Qofka la xaqiijiyay in uu ku dhintay garaacista,waa Nabadoon Cumar Cabdulaahi Ibraahim oo ka mid ahaa Nabadoonada Gobolka Sanaag ugu caansanaa.
Nabadoonka,waxaa la xaqiijiyay in uu Gaariga lahaa oo uusan ahayn Rakaabka Gaariga saarnaa mase cada sababta Ninkan uu usoo qaaday.
Ninka Labaad ee la dhintay,ayaa wararku sheegayaan in uu ahaa ku xigeenkii Daacish Ina Faahiye oo maalmahan warar soo baxayay ay sheegayeen in uu Sanaag doo galay.
Sidoo kale,waxaa jira war kale oo sheegaya in garaacista lala beegsaday ku xigeenkii AS Siciid Carab Diiseey oo udhashay Beesha Dishishe.
Diiseey,wuxuu ka yimid Sool,gaar ahaan Cabdi Madoobe iyo Ciidan halkaas lagu diyaarinayay,wuxuuna kusii jeeday Buurta,sida wararku sheegayaan.
Diiseey,waa Ninka Maaliyada iyo Siyaasada AS-ka Calmadow hoos yimaadaan,waana Xubin muhiim ah.
Haday dhab noqoto dilkiisa,wuxuu guul weyn uyhay hawlgalka qorshaysan ee Calmadow.
Weerarkan,waxaa fuliyay diyaaradaha Maraykanka,waxaana la sugayaa warbixinta ay kasoo saaraan garaacistan.