iyo dhalaanka iyo qayba badan…
Ra’iisul Wasaaraha oo ay wehliyeen wasiirrada difaaca iyo amniga, abaanduulaha Ciidanka iyo saraakiil kale oo ka tirsan CXD ayaa kahor inta uusan ciidanka tababarka usoo xirin waxa uu kormeer ku sameeyay xarunta ciidanka isla markaana la qadeeyay ciidanka, isagoona xog warastay qaar kamid ah askarta si uu wax badan uga ogaado noloshooda, tababarkii ay soo qaateen iyo sida ay heeganka ugu yihiin difaaca dalka iyo la dagaalanka kooxaha nabad diidka ah. “Dal buburay waxaa dhisi kara ciidan, nabad la waayay waxaa soo celi kara ciidan, dawlad taag daran waa quwad iyo xoog u yeeli kara ciidan. Cawdawga dibadda iyo gudaha…
Madaxweyne Farmaajo ayaa uga mahadceliyay shacabka Carta martigalintii ay u sameeyeen ergadii Soomaaliyeed ee ka qeyb qaadatay dhismaha dowladnimada Soomaaliya, wuxuuna sheegay in dadka Soomaaliyeed ay abaal weyn uga hayaan hiilka walaaltinimo ee ay dowladda iyo shacabka Jabuuti u fidiyeen walaalahooda Soomaaliyeed. “Magaaladan waxay quluubta shacabka Soomaaliyeed uga taallaa meel wayn. Waa magaalo soo celisay rajadii shacabka Soomaaliyeed. Waa magaalo astaan u noqotay Soomaalinimo iyo deeqsinimo.” “Waxaan guud ahaan reer Jabuuti iyo gaar ahaan reer Carta uga mahadcelinaynaa sidii niyadsamida lahayd ee ay shacabka Soomaaliyeed u garab istaageen xilli adduunyada oo idil ay kasii jeesatay.” Ayuu yiri Madaxweynaha. Madaxweynaha ayaa…
Dowlada Jubbaland ayaa Dowladda Fadaraalka Soomaaliya u qortay warqad cabasho ah oo ku aadan dhibaatooyinka amniga iyo Siyaasadda halista ku ah ee laga wado degaamada Jubbaland, kuwaasoo ay ku eedeeysey in ey waddaan xildhibaano ka tirsan Golaha Shacabka Fadaraalka Somaliya. Jubbaland ayaa shaaca ka qaaday in hub ay wadeen Xildhibaano ka tirsan labada Gole ee dowlada Somaliya uu ugalay gacanta Al-Shabaab. Maamulka ayaa sheegay in hubkaas loogu tallo galay lagula dagaalamo al-shabaab balse hadda uu iyaga gacanta u galay, iyagoo xusay in arintaas ay ku timid la tashi la’aan. Qodobada cabashada ah ee kasoo baxay Jubbaland ayaa…
Madaxweynaha Mareykanka Donald Trump ayaa canshuur 25% ah kusoo rogay in ka badan 800 oo ah badaceedo ay China soo saarto. Canshuurtan ayaa dhaqan gashay jimcihii, markii saacadda ay hal daqiiqo dhaaftay 12-kii aroornimo, xilliga Washington. Beijing ayaa ka digtay inay si xooggan uga aargudan doonto canshuurtan la saaray alaabha ay sameyso, oo gaareysa 34 bilyan oo dollar. Afhayeenka wasaaradda ganacsiga China, Gao Feng ayaa weriyayaasha u sheegay khamiistii in China aysan ridi doonin xabadda koowaad, hase yeeshee aysan u furnaan doonin wax aan ka ahayn inay difaacdo danta China iyo dadkeeda. Gao waxa uu sheegay in China aysan madaxa…
