Xaalad kacsan ayaa ka jirta Magaalada Ceerigaabo ee xarunta Gobalka Sanaag, kaddib dagaalo saacadihii lasoo dhaafay ka dhacayay qeybo kamid degaanada hoos-taga Ceergaabo.
Ciidamo katirsan Maamulka Somaliland ayaa lasoo dhoobay Magaalada, Iyadoona gudaha Magaalada lagu arkayo Gaadiid dagaal oo lagu xiray waddooyinka muhiimka ah.
Dadka Degaanka ayaa sheegaya inay ka cabsi qabaan dagaal ka dhaca Magaalada, kaas oo u dhexeeya Ciidanka Somaliland iyo Jabhadda Col. Caare oo ku sugan duleedka Magaalada.