Duqa Degmada Gaalkacyo Maxamed Cabdirisaaq Dacad, oo ay wehlinayaan Xildhibaanada Golaha Deegaanka iyo Guddiga Ganacsatada Suuqa, ayaa maanta si wadajir ah u dhagax dhigay mashruuc horumarineed oo ka kooban 5-Waddo oo muhiim ah oo ku yaalla Suuqa Xeero Dayax.
Wadooyinkan oo cabirkoodu yahay 755-Mitir, marka laysku daro, ayaa ah kuwo si weyn muhiim ugu ah isu socodka bulshada iyo ganacsiga Magaalada maadaama ay ku yaalaan goobo ganacsi.
Hirgelinta Wadooyinkan,ayaa qayb ak qorshaha isku-tashiga horumarinta bulshada iyo Dowladda ee ay Dowladda Hoose ee Degmada Galkacyo Gacanta ku hayso, waxaana si dhow uga qeyb qaadanaya Ganacsatada Magaalada.
Dhanka kale,waxaa si habsami leh usocda dhigida marmarka Hareeraha Laamiga Bartamaha Magaalada Galkacyo,iyadoo xataa Habeenimada la Shaqaynayo.
Galkacyo,waxay umuuqataa in ay heshay Duq Magaalo oo ay dhab ka tahay horumarinta Magaalada.
