Magaalada Addis Ababa ee Xarunta dalka Ethiopia waxaa maanta lagu soo gabagabeeyay Shir Madaxeedkii Caadiga ahaa ee 13-aad ee madaxda Wadamada ku bahoobay Urur Goboleedka IGAD.
Shirkan oo laba maalmood socday ayaa dib u habeyn lagu sameeyay hogaanka Ururka, iyadoo gudoomiyaha cusub ee IGAD loo doortay Cabdalla Xamduuk oo ah Raiisul Wasaaraha dalka Suudaan.
Mr. Xamduuk ayaa ka hor intii uusan Raβisul Wasaare ka noqon Sudan xubin ka ahaa Guddiga Dhaqaalaha Qaranka ee dowladda Federaalka Soomaaliya.
IGAD ayaa sidoo kale Xoghayaheeda cusub u dooratay Workneh Gebeyehu, oo u dhashay dalka Ethiopia, oo uu dhawaan magacaabay Raβisul Wasaaraha Ethiopia Abiy Axmed oo hayay xilka madaxa IGAD.
Xlika Gudoomiyenimada IGAD ayaa waxaa dhawaanahan isku heystay dalalka Djibouti iyo Kenya, oo sidan oo kale isugu qabtay murashaxnimada kursiga Midowga Africa uu ku leeyahay Golaha Amaanka ee Qarmaada Midoobay, oo Markii dambe ururku uu u codeeyay Kenya, in kastoo Djibouti ay ku dooday in nidaam haboon aan loo marin.
Kullankan ayaa ahaa kii ugu horeeyay ee shir madaxeedka caadiga ah ee wadamada IGAD ay yeeshaan muddo 10 sanadood ah.