Hogaamiyaha Xisbiga Ucid ee Somaliland Faysal Cali Waraabe,ayaa ku hanjabay in ay ku dhawaaqi doonaan maamul gaar ah. “Hadaan dhisano maamul gaar ah halkee,syuu xukumayaa Muuse Biixi”Ayuu yiri Muuse. Hadalka Faysal,waxuu jawaab uyahay hadsl kasoo yeeray Madaxweyne Muuse Biixi oo uu ku sheegay in Xisbiyada geli doona Doorashada Madaxweyne ay noqon doonaan kuwa kusoo baxa tartanka Ururada ee la furay. Halkan ka daawo muuqaalka
Author: Jibril Qoobey.
Hadalka Ruushka uu sida dadban ugu goodinayo Dowladaha Xubnaha ka ah Dowlada Fadaraalka waa mid lagu qoslo. Raashiya wax saamayn ah oo ay Siyaasada,dhaqaalaha iyo Amniga Somaliya ku leedahay xiligan majirto. Hadalka kasoo baxay Ergayga Ruushka ee Qaramada Midoobey waa mid uu uga dan leeyahay Laba ujeedo oo kala ah.. 1.Isku dhererinta uusan awoodin ee uu kula jiro Maraykanka. 2.In uu helo Daaqad uu kasoo galo Somaliya. Puntland iyo Jubaland ma hor taagna socodsiinta Fadaraalka,taa badalkeeda,iyagaa la oran karaa waa utaagan yihiin ilaalintiisa. Si gaar ah Puntland waa hooyada Fadaraalka hadana bilowday daadajinta nidaamka si Dimuqraadiya. Danjiraha Ruushka hadalkiisu,waxuu udhignaa…
Muranka iyo isqabqabsiga ka dhex taagan hay’ada Sirdoonka Puntland waa mid ku salaysan dhaqaale. Shaqo iskuma hayaan kumana murmaan dayac dhacay iyo xil gudasho la’aan masuuliyadeed. Agaasimaha hay’ada waxuu xilalkii ka qaaday ku xigeenkii iyo dhawr Madax Waaxeed kadibna Nayrobi,ayuu u aaday nasashadiisii Bilaha ahayd. Hay’ada Sirdoonka Dowladu waxay ku maalgelisaa Sanadkii dhaqaale ku dhow Hal Milyan Dolar. Sidoo kale,waxaa jira dhaqaale ka yimaada mid ka mid ah Dowladaha Puntland taageera. Haatan isqabqabsiga cusub,waxaa dhaliyay Miisaaniyad xoog leh oo ka imaanaysa Maraykanka. Madaxtooyadu way la socotaa faashilka ka taagan hay’ada isbadal laga filayayna,waxuu umuuqdaa in aysan ku dhiiranayn. Waxaa si…
Guddiga Canada u qaabilsan sii deynta maxaabiista ayaa dib u eegis ku samayn doona go’aan xabsiga looga sii daayay mid kamid ah ragga la tuhunsan yahay inay ka dambeeyeen weerarkii toorida loo adeegsaday ee ka dhacay gobolka Saskatchewan. Warqadaha lagu sii daayay Myles Sanderson oo 32 jir ah ayaa muujinaya in horay uu u galay dembiyo, isla markaana 59 jeer ay maxkamado ku heleen dacwooyin loo jeediyay. Waxaa xabsiga laga sii daayay bishii February isagoo gudanayay xukun afar sano ah. “Waxaan rabaa inaan ogaado sababaha lagu saleeyay go’aanka lagu sii daayay ninkaas. Aad baan uga walaacsanahay waxa halkan ka dhacay,”…
Madaxweynaha la doortay ee Kenya William Ruto,ayaa Soomaaliya ku tilmaamay dal ay ka jiraan caqabado ay adag tahay in wax laga qabto. Mar uu shalay la hadlayay barnaamijka Amanpour ee CNN ayuu xusay in caqabadahaas ay Somaliya wajaheyso ay ku jiraan arrimo amni oo soo jireen ah, haddana ay macaluul ku soo fool leedahay. “Caqabadda Somaliya waa mid ay adag tahay in la maareeyo, la fahmo ama wax laga qabto,” ayuu yiri Ruto oo sheegay in uu horay ula soo shaqeeyay Madaxweynaha cusub ee Soomaaliya Xasan Sheekh Maxamuud. “Waxaan ku rajo weynahay inaan la shaqeyno Madaxweyaha Somaliya iyo beesha caalamka…
Siyaasadii Dowlada Abiy meel aan la maarayn karin ayay gaartay markii lagu qiimeeyo jahwareerka ka muuqda. Dowlada Abiy waxay Somaliya si cad ugu eedaysay in ay TPLF taageerto. Markale Dowlada Abiy waxay raali gelin siisay Dowlada Somaliya markii warkii la xumaaday oo gudo iyo dibad culays kasoo fuulay. Sidoo kale Ururkii ONLF ee xoraynta Ogaden oo si iskiis ah Nabada uqaatay hadii cid lagu abaalmarinayo la dagaalanka TPLF ay iyagu noqon lahaayeen kuwa lagu abaalmariyo,ayay si cad ugu dhaleecaysay in ay wada shaqayn la leeyihiin TPLF ,Onog iyo Alshabaab. Ururka ONLF,ayaa si xooggan u beeniyey warka lagu baahiyey warbahainta taageerta…
Wargeyska Washington Post,ayaa daabacay in waraaqihii ay FBI-du ka soo qaaday guriga Madaxweynihii hore ee Trump inay ku jireen qaar ka hadlaya macluumaad sir ah oo ku saabsan awoodda difaaca ee dal kale, oo ay ku jiraan hubka nukliyeerka ee uu haysto. Washington Post ayaa sheegtay inay warbixinta ay daabacday ay ku salaysay macluumaad ay ka heshay saraakiil u dhuul daloola arrintan, hase ahaatee wargeysku muu magcaabin dawladda shisheeye ee ku xusan waraaqaha sirta ah ee laga soo qaaday guriga madaxweynaha hore ee Trump. Warbixinta wargeyska ayaa sidoo kale lagu sheegay in qaar ka mida macluumaadka iyo waraaqaha laga soo…
Kulankii Maanta ee wada xaajoodka Maaliyada Dowlada Fadaraalka iyo Dowladaha Xubnaha ka ah,waxuu kusoo gabagaboobay isfahan waa. Laba maalmood oo dheeriya,ayaa lagu daray mudadii Shirka loogu talagalay. Faraqa hada udhaxeeya waa Lacag 10-Milyan ah oo dhanka Dowlad Goboleedyadu leeyihiin Anaga hana soo raacdo. Inkastoo Wasiirka Maaliyada Fadaraalku dadaal muujiyayay hadana maleh go’aan Siyaasadeed oo uu kaligii gaari karo,waxuuna wax walba kula laabanayaa Madaxweyne Xasan. Jibril Qoobey.