Degmada Moyale oo ku taalla xadka Ethiopia iyo Kenya waxaa lagu soo warramayaa inay ka dhaceen dagaallo iyo qul-qulatooyin dhexmaray Soomaalida iyo Oromada. Wararka ayaa sheegaya in dagaalladan ay dhaliyeen barakac. Haddaba sida ay wax u dhaceen iyo xaaladdu siday imiaka tahay, ayaa weriyaheena Ibraahim Daanduray wuxuu ka wareystay nin cod-saday inaan magaciisa la sheegin oo ku sugan gudaha Moyale,hoos ka dhagayso codka. Halkan hoose ka dhagayso codka warka
Baarlamaanka Midowga Yurub ayaa toddobaadkan meel mariyay qaraar ku saabsan xaaladda Soomaaliya. Qaraarkan ayaa waxyaabaha ku qornaa waxaa ka mid ah mowqifkii dhex-dhexaadnimo ee ay Somalia ka istaagtay xiisadda Khaliijka oo lagu sheegay uu dhaliyay in dalalka Imaaraadka iyo Sacuudigu ay joojiyeen lacagtii ay siin jireen Somalia, iyagoo ku ciqaabaya go’aanka Somalia. Baarlamaanka ayaa dhinaca kale dowladda Imaaraadka ku booriyay inay joojiso falal xasilooni-darro ka abuuri kara Somalia, sidoo kalena ay ixitiraanto madaxbannaanida dhuleed iyo qaranniamada Somalia,hoos ka dhagayso codka. Halkan hoose ka dhagayso codka warkaas
Shirweynaha ururka ONLF ee Asmara ayaa weli ka socda magaalada Asmara ee caasimadda dalka Ethiopia. Shirka oo la filayo in dhowaan lasoo geba gebeeyo, ayaa waxaa mar kale guddoomiyaha ururka loogu doortay Mohamed Omar Osman, oo xilkaasi hore u hayay. Shirweynaha ayaa sidoo kale wax looga baddalay qaab dhismeedka JABHADDA. Wararkii ugu dambeeyey ee shirka iyo arrimo kale oo quseeya ururka ONLF ayaa Axmed Cali Shiikh waxa uu ka wareystay afhayeenka ONLF Caddaani Hirmooge oo ku sugan Asmara,hoos ka dhagayso codka. Halkan ka dhagayso codka Ciilmooge
Maxkamad ku taalla dalka Pakistan ayaa 10 sanno oo xarig ah ku xukuntay Ra’iisul wasaarihii hore ee dalkaasi Nawaz Sharif oo loo haysto eedeymo musuq maasuq. Waaxda la dagaalanka musuq maasuqa Pakistaan ayaa in badan dib u dhigtay dacwdaha loo haysta Nawaz Sharif. Sharif ayaa horraan dacwad uu ka codsanaya in dib loo dhigo go’aanka u gudbiyay maxkamadda isagoo ku sugan magaalada London halkaaso looga dawaynaya cudurka Kansarka. Nawaz Sharif ayaa ku tilmaamay dacwadaha ka dhanka ah isaga kuwo la siyaasadeeyay.
Ethiopian Prime Minister Abiy Ahmed will travel to the United States at the end of July to meet with members of the Ethiopian diaspora, state-affiliated media Fana said, citing the foreign minister. The statement did not mention whether Abiy would meet with U.S. government officials. Since taking office in April, the 41-year-old former intelligence officer has announced plans for sweeping economic and political reforms. He came to power after his predecessor resigned earlier this year amid protests against abuses by security forces and public anger over perceived ethnic marginalization of many groups in the racially diverse country.
