Waxaa muuqata in dib Maraykanku usoo ceshay Siyaasadiisii Laba Wajiilaynta ee kula macmiili jiray qaybaha Somalida.
Siyaasadaas,ayaa ahayd la jaanqaadida waaqiciga Somaliya ka jira oo ah in ay uqaybsan tahay Sadex Qaybood oo kala leh Calamo,Dastuuro iyo nidaamyo,kuwaasoo kala ah….
- SL.
- .PL.
- Koonfurta iyo Bartamaha.
Ku guulaysiga Digvin Andarson ee Talyaha Africom iyo sagootinta Talyihii hore iyo soo dhaweynta Talyaha cusub ee hawlgalka gaarka ah Maraykanka ee Bariga Afrika ee sida siman uga dhacday Xamar,Bosaso iyo Hargaysa,waa tilmaan sax ah oo muujinaysa dib usoo noqoshada Siyaasadaas..
Andorsen,wuxuu ka mid ahaa Saraakiishii kusoo shaqaysay Siyaasadii Laba Wajiilaynta oo waliba ujanjeera dhanka SL,waxayna soo laabashadiisa hoosta ka xariiqaysaa in Maraykanku xoojinayo Siyaasadaas.
Maraykanku,wuxuu danaynayaa Laba qorshe oo balaaran in uu ka hirgeliyo Berbera iyo Bosaso,kuwaasoo kala ah.
1.Berbera oo noqota Saldhig Labaad oo Ciidanka Badda Maraykanku ku leeyahay Gobolka marka Jabuti laga soo tago.
2.Bosaso oo xarun unoqota Taliska Maraykanka ee hawlgalka gaarka ah ee Bariga Africa.
Dib usoo noqoshada Siyaasadan,waxaa soo dadijiyay niyad Jab caalamku ka qaaday DFS iyo hogaan xumada Xasan Shiikh ee keentay guulaha waa weyn ee ay argagixisadu gaartay.