Madaxweynaha Soomaaliya Xasan Sheekh Maxamuud ayaa sheegay in, isaga oo tixraacaya soo-jeedinta Wasaaradda Arrimaha Gudaha, Federaalka iyo Dib u Heshiisiinta, uu u magacaabay Mudane Yuusuf Xuseen Jimcaale inuu noqdo Guddoomiyaha Gobolka Banaadir iyo Duqa Caasimadda Muqdisho. “Madaxweynaha ayaa ku saleeyey magacaabistan aqoonta iyo waayo-aragnimada shaqo ee uu leeyahay Guddoomiye Yuusuf Xuseen Jimcaale oo horey xilkan u soo qabtay, door wanaagsanna ka soo qaatay dib u dhiska caasimadda Muqdisho iyo guud ahaan horumarka Gobolka Banaadir,” ayaa lagu yiri qoraal kasoo baxay madaxtooyada. Madaxweyne Xasan Sheekh ayaa kula dardaarmay Guddoomiye Yuusuf Jimcaale in uu mudnaan siiyo qorshaha xasilinta iyo amniga caasimadda, dib…
Madaxweynaha Dowladda Puntland Siciid Cabdullaahi Deni, ayaa maanta xilka u kala wareejiyay Taliyaha cusub ee Ciidanka Difaaca Puntland (Daraawiishta) Jen. Abshir Cabdi Jaamac (Abshir London) iyo Taliyihii hore Jen. Yaasiin Cumar Dheere. Madaxweynaha ayaa boggaadiyay sida wanaagsan ee Ciidanka geesiyaasha ah ee Puntland, gaar ahaan Ciidanka Difaaca ee Daraawiishta ay u gutaan waajibaadkooda isagoo uga mahadceliyay Taliyaha xilka wareejiyay maanta Jen.Yaasiin Cumar Dheere sida uu u gutay shaqada intuu xilka hayey, gaar ahaan doorkiisii ku aadana qorshihii dib-u-habeynta ee Ciidanka lagu sameeyay. Ciidanka difaaca Puntland ee Daraawiishta oo ah Ciidankii ugu horeeyay ee Puntland lagu aasaasay, ayaa saddexdii sanno ee…
Hundreds of children have died in nutrition centres across Somalia, the U.N. children’s agency (UNICEF) said on Tuesday, a day after the global body warned that parts of the country will be hit by famine in coming months. An official in one Somali region described famished people walking long distances with children on their shoulders to escape from drought and violence inflicted by Al Shabaab militants. Some children died along the way. The Horn of Africa region is facing a fifth consecutive failed rainy season. A 2011 famine in Somalia claimed more than a quarter of a million lives, most…
Canadian police searched into a fourth day on Wednesday for the remaining suspect in a stabbing spree in which 10 people were killed in and around an indigenous community, rattling a country unaccustomed to acts of mass violence. Myles Sanderson, 30, whose brother and accused accomplice was himself found slain a day after Sunday’s attacks in Saskatchewan province, was briefly believed to have resurfaced on Tuesday in the vicinity of the rampage, about 320 km (200 miles) north of the provincial capital of Regina.
Madaxweynaha dhawaan la doortay ee Kenya, William Ruto, ayaa sheegay inuu wada hadal dhanka taleefoonka ah la yeeshay Madaxweynaha xilka kasii degaya, Uhuru Kenyatta, kaasoo la xiriira xiliga kala guurka. William Ruto, ayaa sheegay inay ka wada hadleen doorashadii dhawaan lasoo gaba gabeeyay, iyo isbadalkii dimuqraadiyada ee ka dhacay dalka Kenya. Kenyatta, oo taageeray murashaxa la tartamayay Ruto ee Raila Odinga, ayaan la hadlin madaxweynaha cusub ee la doortay, tan iyo markii lagu dhawaaqay inuu ku guuleystay doorashadii guud ee dhacday 9-kii bishii Ogosto ee ina dhaaftay. Wareysi uu siiyay warbaahinta Isniintii, kadib markii Maxkamadda Sare ay xaqiijisay inuu ku…
Barta Twitter-ka, uu ku leeyahay Madaxweynaha Ukraine, Volodymyr Zelensky, ayaa lagu soo qorey fariin ah inuu gargaar dhanka cuntada ah uu u dirayo Somaliya. Marka laga soo tago maraakiibtii hore ee u siday Badarka Afrikaanka, 28,600 oo tan oo sarreen ah, ayaa la keeni doonaa Soomaaliya toddobaadyada soo socda. Madaxweynaha Ukraine,ayaa carabka ku dhuftay in tallaabadani ay qeyb ka tahay dadaalka ay dowladdiisu ugu jirto in Qamadiga lagula tacaalo cunto yarida soo food saartey dunida. Hey’adda Qaramada Midoobay,ayaa saadaalisay in macaluul ay ka dhici doonto dalka Somaliya dhamaadka sanadkan,iyadoo ay ugu wacan tahay dagaalka uu Ruushka iyo Ukraine, oo wiiqay…
Golaha Ammaanka ee Qaramada Midoobay,ayaa maanta kulan xog-wareysi ah oo Al-baabadu u xiran yihiin ka yeelan doonaan Somaliya. Kulankan,ayaa kusoo aaday xilli Somaliya ay ka socdaan dagaallo ka dhan ah Al-shabaab iyo Macluul xoog badan oo la saadaaliinayo. Ergeyga Gaarka ah ee Xoghayaha Guud ee Qaramada Midoobay James Swan, Ku-simaha Ergeyga Gaarka ah ee Midowga Afrika ee Somaliya Fiona Lortan iyo Ergeyga Gaarka ah ee Midowga Yurub u qaabilsan Geeska Afrika Annette Weber,ayaa Golaha warbixin siin doona xaaladda Somaliya.