Wasiir kuxigeenka Arrimaha Dibadda Itoobiya Birtukan Ayano ayaa sheegay in Ra’iisul Wasaare Abiy Ahmed uu la kulmi doono Mas’uuliyiinta ka tirsan dowladda Mareykanka, Wakiilada ururada caalamiga iyo jaaliyaddaha Itoobiya oo ka mid ah kuwo ugu ballaaran ee Mareykanka ku nool Bulshada Itoobiyaanka ee ku nool Mareykanka ayaa ahaa kuwo ugu badan mucaaradka ku ahaa dowladda Itoobiya iyo qaabkii dalkaas u xukumeysay 20-kii sano ee u dambeeyay. Safarka Ra’iisul Wasaaraha Itoobiya ku tagayo Mareykanka ayaa la filayaa inuu xoojiyo wada hadalo dhex mara dowladda iyo bulshada Itoobiyaanka oo lagu tilmaamo kuwo ugu badan ee ku nool dalka Mareykanka.
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa gaaray magaalada Jabuuti halkaas oo uu ka furmay Shirka Madasha iskaashiga Afrika iyo Shiinaha. Madaxweynaha iyo wafdigiisa waxaa Garoonka Diyaaradaha kusoo dhaweeyay Ra’iisul Wasaaraha Jamhuuriyadda aan walaalaha nahay ee Jabuuti Mudane Cabdiqaadir Kaamil Maxamed iyo Diblomaasiyiin ka tirsan Safaaradda Soomaaliya ee dalkaas. Shirkan oo soconaya inta u dhaxaysa 5-7 bishan Luuliyo ayaa looga wada xaajoonaya hirgelinta ganacsiga xorta ah ee Qaaradda Afrika, xoojinta maalgashiga, kobcinta kaabayaasha dhaqaalaha iyo xaqiijinta hiigsiga horumarineed ee 2030-ka ee ajendaha caalamiga ah. Dhanka kale, Madaxweyne Farmaajo ayaa ka qayb galay saaka furitaanka Aaga Caalamiga ah ee…
Halkan ka akhriso
Qaraxan oo ahaa miino Wadada dhinacaceeda lagu aasay ayaa waxa uu ka dhacay agagaarka Isbitaalka Guutaale oo ku yaalla Wadada aada degmada Deeyniile ee ka tagta Kulliyada Jaale Siyaad ee degmadaas. Goobjoogayaal ayaa waxa ay sheegeen in xilliga qaraxa uu dhacayay ay goobta marayeen gaari ay wateen ciidamada dowladda Fadaraalka Soomaaliya balse aysan gaarin wax khasaaro ah. Qaraxa kadib ayaa waxaa Ciidamadii saarnaa gaariga waxay fureen rasaas fara badan,iyadoo ay goobta gaareen markii danbe Ciidamo kale kuwaas oo haatan howlo baaritaano ah ka wada halkii uu qaraxa ka dhacay.
Al-shabaab ayaa Madaafiic ku garaacay degmada Baardheere ee gobalka Gedo. ku dhawaad ilaa 10 Hoobiye ayaa ku soo dhacay deegaanka Fax Fax-dhuun ee duleedka degmada Baardheere. Majirto xog dhab ah oo laga hayo inta uu la egyahay Khasaaraha ka dhashay Duqeyntaasi. Al-shabaab ayaa sheegtay in ey dukheeyeen Saldhig ay leeyihiin Ciidamada Kenya ee qaybta ka ah Howlgalka AMISOM ee Soomaaliya ayna Gaarsiiyeen Khasaaro..
Xubnaha Baarlamaanka ayaa si aqlabiyad leh u meel mariyay qaraarka liiska Argagixisada looga saaro Ururada Ginbot 7, OLF iyo ONLF. Tallaabadan ayaa ka dambeysay, markii maalin ka hor Golaha Wasiirada Itoobiya isku raaceen in liiska argagixisada laga saaro ururadaas, taasoo qeyb ka ah qorshaha is bedelka uu qaaday Ra’iisul Wasaare Abiy Ahmed. Boqolaal maxaabiis oo u xirnaa siyaasadda ayaa dhowaan laga sii daayay xabsiyada Itoobiya, kuwaasoo u badnaa siyaasiyiinta mucaaradka. Itoobiya ayaa horay u aqoonsatay ururada Ginbot 7, OLF iyo ONLF inay yihiin ururo argagixiso ah oo qatar ku ah Ammaanka Qaranka Itoobiya.
