In kabadan 100 qof ayaa ku geeryooday, 200 oo kalena waa ay ku dhaawacmeen dagaal jimcihii maanta ka dhacay deegaanka Buq-dharkeyn ee Gobalka Sool.
Dagaalka ayaa u dhexeeyay Maleeshiyaadka kasoo kala jeeda Beelaha Isaaq iyo Dhulbahante, waxaana jira gaadiid dagaal iyo maxaabiis ay dhinacyadu kala qabsadeen.
Dagaalka oo aroornimadii hore ee saaka bilowday ayaa soo gaaray gelinkii dambe. Dhaawacyada labada dhinac ayaa la kala geeyay Hargeysa iyo Garoowe, kaddib markii badi wax looga qaban waayay magaalooyinka Laascaanood iyo Burco.
Dhanka kale, gurmadyo kala duwan ayaa u kala baxaya labada dhinac, iyadoo saacadaha soo wajahan ay dhici karto in dagaalku dib u bilowdo.
IDILNEWS