Bismillah,
Madaxweynihii hore ee Mareykanka ayaa maanta sumcad xumo, fashil iyo karaahiyo kala baxay Aqalka Cad. Donald Trump wuxuu hormuud u ahaa madaxda aan isku kalsooneyn ee cuqdadeysan ee sanadihii lasoo dhaafay dunida kusoo batay.
Muddo xileedkiisii dastuuriga wuxuu ku dhammeystay:
- Duridda natiijada doorashadii uu isagu ku guuleystay
- Ceebeynta iyo aflagaaddeynta madaxdii ka horreysay
- Kicinta iyo kala qeybinta shacabkiisa
- Soo dhaweysiga cadowga taariikhiga ah ee dalkiisa (Ruushka) iyo fogeynta saaxiibbada soo jireenka ahee (Yurub)
- Xil u dhiibidda dadka inta ugu aqoonta iyo kartida liidata
- La dagaallanka cadow aan muuqan oo uu isagu ku riyooday
- Isku koolleynta kursiga iyo diidmada doorasho xor & xalaal ah
Madaxda ku dhaqanka ah Trump ee fowdada ka wada dalal badan waxaa u dambeysa khaatumo xumadiisa oo kale. Waa la doogiye yaan la dacareysan.
Wabillahi towfiiq,
Abdi Aynte.