Odoyaashan Caawa,waxaa la hor fariisiyay dhawr Boqol oo Shacabkii Mudug ka mid ah,waxaa lagu yiri..(Waxaad wadaan soo daaya ee horumarka ah).
Wax la dhagaystaba Qodobada ay ka hadleen wax macno uleh horumarka ,waa kaga dhex arki waayay,kaliya,waxay Dadka hortooda isku muujin Niman Siyaasad ku jira oo baadigoobaya fursad,isla markaana Xamar laga soo abaabulay oo Deni uwada caraysan.
Wasiiradii Dowlada ka socday ee Madasha fadhiyay markay dhagaysteen,warbixintii Ragan,iyagoon durin,waxay si asluubaysan usoo jeediyeen….
- In Shirka Ajandihiisa Dowlada lagu soo wareejiyo maadaama iyadu Wadanka masuul ka tahay oo horumarku Shaqadeedii yahay.
- In Shirka 10- casho dib loo dhigo si loogu diyaar garoobo.
- In ergada kasoo qaybgalaysa lawada ogaado lagana reebo wax masuuliyad ka haya Dowlada Xamar.
Intaas markii ay soo jeediyeen Wasiiradii waa caroodeen qoladii Xamar laga soo diray ee ku gabanaysay horumarka Mudug,waana caytameen oo hanjabeen,balse lalama ficiltamin oo waxaa loogu jawaabay isdaji kuna soo dhawaada xaqiiqda.
Kadib Bulshadii oo la yaabtay Nimanka aragtidooda iyo hadalkooda,ayaa Gudi Odoyaal ah iska soo dhex xushay kuna dhawaaqday in go’aanka lagu soo wareejiyo,si fudud ayay Dowladu u aqbashay,waxaase buuq kiciyay Ragii Xamar,waxaase runta usheegay waxgaradkii.
Gabagabadii Shirkii,wuxuu kusoo xirmay Nimankii oo fashilmay oo goobtii iyaga dhexdoodii isku qabsaday oo ku diriray makarafoonkii,isla markaana iska hor yimid iyo Dowladii oo talada udaysay Shacabka Galkacyo.