David Hannon, oo 67 jir ah, taageerana u ah madaxweynihii hore ee dalka Mareykanka Donald Trump, ayaa qirtay inuu Ilhaan Cumar u diray farriin sannadkii 2019-kii, isagoo ugu hanjabay inuu madaxa ka toogan doono.
Ninkan oo ka soo jeeda Florida ayaa Talaadadii maxkamada horteeda ka qirtay inuu xildhibaan Ilhaan Cumar ugu hanjabay inuu dili doono, sida ku cad qoaal uu u diray Ilhaan Cumar.
Farriinta uu u diray xildhibaanad Ilhaan ayaa sidan u qornayd “Waad dhimatay, Muslim xagjir ah ayaa tahay,” isaga oo intaas ku daray inuu doonayo inuu madaxa ka toogto,.
Eedeysanaha ayaa dambiga lagu helay waxa uu sabab u noqon karaa ugu badnaan 10 sano oo xarig ah iyo $250,00 oo ganaax ah.
Xildhibaan Ilhaan Cumar ayaa si weyn u dhaliili jirtay siyaasadaha Madaxweyne Donald Trump waxayna weerar afka ah iyo hanjabaado kala kulantay dad badan oo aan la dhacsaneyn siyaasadaheeda.
Ilhaan Cumar oo marar badan twitter-ka ay hadallo isku weydaarsadeen madaxweyne Trump ayaa waxaa naceyb badan u qaaday taageerayaasha madaxweynihii hore Mareykanka.