Xiisadda u dhaxaysa waddamada Tanzania iyo Kenya ayaa cirka isku shareertay ka dib markii dhowaan Tanzania bilowday in ay dalkeeda ka tarxiisho qaybo ka mid ah bulshada Kenya ee halkaas ku sugan halka qaar kalena loo diiday in ay dalkaas soo galaan.
Dadweynaha Kenya oo ka cadhooday tallaabooyinka kaga yimi Tanzania ayaa baraha bulshada ku baahiyey sawirro ay ka sameeyeen madaxweyne Saamiya Suluhu kuwaas oo ay ku aflagaadaynayaan.
Dawladda Tanzania ayaa dhiggeeda Nairobi ka dalbatay in ay joojiso hadallada Xanafta leh ee baraha bulshada lagu baahinayo ee ka dhanka ah madaxweynaha dalka Tanzania Saamiya Suluhu.
Madaxweynaha dalka Kenya William Ruto oo maanta hadlay ayaa sheegay in uu raalli gelin ka bixinayo aflagaadada ay dhallinyaradiisa Tanzania loo diiday ay u geysanayaan madaxweyne Saamiya Suluhu isaga oo ka digay farriimaha cayda iyo nacaybka ah ee dadkiisu ku hayaan waddanka la jaarka ah ee Tanzania.
Dara Salaam dhowaan waxay joojisay adeegsiga lacagta Kenya ee gudaha Tanzania lagu istcimaali jirey iyada oo dalkeedana ka mamnuucday dadka u dhashay Kenya taas oo bulshada Kenya ay si weyn uga cadhootay
IDILNEWS