Xildhibaan Sareedo Mohamed Abdalla ayaa ku guuleysatay doorashada ku celiska aheyd ee kursiga Hop154, kaddib markii ay u tanaasushay Nasteexo Maxamed Yuusuf oo ku Tartamaya kursigan, waxaan qaab gacan taag ah ku ansixiyay ergada doorashada kursigan.
Guddiga Hirgelinta doorashooyinka Heer Federal ayaa hore u go’aamiyey in dib loogu noqdo doorashada kursigan, iyaga oo sheegay in habraacii loo maray aanu waafaqsaneyn heshiiska doorashada, wuxuuna ka mid ah saddex kursi oo laga soo doortay Koofur Galbeed oo dib loo celiyay, inkasta oo toddobaadkii hore ay FEIT fasaxday laba mid ah kuraastaas.
Xildhibaan Sareedo iyo maamulka Koofur Galbeed ayaa marii hore diiday in doorashada kursigan loo maray hannaan baal marsan habraaca doorashada, iyadoo Sareedo ay sheegtay in musharraxii la tartamay uu buuxiyay shuruudaha doorashada.