Close Menu
    Facebook X (Twitter) Instagram
    Facebook X (Twitter) Instagram Pinterest YouTube
    Idil News
    • Home
    • Puntland
    • Somalia
    • News in English
    Subscribe
    Idil News
    Home»Somalia»Mareykanka oo $10 milyan oo abaal-marin ah ku bixinaya xogta Al-Shabaab
    Somalia

    Mareykanka oo $10 milyan oo abaal-marin ah ku bixinaya xogta Al-Shabaab

    Jibril Qoobey.By Jibril Qoobey.November 14, 2022No Comments3 Mins Read
    Share
    Facebook Twitter LinkedIn Pinterest Email Copy Link

    Dowladda Mareykanka,ayaa kordhisay Lacagta abaal-marinta ah ee ay ku bixineyo xog hoggaamin karta aqoonsiga iyo halka ay ku sugan yihiin madaxda sare ee kooxda Al-Shabaab iyo carqaladeynta hanaankeeda maaliyadeed.

    “Barnaamijka Abaalmarinta Caddaaladda ee Waaxda Arrimaha Dibadda Mareykanka, oo ay maamusho Waaxda Nabadsugidda Diblomaasiyadda, ayaa kordhinaysa oo illaa $10 milyan gaarsiineysa abaal-marinta la siinayo ciddii keenta xog horseedda aqoonsiga ama halka ay ku sugan yihiin hoggaamiyeyaasha muhiimka ah ee Al-Shabaab ee kala ah; Axmed Diiriye, Mahad Karate, iyo Jehad Mostafa,” ayaa lagu yiri bayaan kasoo baxay Waaxda Arrimaha Dibedda Mareykanka.

    Barnaamijka Abaalmarinta Caddaaladda ee loo soo gaabiyo RFJ ayaa sidoo kale yaboohaya illaa $10 milyan oo lagu bixinayo xog horseedi karta carqaladeynta hanaanka maaliyadda kooxda Al-Shabaab. Ku dhawaaqistan ayaa noqonaysa markii ugu horreysay oo ay Waaxda Arrimaha Dibedda ay abaal-marin ku yaboohdo xogta shabakadaha dhaqaalaha ee Al-Shabaab.

    Axmed Diiriye oo ahaa amiirka Al-Shabaab tan iyo bishii September 2014 ayaa liiska argagixisada caalamiga ee Mareykanka (SDGT) lagu daray April 21, 2015.

    Mahad Karate ayaa isna liiska lagu daray isla April 21, 2015. Mahad Karate waa amiir ku-xigeenka ama amiir ku-xigeenka dadban ee Al-Shabaab, wuxuuna weli hoggaamiyaa qaar ka mid ah howlgallada Al-Shabaab.

    Karate ayaa sidoo kale haya qaar ka mid ah mas’uuliyadda talis ee Amniyaat, oo ah garabka sirdoonka Al-Shabaab oo mas’uul ka ah weeraro ismiidaamin ah iyo dilal ka dhacay Soomaaliya, Kenya iyo dalal kale oo gobolka ka mid ah.

    Jehad Mostafa waa muwaadin Mareykan ah oo horey u deganaa gobolka California. Mostafa wuxuu tababare militari kasoo noqday xerooyinka tababarka Al-Shabaab. Sidoo kale waa hoggaamiyaha ajaaniibta Al-Shabaab, hoggaamiyaha garabka warbaahinta Al-Shabaab, iyo dhex-dhexaadiyaha Al-Shabaab iyo ururada kale ee argagixiso.

    Bishii December 2019, maxkamad federaal oo Mareykan ah ayaa Mostafa kusoo oogtay dacwado ay ka mid yihiin inuu ka shaqeeyey taageero siinta qalab ee argagixisada iyo Al-Shabaab. FBI-da Mareykanka ayaa qiimeysay in Mostafa uu yahay aragagixiyaha ugu darajada sarreeya ee haysta dhalasho Mareykan ah ee dibedda ka dagaalamaya.

    “Al-Shabaab waxa ay weli ku tiirsan tahay shabakadaha maalgelinta iyo fududaynta si ay usii waddo hawlgalladeeda, oo ay u qorsheyso weeraro argagixiso oo caalami ah,” ayaa lagu yiri bayaanka.

    “Wasaaradda arrimaha dibadda waxay abaal-marin ku bixineysaa xogaha horseedaya aqoonsiga iyo carqaladaynta ilaha muhiimka ah ee dhaqaale ee Al-Shabaab, oo ay ku jiraan ka faa’iidaysiga khayraadka dabiiciga ah ee gudaha, deeqaha dhaqaale ee ay bixiyaan deeq-bixiyayaasha iyo fududeeyayaasha maaliyadeed, kala wareejinta maaliyadeed ee ay sameeyaan hay’adaha maaliaydeed, ganacsi kasta ama maalgashi kasta oo ay leedahay ama ay maamusho Al-Shabaab ama maal-geliyayaasheeda, dhaqdhaqaaqa caalamiga ah ee shirkadaha ku xiran Al-Shabaab, iyo hawlgallada afduubka madax-furasho, qorshayaasha maaliyadeed ee sharci darrada ah, iyo wareejinta maalgelinta iyo agabka ay al-Shabaab siiso argagixsada iyo maleeshiyada saaxiibada ah iyo kuwa la shaqeeya.”

    Follow on Google News Follow on Flipboard
    Share. Facebook Twitter Pinterest LinkedIn Tumblr Email Copy Link

    Related Posts

    Faallo:-Kulamada Xasan iyo samata bixinta Yay ugu badisaa sii socoshadooda?

    July 3, 2025

    Kulankii Xasan iyo Golaha Samata bixinta oo fashilmay

    July 3, 2025

    Faallo:-Khudbadii Madaxweyne Deni Ee Dhagaxdhigida Wadada

    July 3, 2025
    Latest Posts

    Faallo:-Kulamada Xasan iyo samata bixinta Yay ugu badisaa sii socoshadooda?

    Kulankii Xasan iyo Golaha Samata bixinta oo fashilmay

    Faallo:-Khudbadii Madaxweyne Deni Ee Dhagaxdhigida Wadada

    Madaxweyne Deni oo Dhagax-dhigay Wadada Galkacyo-Xarfo

    Wasaarada Difaaca Ugandha oo ka hadashay Shilka Diyaaradeed

    Goorma,ayaa la bilaabayaa dhismaha Wadada Galkacyo-Xarfo?

    Sidee u aragtaa BC PL oo noqota Dowlad gaar ah ?

    Wararkii ugu danbeeyay Dabka ka kacay Buuraha Ceerigaabo

    Garowe oo si weyn looga xusay Sanadguurada Xoriyada

    Eretereya oo Tobanaan Kun oo Askari utababaraysa Sudan

    Facebook X (Twitter) Instagram Pinterest
    • Home
    • Puntland
    • Somalia
    • News in English
    © 2025 Idil News

    Type above and press Enter to search. Press Esc to cancel.