Ra’iisul Wasaarihii hore ee Kenya, Raila Odinga ayaa kulan sagootin ah u sameeyay Madaxweynaha Somaliland Cabdiraxmaan Cirro iyo wafti uu hoggaaminayo oo booqasho ku jooga caasimadda dalka Kenya ee Nairobi.
Cirro ayaa sheegay in Odinga ay ka wada-hadleen iskaashiga dhexmari Kara Somaliland iyo Kenya, gaar ahaan dhinacyada dhaqaalaha, isu socodka iyo Arrimaha istiraatiijiga ah ee gobalka Geeska Africa.
“Waxa aan si qoto dheer uga wada-hadalnay xidhiidhka taariikhiga ah iyo saaxiibtinimada soo jireenka ah ee ka dhaxaysa Mudane Raila Odinga iyo Jamhuuriyadda Somaliland. Sida oo kale, waxa aanu isla meel dhignay fursadaha iskaashi ee ka dhexeyn kara Somaliland iyo Kenya, gaar ahaan dhinacyada dhaqaalaha, isu socodka, horumarinta aqoonta, iyo arrimaha istaraatiijiga ah ee gobolka” ayuu yiri Cirro.
Raila Odinga ayaa kamid ah siyaasiyiinta Kenya ee sidda weyn u taageera qadiyadda gooni-goosadka Somaliland, waxaana la xaqiijiyay in uu door weyn ku lahaa booqashada Madaxweyne Cirro uu hadda ku joogo Nairobi.
IDILNEWS