Maleeshiyaad hubeysan ayaa qabsaday degmada Marka ee gobolka Shabeellaha hoose, kuwaas oo kasoo horjeeda maamulka Aadan Madoobe hoggaaminayo ee Koonfur Galbeed.
Dableyda oo kasoo jeeda Beesha Biyo-maal oo degta Marka iyo deegaano hoostaga, ayaa sheegaya in taabacsan yihiin maamul dhowaan looga dhawaaqay deegaanka, kaas oo lagu magacaabo Koonfur-Bari.
Boqollaal shacab ah ayaa isugu soo baxay magaalada Marka, kuwaas oo taageersan maleeshiyaadka qabsaday Marka, oo hada gacanta ku haya xarunta maamulka degmada, saldhiga Booliska iyo goobo kale oo Marka ku yaal.
Magaalada Marka ayaa ah magaalo xasaasi ah, waxaana kusoo noqnoqda dagaalo siyaasadeed, xilli dhowaan maamulka waqtigiisu dhammaaday ee Xassan Shiikh lagu eedeeyay in uu doonayo in colaad uu ka abuuro deegaanka, isagoo hubeynaya mid kamid ah beelaha ku dagaalamaya Marka.
IDILNEWS