Starlink, adeegga internet-ka xawaaraha sare leh ee uu leeyahay Elon Musk, ayaa si rasmi ah uga shaqo bilaabay gudaha Soomaaliya. Waxaa markii ugu horreysay adeeggan si xeel dheer u isticmaalay Ciidanka Amniga Puntland intii uu socday hawlgalka Cal-Miskaad, si ay u helaan isgaarsiin degdeg ah oo ammaan ah, xilli aysan jirin adeegyo kale oo la isku halayn karo.
Maanta, adeeggan waxaa si xor ah uga faa’iideysan kara shacabka Soomaaliyeed, gaar ahaan kuwa ku nool meelaha aan lahayn adeegyo isgaarsiineed oo joogto ah.
Qiimaha qalabka Starlink gudaha Soomaaliya ayaa lagu qiyaasaa $250, halka adeegga bil walba uu ku kacayo qiyaastii $40. Waa fursad muhiim ah oo kobcin karta waxbarashada, ganacsiga, iyo isku xirka bulshooyinka fogfog.
Internet-ku hadda ma aha raaxo, waa baahi – Starlink-na wuxuu ballanqaaday inuu buuxinayo baahidaas.
WQ.Gooni.