Dowladda Mareykanka ayaa gabi ahaanba joojisay taageerada ay siin jirtay ciidamada kumaandooska Soomaaliya ee DANAB, sidda uu xaqiijiyay Guddiga Arrimaha Dibedda ee Aqalka Senate ee Mareykanka.
Mareykanka ayaa sheegay in hoggaanka ciidamada DANAB ay lunsadeen saadkii ciidamada iyo raashinkoodii, iyadoo madaxda DFS ku guuldareysteen wax ka qabashada arrinta iyo in lala xisaabtamo kooxdii ku kacday musuqmaasuqa.
βMareykanku ma dayacayaan Danab ama dagaalka ka dhanka ah kooxaha argagixisada. Taageerada Danab waxaa la bilaabay in si tartiib tartiib ah loo yareeyo sannadkii 2024 kadib markii hoggaamiyaasha Danab ay musuqmaasuqeen raashinka loo qoondeeyey, dowladda Soomaaliya-na ay ku guuldareysatay inay wax ka qabato arrintaas” ayaa lagu yiri qoraal uu baahiyay Guddiga Arrimaha Dibedda ee Senate-ka Mareykanka.
Go’aanka ayaa ah fashilka kale oo dhanka Dowladnimada ah, oo ka dhashay hoggaaminta Xassan Shiikh.
Mareykanka ayaa horrey u diidday in uu bixiyo qoondada dhaqaale ee taageerada ciidamada howlgalka nabad ilaalinta Soomaaliya ee AUSSOM, taas oo abuurtay walaac la xiriira in uu fashilmo howlgalka. Al-Shabaab ayaa qabsatay deegaano muhiim ah oo katirsan koonfurta Soomaaliya.
IDILNEWS