Nin iyo Naag is-qaba ayaa ku jira xaalad khatar ah dalka Britain, kadib markii loo adeegsadey sun la mid ah tii lagu weeraray nin hore uga tirsanaa Sirdoonka Ruusha iyo gabadhiisa. Warkan ayaa laga soo xigtey sarkaal sare oo ka tirsan la dagaalanka argagaixisada ah dalka Britian. Ninka iyo naagtan ayaa loo aqoonsadey Dawn Sturgess oo 44 sano jir ah iyo Charlie Rowley oo 45 jir ah, kuwaasoo saxiibadood ay heleen ayagoo miyir doorsoon meel 13 KM u jirto Salisbury oo aheyd halkii lagu waxyeeleeyey Sergei Skripal iyo gabadhiisa Yulia oo la helay bsihii March. Hay’adda la dagaalanka argagixisada ayaa…
Waxaa dalka Koonfur Afrika lagu qabtay carwo lagu kireynayo xabsigii uu mudada dheer ku xirnaa madaxweynihii hore ee dalkaas Nelson Mandela, waxaana habeenkii lagu seexanayaa lacag dhan $250,000 ama rubuc malyuun doolar. Waxaa halkii habeen ku hoyanaya xabsigan illaa 67 qof , halkaas oo ahayd xabsi si weyn loo illaaliyo. Mandela ayaa 18 sano ku jiray xabsiga, isaga oo wadarta guud xirnaa 27 sano, muddooyin kalena kusoo qaatay xabsiyo kale. Hay’ad lagu magacaabo CEO Sleepout , taas oo doonaysa in ay xusto maalinta Mandela oo ku beegan 18-ka bishan . Mandela oo u xirnaa, lana dagaalamay…
Warbixin cusub oo la soo saaray ayaa faafaahin ka bixinaysa sida ciidamada Ammaanka Itoobiya ay jirdilka ugu gaystaan islamarkaana ay u kufsadaan maxaabiista siyaasadda ee gobolka Soomaalida Itoobiya. Warbixinta oo ka kooban 88 bog islamarkana ay soo saartay hay’adda u dooda xuquuqda aadanaha ee Human Rights Watch ayaa ku eedeeynaysa tacadiyo saraakiisha Itoobiya iyo booliiska deegaanka ee loo yaqaano Liyuu ay ka geysteen “jeel ogaadeen” . Inta badan maxaabiista ayaa xabsiga la dhigay iyaga oo aan wax maxkmad ah la soo taagin sida ku cad warbixinta. Hay’adda Human Rights Watch ayaa warbixinteeda ku sheegtay in inta badan dadka lagu xiro…
Wasiirka Kalluumeysiga iyo kheyraadka dalka ee dowladda Fadaraalka Soomaaliya C/raxmaan Maxamed Cabdi Xaashi ayaa magaalada Nairobi heshiis horudhac ah kula gaaray Madaxa shirkaddaha Kalluumeysiga dibadda ee dalka Shiinaha. “Waxaa maanta heshiis kalluumeysi oo hal sano ah la saxiixannay madaxa ugu sarreyo shirkadaha dibadda ee dalka shiinaha mr Davy Chen, si aan ugu faa’ideysano kheyraadka baddeena waxaanan si dhaw ula socon doonaa kalluumeysiga shirkadaha dalka shiinaha ee imaanaya dalkeenna”ayuu yiri Wasiirka Kalluumeysiga. Sidoo kale Wasiirka ayaa sheegay in shatiyada kalluumeysiga la siinayo shirkadaha dalkaasi shiinaha ee ka shaqeeya kalluumeysiga, isla markaana ay si dhow ula socon doonaan kalluunka ay…