Garowe, 21 June 2025,Guddoomiyaha Golaha Wakiillada Dowladda Puntland, Hon Abdirisak Ahmed Said oo uu weheliyo Guddoomiye ku-xigeenka 2-aad,Maxamed Mahamud Ciise,ayaa maanta shir-guddoomiyey Fadhiga 6-aad ee Kalfadhiga 56-aad ee Golaha Wakiillada.
Ajandaha fadhiga maanta,ayaa ahaa Xasaannadsiinta masuuliyiinta u baahan xasaannadda Golaha Wakiillada.
Goluhu wuxuu Maanta buuxiyey kursiga Aqalka Sare ee ku metelayey Puntland kaas oo uu ka geeriyooday Senatar hore Maxamed Cali Yuusuf (Gaagaab) waxana uu Golaha cod aqlabiyad ah ku doortay Cabdi Cabdullaahi Xaashi Goley in uu buuxiyo kursigaasi.
Intii uu kulanku socday, waxaa sidoo kale khudbad sharafeed ka jeediyey Golaha Xildhibaan Samakaab Xuseyn, oo ka tirsan Golaha Wakiillada Gobolka Minnesota ee dalka Mareykanka, isagoo xusay muhiimadda ay leedahay xiriirka Puntland iyo Maraykanka, isla markaana dhiirrigeliyey wada-shaqeynta iyo is-dhaafsiga khibradaha.