Iyadoo xili roobaabka Gu’ la saadaaliyay mid xaddi ahaan hooseeya, ay na deegaanada Puntland abaar baahsani ka jirto, dhanka kale filashada curashada roobka Gu’ga ayaa ah mid sareeya guud ahaan gobolada Puntland.
Saadaasha roobka ee asbuuca 10 – 16 April 2025 ayaa ah mid sareya baaxad ahaan una-dhexeya (30-50) mm.
Marka la eego khariidadda saadaasha roobka ee degmooyinka Burtinle, Garowe, Dangoroyo, Buuhoodle, Taleex, Dhahar, iyo Rako-raaxo ayaa lafilayaa inay helaan roobab xaddigoodu dhex-dhexaad yahay gaari karana (50-100) mm sababi karana daad meelaha godan iyo biyo mareenada.
Dhammaan bulshada ku dhaqan degmooyinka xaddiga roobku dhax-dhexaadka yahay waa inay taxadar dheeriya muujiyaan kana fogaadaan meelaha biyo mareenada ah ilaa 16 bisha Abriil gar ahaan maalmaha 13,14,15, 16 bisha abriil.
Sadaashan roobka waa ay isbadeli kartaa xilli kasta, Xarunta macluumaadka khayraadka Biyaha iyo Dhulka ee Dawladda Puntland waxa ay sidhow ula soconaysaa markasta isbad-badalka cimilada ee xilli roobaadka.
DHAMMAAD
Wixii faahfaahin ah, fadlan kala xiriir;
Xafiiska Warfaafinta Xarunta Maareynta Xogaha Biyaha iyo Dhulka Puntland
#imcpuntland #Puntland