Toddobaadkan, khabiirka arrimaha bini’aadanimada ee guddiga dib u eegista macluusha ayaa saadaaliyay in qaybo ka mid ah Soomaaliya ay u badan tahay inay ka dhici doonaan macaluul inta u dhaxaysa bilaha Oktoobar iyo Disembar iyada oo aan la qeybin gargaar la taaban karo. “Maraykanku wuxuu aad uga walaacsan yahay saadaashan aan wanaagsaneyn iyo baaxadda baahida guud ee dalka iyo gobolkaba” ayuu yiri la taliyaha Amniga Qaranka Mareykanka Jake Sullivan oo intaas raaciyay “Macluusha iman karta waa natiijada arrimo isbiirsaday. Isbeddelka cimilada ayaa weli kasii socda gobolka oo ay ka jirto abaartii ugu xumayd ee Geeska Afrika ka dhacda muddo 70…
Guddiga KMG Doorashooyinka Puntland ee TPEC,ayaa si habsami leh uwada fariisinta iyo rakibida qalabka diiwaangalinta codbixiyaasha Doorashooyinka Qof iyo codka ah ee Puntland. Agaasimaha waaxda Diiwaangalinta Guddiga Asad Axmed Siciid,ayaa sheegay in Guddigu diyaariyeen qalabkii diiwaangalinta codbixiyaayaasha Doorashooyinka degmooyinka harsan ee Puntland Bulshaduna dhankooda ay udiyaargaroobaan Diiwaangalinta,hoos ka daawo muuqaalka. Halkan ka daawo muuqaalka
Liz Truss ayaa loo magacaabay Ra’iisul Wasaaraha cusub ee Britain taas oo afjareysa labo bilood oo xaalad kala-guur ah ah kadib markii lagu khasbay Boris Johnson in uu xilka ka dego faddeexado dhowr ah dartood. Boqoradda Elizabeth ka codsatay Liz Truss inay soo dhisto dowladd kadib markii ay kulan kula qaadatay gurigeeda ku yaalla Scotland. Waxay xilka la wareegeysaa kadib saameynta ka dhalatay dhaqaale xumada ka taagan Ingiriiska iyo dagaalka Yurub.
Ruushka wuxuu ku khasbanaaday in agab militeri uu kasoo iibsado Kuuriyada Waqooyi kadib cunaqabateynta lagu soo rogay xukuumadda Moscow, sida ay ku warrantay warbaahinta Mareykanka. Sida laga soo xigtay warbixin sirdoon oo ay heshay warbaahinta New York Times, Ruushka wuxuu malaayiin madaafiic ah iyo gantaallo kasoo iibsaday Kuuriyada Waqooyi. Sarkaal Amerikaan ah ayaa sheegay in Ruushka uu ku khasbanaaday in hub uu kasoo iibsado Kuuriyada Waqooyi xilli uu dagaalka socdo dagaalka Ukriane. Waxaa lagu soo warramay in toddobaadkii lasoo dhaafay uu Ruushka dalbaday diyaaradaha Drones-ka ee Iran. Iran iyo Kuuriyada Waqooyi waxay bartilmaameed u noqdeen cunaqabateynta reer galbeedka, waxay xiriir…
Xoghayihii Arrimada Dibadda ee Britain Liz Truss ayaa ku guuleysatey in ay noqoto Ra’iisal Wasaaraha Britain ee Xafiiska kala wareegi doonta Borris Johnson oo bishii July xilkaasi iska casilay kaddib culeys kaga yimi Golihiisii Wasiiradiisa iyo qaar ka mid ah xubnaha Baarlamanka ee xisbiga Conservative-ka. Liz Truss,ayaa xilka qabanaysa xilli adag oo uu socdo dagaalka Ukraine oo saameyn weyn ku yeeshay caalamka, gaar ahaan Yurub, qiimaha maciishada iyo shiidaalka oo kacay iyo sicir-bararka oo halkii ugu sarreysay muddo Afartan sano ah ka gaaray Britain. Halkan ka daawo muuqaalka
Fadhigii Golaha Wakiilada Somaliland ee maanta ayay mudanayaashu ku ansixiyeen Saddexdii xubnood ee ka dhinaa Gudidda dooraashooyinka,iyadoo haatan ay dhamaystiran yihiin xubnihii Gudidda Doorashadu. Halkan ka daawo muuqaalka
Ugu yaraan hal Qof ayaa ku dhintay sagaal kalena way ku dhaawacmeen qarax maanta ka dhacay magaalada Baraawe ee maamul goboleedka Koonfur Galbeed. Dadka degaanka ayaa u sheegay idaacadda VOA in qaraxu uu ka dhashay miino la dhigay goob shaaha laga cabo. Ilaa hadda cidi ma sheegan mas’uuliyadda weerarka, hase yeeshee inta badan weearrada noocan ah ee ka dhacay Soomaaliya waxaa sheegta ururka Al-Shabaab.
