Waxaa gabagabo maraya Mashruuca horumarinta korontada ee SESRP, oo ka socda caasimadda Dowladda Puntland ee Garoowe.
Mashruucan oo uu maalgelinayo Bangiga Adduunka ayaa magaalada Garoowe ka hirgelinaya 10 MWp oo solar ah iyo 20 MWh oo kayd koronto ah, kuwaas oo si weyn u xoojin doona adeegga korontada. Waxaana fulinaya shirkadaha Asunim Renewable Energy iyo Renewvia Energy Africa.
Inta badan shaqooyinka hirgelinta mashruuca ayaa lasoo dhameeyay, iyadoo inta harsan in lagu soo dhameystiri doono waqtiga loo qorsheeyay, si Garoowe u noqoto magaalo hesho adeeg koronto oo ku filan, raqiisna ah.
Duqa caasimadda Garoowe iyo xubno kamid Gollaha deegaanka ayaa kormeey goobta uu ka socdo mashruuca Solar dhigista, waxaana ay ballanqaadeen taageerada iyo fududeynta hirgelinta mashruucan muhiimka ah, si uu wax uga beddelo nolosha muwaadiniinta ku nool caasimadda.
IDILNEWS