Maraykanku,wuxuu soo rogay cunaqabatayn cusub oo ka dhan ah dhaqaalaha Iran.
Waa dagaal kale oo ku socda Iran marka laga soo tago kan Milleteriga ah.
Horay,ayay usaarnayd Iran cunaqabatayn adag oo sababtay in Lacagta Dalkaas dhulka gasho,qiimaha Cuntadu cirka isku shareerto oo kala bar Dadka reer Iran ay ku noolaadaan heer ka hooseeya heerka lagu tilmaamo fakhriga.
Haatan cunaqabatayntan cusub,waxaa bartilmaameedkeedu yahay Saliida oo ah Isha kaliya ee dhaqaale ee ay haystaan Wadaada Iran.
Dagaalkan cusub ee dhaqaale,wuxuu Maraykanku ku wajahayaa Laba dhinac oo kala ah…..
- Shirkadaha,Maraakiibta iyo hay’adaha ganacsi ee Iran.
- Wadamada xiriirka ganacsi la leh Iran.
Shan Wadan,ayuu kala dhaxeeyaa Iran iskaashi ganacsi,kuwaasoo kala ah….
1.Turky.
2.Iraq.
3.UAE..
4.Oman.
5.Shiinaha.
Maraykanku,wuxuu usoo jeediyay in ay joojiyaan xiriirka ganacsi ee ay la leeyihiin Iran,lkn wakhti kama danbays ah ma siin.
Durba Shiinaha,ayaa ka hor yimid cunaqabataynta dhaqaale ee Maraykanka.
Iran,waxay ku hanjabtay Wadankii qayb ka noqda dagaalka dhaqaale ika dhanka ah in ay u aqoonsanayso cadow oo danihiisa bartilmaameedsanayso.
Waxaa Isha lagu hayaa sida ugu guulaysan karo Maraykanku dagaalkan cusub ee dhaqaale .