Iran waxay suuqyada soo gelin doontaa Shidaal gaaraya Hal Milyan oo Fuusto ay soo galin doonto Suuqyada caalamka, haddii is-afgarad laga gaaro wadahadalka ay kula jirto wadamada Galbeedka. Iran ayaa la filayaa inay suuqa soo geliso illaa $1 Million oo foosto maalintii, ama 1% oo ka mida baahida shidaalka ee dunida, haddii laga qaado cunaqabataynta saaran. Markii uu soo baxay warka sheegaya wada hadalka Iran iyo reer Galbeedka,waxaa hoos udhacay qiimaha Shidaalka caalamka. Bishii June qiimaha Shidaalka,waxuu gaarayay 120-dolar halka uu hada hoos ugu dhacay 95- dolar. Dalalka soo saara Shidaalka iyo xulufada Ruushka,ayaa ku heshiiyay in ay dhimaan wax…
Al-Shabaab,ayaa loo maleynayaa inay adeegsanayno teknoolajiyad casri ah oo ay ku jiraan diyaaradaha aan duuliyaha lahayn si ay ugu fududeeyaan fulinta weerarrada, sida uu sheegay La-taliyaha sare ee Arrimaha Gaarka ah ee Siyaasadda ee Ergada Mareykanka ee Qarmaada Midoobey, Danjire Jeffrey DeLaurentis. Danjiraha ayaa xusay in weerarrada marka laga yimaado uu agabkaas ka caawiyo kooxaha argagixisada ah soo ururinta xogta sirta ah iyo dhinaca dacaayadda. Hadalka ayuu mas’uulkaas ka jeediyay kulanka Arria oo looga arrinsanayay halista joogtada ah ee falalka argagixisannimo ee xudduudaha isaga gudba, waxaana isagoo qoraal ah lagu daabacay bogga safaaradda Mareykanka ee Qaramada Midoobay. Kulankaas wuxuu ahaa…
Dawlada Sudan waxay amartay in la xiro Xeryihii ay ku jireen Qaxootiga Tigreega ee Hamdhaay. Sudan waxay sabab uga dhigtay xiritaanka Xeryaha Qaxootiga soo gelitaanka dagaalka ay kusoo biireen Ciidamada Ereteriya. Labadii maalmood ee udanbeeyay,waxaa dagaal xoog leh ka socday nawaaxiga Magaaloiyinka Dhima iyo Udhima. Deegaanka Amxaarada” Magaalada Dessei ee Deegaanka Amxaarada waxa laga fuliyey Xalay ilaa Maanta 7-da Dil oo qorsheysan,waxaana ka mida dadka la dilay Duqii Magaalada Dessie. Shacabka Magaalada Warqe waxay soo sheegeen in Ciidamo fara badan oo Tigree ah ay isku arursanayaan,iyagoo koox koox kusoo galay gudaha Magaalada. Ciidamada Tigreega,ayaa gudbay furimaha dagaalka ee Alamata iyo…
Madaxweynaha Fadaraalka Xasan Shiikh Maxamuud,waxuu usocdaalaya Sacuudiga Beri foog ama Saadanbe midkood. Horay,waxay ii xaqiijiyeen Saraakiil ka tirsan Villa Somaliya in 6-da Bisha oo Beri ku beegan uu bixi doono Madaxweynuhu,balse warkale,ayaa caawa sheegaya in uu 7-da bisha dib udhacay. Socdaalkiisa Boqortooyada Sacuudiga,ayaa ku salaysan laba Qodob oo kala ah… 1.Dhaqaale Sacuudigu uu ku taageerayo Somaliya oo lagu soo wareejin doono Madaxweynaha. 2.Dowlada Somaliya oo codsan doonta in loo qabto Shirweyne Carbeed oo dhaqaale Somaliya loogu ururinayo. Boqortooyada Sacuudigu waxay ka mid tahay Dowladaha Lacagaha Cadaanka ah si toosa ugu gacangaliya Madaxda Somalida ee markaas kursiga fadhida. Jibril Qoobey.
Shirka Dowladda Dhexe iyo Dowlad Goboleedyada,ayaa lagu balamay in Muqdisho lagu qabto 11 September, 2022. Ajendaha ay kawada hadli doonaan,ayaa noqonaya:- Dagaalka ShabaabQeybsiga Deeqaha caalamiga ahXoojinta xiriirka labada heer Dowladeed ee Soomaliya. Gobolka Banaadir,ayaa laga reebay in uu ka qeyb galo Shirkaas. Isku soo dhawaansho iyo isfahan,ayaa dhexmaray Madaxda Dowlad Goboleedyada iyo Madaxweynaha Fadaraalka tagidii Garowe kadib. Jibril Qoobey.
Madaxweynaha xilka kasii dagaya ee Kenya Uhuru Kenyatta ayaa sheegay inay ka go’an tahay in si habsami leh ay u dhacdo xil-wareejinta awoodda madaxweynaha, kadib khudbad lasoo duubay oo uu u jeediyay shacabka Kenya, isaga oo ugu baaqay in go’aankii maxkamadda la xushmeeyo. Kenyatta, wuu ka fogaaday in uu in magaca madaxweynaha la doortay William Ruto uu ku xuso khudbadiisa, balse waxa uu sheegay in uu wanaag u rajaynayo ‘dhammaan kuwii guulaystay.’ “Xilka madaxweynaha marki la ii dhaariyay, waxaan ballan ku qaaday in aan ilaaliyo sharciga iyo go’aannada kasoo baxa garsoorka wax kasta oo khuseeya dowladnimadeenna” ayuu yiri Kenyatta. Kenyatta…
Liz Truss ayaa noqon doonta ra’iisal wasaaraha cusub ee UK, kadib markii ay ku guulaysatay codbixinta xisbigeeda Conservative-ka. Waxa ay xilka kala wareegi doontaa Boris Johnson. Haddaba waa tuma Liz Truss? Mary Elizabeth Truss waa 47 jir ku dhalatay Oxford, isla markaana wax ku baratay jaamacadda Oxford. Waxay u dhaxdaa xisaabiye Hugh O’Leary, waxaana u jooga laba hablood. Markii ay todobo jir ahayd, Liz Truss ayaa doorasho jilitaan ah oo ka dhacday iskuulkeeda ku matalaysay haweeneydii hoggaamin jirtay Britain ee Margaret Thatcher. Aabaheeda waxa uu ahaa macallin jaamacadeed oo dhigga maadaada xisaabta, halka hooyadeed ay ahayd kalkaaliso caafimaad. Liz Truss…
Liz Truss ayaa noqotay doonta ra’iisul wasaarihii 56-aad ee UK kadib markii ay ka guuleysatay Rishi Sunak, tartanka hoggaanka Tory-ga 81,326 oo xubnaha xisbiga ah ayaa u codeeyay. Liz Truss waa ra’iisul wasaarihii 56-aad ee Britain iyo ra’iisul wasaarihii saddexaad ee dumar ah ee hogaamisa dalka. Ra’iisul wasaarayaashii hore ee dumar ahaa Margaret Thatcher iyo Theresa May, ayaa sidoo kale ka tirsanaa xisbiga Conservative Party. Raisulwasaaraha cusub, ayaa la filayaa inay si degdeg ah ugu dhawaaqdo kabid- taageero ah oo lagula tacaalayo biilasha tamarta ee sii kordhaya. (Energy bills) UK, waxaa ka taagan dhibaato nololeed ee nolosha qaaliga ka dhigay…
Maxkamadda Sare ee Kenya,ayaa taageertay natiijada doorashadii uu ku dhawaaqay guddiga doorashada Kenya, taas oo ay ku sheegeen in William Ruto ku guuleystay doorashada madaxweynaha Kenya. Maxkamadda ayaa diiday dooddii Ra;isul Wasaarihii hore ee Kenya Raila Odinga oo uu ku eedeeyay in Ruto ku shubtay doorashadii dhacday 9-kii Ogosto. “Tani waa go’aan loo dhan yahay. Codsiyadii kale waa la laalay, taas awgeed waxaan ku dhawaaqeynaa jawaab-celin in Ruto yahaymadaxweynaha la doortay,” ayay tiri guddoomiyaha maxkamadda sare Martha Koome. AFP.
Wararka ka imaanaya dalka Canada ayaa sheegaya in gobolka Saskatchewan ay ka dhaceen laba weerar oo loo adeegsaday toorray ama mindi, waxaana dhintay illaa 10 qof halka ay ku dhaawacmeen 15 qof oo kale, sida ay baahisay wakaaladda wararka ee AP. Laamaha ammaanka ayaa sheegay inay baadigoobayaan laba qof oo loo tuhunsan yahay inay fuliyeen weeraradan. Rhonda Blackmore, oo ah Kaaliyaha Guddoomiyaha gobolka Saskatchewan, ayaa sheegtay in dhibanayaasha qaarkood ay u muuqdaan inay ahaayeen bartilmaameed si gaara loo beegsaday halka qaarkalena loo weeraray si aan kala sooc lahayn. Waxay sheegtay inay jiraan 13 goobood oo faldembiyeedkani ka dhacay oo laga…
Deegaanka Somalida ee Itoobiya,waxaa ka taagan xaalad kacsanaan ah. Magaalada Dirirdhabe,waxaa ka dhacay Banaanbaxyo looga soo horjeedo Madaxweyne Mustafe. Talye xigeenka Booliska Dirirdhabe oo Amxaar ah,ayaa xirxiray tiro Dhalinyaro Somali ah oo Mudaaharaadka qayb ka ahaa,waxaana lagu shaabadeeyay in TPLF soo abaabushay. Talye xigeenka Booliska Diridhabe iyo M.Mustafe waxay wada dhigan jireen Iskuulkii Harar oo waa macrifo. Magaalada Ayshica ee Gobolka siti oo ah Degmada ay hoostago mid ka mid ah Marinada ugu weyn Itoobiya ee Danwale oo ay wax ka soo galaan dhanka Xadka Jabuti,waxaa ka dhacay banaanbax weyn oo looga soo horjeedo Xukuumada Mustafe Cagjar. Banaanbaxayaasha,ayaa laga cabsi…
Ciidamo gaaraya 800 oo qayb ka ahaa kuwii ujoogay Sudan Nabad ilaalinta Sinji ahaana kasoo jeeda Tigree,ayaa kusoo biiray dagaalka,waxayna kasoo galeen dhanka Xeryaha Qaxootiga ee gudaha Sudan. Furimaha dagaalka ee Humera oo ilaa Shalay uu ka socday dagaal laysku riiqmay,ayaa kusoo biirista Ciidankan oo Galabta soo talaabay ay wax ka badashay. Caawa 7-dii fiidnimo ayay Humera waxay gashay Gacanta Ciidamada Tigreega oo Labadii maalmood ee udanbeeyay laga Gacan sareeyay. Ciidamada Tigreega,ayaa ku qabsaday halkaas Kayd fara badan oo Saad ay lahaayeen Ciidanka Mileteriga Itoobiya ah. Shacabka Amxaarada iyo xagjirka dhalinyarada Faano,ayaa kusii qulqulaya furimaha Xuduuda Sudan ee Humara. Sidoo…
Halkan ka daawo muuqaalka
Maxkamada sare ee dalka Kenya,ayaa berri oo Isniin ah go’aan ka gaari doonta in ay taageerto ama ay laasho natiijada lagu muransan yahay ee doorashadii madaxweynaha ee bishii hore ka dhacday dalkaasi, waxaana xukunkaas si weyn looga sugayaa maxkamadda dal ay hore uga dhaceen rabshado la xiriira doorashada madaxweynaha. Maxkamaddan oo ka kooban 7-Garsoore,ayaa go’aankeeda soo saari doonta kadib saddex maalmood oo dood afka ah todobaadkii hore ay iskaga horyimaadeen qareennada u doodaya William Ruto iyo Ra’ila Odinga iyo kuwa kale oo difaacayay guddiga doorashada. Hoggaamiyaha mucaaradka Raila Odinga, oo u tartamay doorashadiisii shanaad ee madaxweynaha Kenya, ayaa sheegay in…
Guddoomiyaha Guddiga Midowga Afrika Moussa Faki Mahamat ayaa Danjire Mohammed El-Amine Souef, oo u dhashay Comoros u magacaabay ergaygiisa gaarka ah ee Soomaaliya iyo madaxa howlgalka KMG ah ee Midowga Afrika ee Soomaaliya ee (ATMIS). Wixii ka horreeyay magacaabistiisan, wuxuu Ambassador Souef ahaa Madaxa Xafiiska Gobolka Gao ee Hawlgalka Xasilinta Isku-dhafka ee Qaramada Midoobay ee Mali (MINUSMA). Wasiirkii hore ee Arrimaha Dibadda iyo Iskaashiga Caalamiga ee Comoros, Danjire Souef ayaa sidoo kale soo noqday Madaxa Xafiiska Gobolka ee Howlgalka Isku-dhafka ah ee Midowga Afrika iyo Qaramada Midoobay ee Darfur (UNAMID). “Isaga oo gudanaya waajibaadkiisa, Danjire Souef wuxuu sii wadi doonaa…
Hadal jeedinta Madaxweynaha Dowladda Puntland Mudane Siciid Cabdullaahi Deni, oo caawa goobjoog ka noqday Doorashada Golaha Deegaanka degmada Eyl ee gobolka Nugaal, taasi oo ka mid ahayd sadexdii degmo ee Puntland ka qobsoontay doorashadii Goleyaasha deegaanka ee hal qof iyo hal cod. Halkan ka daawo muuqaalka
Howlgalka Midowga Afrika ee Soomaaliya (ATMIS) ayaa si kulul u cambaareeyay weerarkii Al Shabaab ku laayeen dad shacab ah oo ku safrayay inta u dhaxeysa Baledweyne iyo Maxaas, sidoo kale ku gubeen Gaadiid Raashin iyo sahay kale siday. Qoraal kasoo baxay ATMIS,ayaa lagu sheegay in ay ka xun yihiin dhibaatada Al Shabaab u geesteen shacabka, waxa ayna cadeeyeen in ay ka qeyb qaadanayaan howlgalada ka dhanka ah kooxdaasi ee dalka qeybo kamid ah ka bilowday. “ATMIS waxa ay u tacsiyeynayaa qoysaska dadkii la dilay, walina waxaa ka go’an in ay la shaqeeyaan ciidamada ammaanka Soomaaliya si loo helo nabad iyo…
Eyl: 03, September 2022: Madaxweynaha Dowladda Puntland Mudane Siciid Cabdullahi Deni, ayaa caawa goobjoog ka noqday Doorashada Golaha Deegaanka degmada Eyl ee gobolka Nugaal, taasi oo ka mid ahayd sadexdii degmo ee Puntland ka qobsoontay doorashadii Goleyaasha deegaanka ee hal qof iyo hal cod. Golaha deegaanka degmada Eyl oo shacabku kusoo doortay codkooda ayaa caawa iska dhex-doortay Guddoomiye iyo Guddoomiye Ku-xigeen , iyagoona Guddoomiyaha degmada Eyl u doortay Faysal Khaliif Wacays oo helay 26cod, halka ay Guddoomiye Ku-xigeen u doorteen Cabdirisaaq Kilwe Yusuf oo isna helay 15cod, doorashada ayaa kusoo dhammaatay si guul ah oo taariikhiya. Madaxweynaha Dowladda Puntland Mudane…
Dagaal Adag oo laysku adeegsanayo Hubka noocyadiisa kala duwan,ayaa ilaa Shalay ka socda Deegaanka Sakota oo ka tirsan Deegaanka Amxaarada. Sakota waa magaalo istiraatijiya oo dagaalka ku fiican,waana dhul Buuraley ah oo cida qabsataa ugu fadhido muhimad weyn. Sakota waxay xigtaa dhinaca Xadka Tigreegu lawadaago Amxaarada,waxayna isku xirtaa magaalada Lalibala ee taariikhiga ah iyo Tigray. Ciidamada Cirka ee Itoobiya,ayaa dukhaymo kuwada Sakota iyo Deegaanada hoos yimaada. Ciidamada Tigreega oo weeraro isdaba joog ah soo qaaday,ayaa ku qabsaday Deegaanada hoos yimaada Sakota badankooda,waxayna ay ka samaysteen dhufayso ay adag Tahay in looga saaro si fudud. Shalay waxaa Addis ka baxay 146-Bas…
Dhismaha Golaha Deegaanka Degmada Eyl waxay ubadan tahay in uu hirgalo oo la dhamaystiro. Madaxweyne Deni ilaa iyo hada,waxuu ku guulaystay in uu kala furfuro garabyadii caqabada ahaa. Reer Faroole oo muran ka keenay doorashadii ka dhacday Degmada oo hada la sheegayo in uu qanciyay Madaxweynuhu. Ururka Mideeye garabkii Abshir Cumar Huruure oo la sheegayo in uu taageeray qorshaha Dowladu wado. Xubnihii Ururka Kaah ee Degmada uqaabilsanaa waliba Ninkii usharaxnaa Duqa oo Dowladu ku qancisay in uu tanaasulo si loosoo afjaro xifaaltanka Beelaha ee jira. Dhamaystirka Doorashada Degmada Eyl,waxay muhiim utahay dhamaystirka nidaamka Dimuqraadiyada Puntland.
Wadada Garowe-Eyl waa Laba Boqol iyo dheeraad,waxaana Laami ka ah kala bar. Laga bilaabo Dangoronyo- ilaa Eyl,ayaa ubaahan in Laami laga dhigo taasoo dhan 105-Km. Waa markii Afraad oo la dhagax dhigo Wadadaas muhiimka ah,balse Dhagax dhiga Deni in uu ka duwanaan doono ayay ubadan tahay,sababtoo ah sida looga bartay ma fashilmaan Dhagaxdhigyadiisa Wadooyinka. Eyl waa Degmo qadiimiya,qurxoon,Jawi wanaagsan leh ku fiican nasashada oo leh Goobo taariikhiya iyo Xeeb aad Dalxiiska ugu saraysa oo Amni dabiiciya leh. In Wadadeeda la dhiso waxay keenaysaa Dhawr arimood oo kala ah… 1.Masaafada socdaalkeeda oo si weyn usoo gaabata. 2.Magaalada oo hesha Maalgashi shaqo…
Xirmadan Hubka,ayaa waxaa ku jira nidaamka digniinta Raadaarka oo uu ku baxayo kharash dhan 655 malyan oo doolar oo loogu talagalay 60 gantaal oo ah nooca loo yaqaan Harpoon, kuwaas oo awood u leh inay dejiyaan Maraakiibta. Waxaa sidoo kale ka mid ah nidaamka Sidewinder ee ka hortaga Gantaalada inta ay hawada ku jiraan kaas oo ay ku baxayso Lacag dhan 85.6 Milyan oo dolar, sida ay sheegtay Hay’adda Iskaashiga Amniga Difaaca ee Pentagon-ka. Iibka hubka ee Maraykanka ee lagu heshiiyey Jimcihii,ayaa weli u baahan in uu u codeeyo Kongareeska Maraykanka ee aadka u taageersan Taiwan. Safaaradda Shiinaha ee Washington…
Shabaab,ayaa xalay inta u dhaxeysa degmooyinka Maxaas iyo Baledweyne ee gobolka Hiiraan ku weerarey gawaari. Gawaaridan ayaa siday raashin iyo dad Rakaab ah. Alshabaab ayaa dilay inta badan shacabkii saarnaa gawaaridaasi Waxey sidoo kale gubeen raashin loo waday degmada Maxaas ee gobolka Hiiraan. Mid kamid ah Dadka Deegaanka oo la hadlay warbaahinta,ayaa sheegay in weerarka gaadmada ah uu dhacay xalay. Al shabaab oo ka hadlay Dadka lagu laayey Gobolka Hiiraan maanta, iyagoo sheegay in ay halkaasi ku dileen Maleeshiyaad ka tirsan Macawisleeyda. Waxey intaa ku dareen Al Shabaab, in ay sidoo kale gubeen Gawaari ka baxday Magaalada Beledweyne, oo sida…
Dhammaan madaxda Gobollada iyo Degmooyinka dalka Kenya, ayaa laga codsaday inay u diyaar garoobaan xaalad kasta oo ka dhalan karta go’aanka Maxkamadda Sare ee Isniinta lagu dhawaaqayo, taasoo ku beegan 5-ta bishan Sebtember ee aynu ku jirno. Ku xigeenka Booliiska ee dalka Kenya, Edward Mbugua, ayaa warqad u diray madaxda laamaha ammaanka, isagoo ku booriyay iney feejignaadaan, oo ay u diyaar garoobaan amaro la xiriira amniga, iyo sida laga yeelayo go’aanka maxkamada kadib. Warqad ku suntaneyd 1-da bisha Sebtembar, Mbugua, ayaa waxa uu sidoo kale ka codsaday saraakiisha amniga iney nuqullo kamid ah qorshahe hawleedkooda usoo gudbiyaan xarunta adeegga booliiska…
Agaasimaha maamulka ee Shirkadda Shidaalka ee Dalka Nigeria,ayaa Toddobaadkan sheegay in maalin walba dalka Nigeria laga xado shidaal gaadhaya illaa 200,000 oo Foosto, taas oo ay xadaan tuug ku kala fidsan qaybaha kala duwan ee bulshada, hase ahaatee arrintaas ayaa buuqbadan dhalisay. Agaasime Mele Kyari ayaa ku eedeeyey Kiniisadaha iyo Masaajidadu inay ka mid yihiin meelaha lagu qariyo shidaalka la xado, hase ahaatee eeddaas waxaa si weyn u diiday masuuliyiinta kiniisadaha iyo culimada masaajidada. Agaasimaha oo khudbad ka jeediyey shirka toddobaadlaha ah ee ay yeeshaan golaha wasiirada ee ka dhaca xarunta madaxtooyada ayuu ku sheegay in mid ka mida goobaha…
41-Arday,ayaa Sanadkan Qardho ka Aadaysa Masar,waxayna Deeq Waxbarasho ka heleen Ashar. Ashar Sanad walba waxay siisaa reer Qardho Deeq Waxbarasho oo gaaraysa 25-30 Arday,kuwaasoo gala Jaamacadaha Masar kuliyadahooda kala duwan. Iskuulka Azharu-sharif ee Qardho,waxaa lagu dhigtaa Manhajka Masar,waxuuna hoos tagaa Jaamacada Azhar. Iskuulkaas,waxaa la aas-aasay 1987 tan iyo waagaas sanadkiiba Arday gaaraysa 20 ilaa 30,ayaa loo qaadaa Masar. Halkan ka akhriso:-
Is-rasaaseyn,ayaa ka dhacday garoonka macmalka ah ee Diyaaradaha Magaalada Laascaanood. Labo Maleeshiyo hubaysan oo ay kala wateen Labo Ganacsade oo Qaadka ka Shaqaysta,ayaa isku rasaaseeyay Gudaha garoonka. Isbitaalka Laascaanood,ayaa la gaarsiiyay Dhaawac ka dhashay iska hor imaadkaas. Shaqaaqooyinka Qaadka,ayaa ah kuwo inta badan waxyeela Amniga Guud.
Madaxweynaha Ruushka Vladimir Putin ayaan ka qeyb geli doonin aaska Mikhail Gorbachev, hogaamiyihii ugu dambeeyay ee Midowga Soofiyeeti, sida uu xaqiijiyay Kremlin-ka. Afhayeenkiisa Dmitry Peskov,ayaa sheegay in jadwalka shaqada ee Mr Putin uusan u ogolaan doonin inuu ka soo qeyb galo munaasabadda aaska ee Sabtida. Waxa uu sheegay in hogaamiyaha Ruushka uu salaan sharaf ka qaatay cisbitaalka Moscow ee uu Gorbachev ku dhintay Talaadadii, isagoo 91 jir ah. Isbadalladii Gorbachev,ayaa Gacan ka geysatay soo afjarida dagaalkii qaboobaa, balse waxaa lagu eedeeyaa in Midowga Soofiyeeti uu burburay xilligii uu isaga hogaamiyaha ahaa, taasoo uu Mr Putin ka xumaaday.
Ruushka ayaa xidhay dhuun gaasta dabiiciga ah geysa dalka Jarmalka oo lagu magcaabo Nord Stream 1, isagoo ku sababeeyey xidhitaanka dhuuntan inay la xidhiidho dayartir lagama maarmaan ah oo lagu samaynayo marawaxadaha dhuunta. Ruushka ayaa sheegay in dayactirku uu qaadanayo muddo saddex maalmood ah. Hase ahaatee Maraykanka iyo Yurub ayaa ka horyimi doodda Ruushka, iyaga oo ku eedeeyey madaxweynaha Ruushku inuu “hubaynayo” tamarta. Sannadkii hore Ruushku wuxuu dalalka Yurub u iibgeeyey 40% gaasta dabiiciga ah ee ay u baahan yihiin. Hase ahaatee toddobaadyadii u dambeeyey, Ruushku wuxuu dhimay gaasta uu sii mariyo dhuunta Nord Stream 1 taas oo haatan gaadhsiisa…
Dowladda Itoobiya, ayaa toddobaadkan la gudoonsiiyay shahaado muujinaysa in kayd shidaal oo dhan 7 trillion oo Cubic feet, uu ku jiro gudaha deegaanka Soomaalida ee dalka itoobiya. Warkani ayaa waxaa si weyn ugu riyaaqday dowladda Itoobiya, haddana gaar ahaan ismaamulka gobolka Soomaalida, ee ay ku yaalliin ceelasha shidaalka. Arrintani ayaa waxay dadka qaar soo xusuusineysaa dhibaato ay mashruucaasi kala kulmeen markii uu billowga ahaa, muddo haatan laga joogo 50 sano. Qaar ka mid ah shacabka deegaannada ay ceelasha shidaalka ku yaaliin, ayaa rumeysan in cudurro iyo xaalado amni-darro ay ka dhaxleen helitaanka shidaalka laga helay deegaannadooda. Waxaana in muddo ah…
Ciidamada Itoobiya iyo kuwa Ereteriya,ayaa Khamiistii shalay weerar ku qaaday gobolka Tigreega ee woqooyiga Itoobiya, waxayna bartilmaameedsadeen ciidamada Tigreega, sida uu sheegay afhayeen u hadlay ciidamada Tigreega, inkastoo wakaaladda wararka ee Reuters aysan u suurtagelin in ay si madaxbannaan u xaqiijiso warbixinta. Getachew Reda, oo ah afhayeenka ciidamada Tigrayga, ayaa bartiisa Twitter-ka ku sheegay in labada “ciidan ay subaxnimadii hore ee saaka weerar ballaaran oo afar jiho ah ku qaadeen degaanka Adyabo ee Waqooyi-galbeed ee Tigray!” Afhayeenka dawladda Itoobiya Legesse Tulu, afhayeenka milatariga Kornayl Getnet Adane iyo afhayeenka Ra’iisul Wasaaraha Billene Seyoum iyo Wasiirka Warfaafinta ee Eritrea Yemane Gebremeskel ayaan…
Maleeshiyada Al-shabaab,ayaa xalay qarxisay Matooro Ceelal Biyood,Baraago iyo xarumaha isgaartiinta Magaalooyinka Maarsamage iyo Cadokibir oo hoostaga Degmada Baxdo ee Gobolka Galguduud. Ma jiro khasaare Nafeed oo ka dhashay weerarka ay Maleeshiyada Al-shabaab xalay kusoo qaadeen Magaalooyinkaas. 17-kii bishii June ayay aheyd markii Degmada Baxdo Maleeshiyada Al-shabaab looga dilay ugu yaraan 100-Maleeshiyadooda ka mid ah,kaddib markii Dadka Deegaanka iyo Ciidamada Galmudug oo is garabsanayaa ay ka hortageen weerar ay Al-shabaab ku soo qaadday.
Inta la xaqiijiyay Hal Qof,ayaa ku dhintay weerar Hoobiyeyaal ah oo xalay lagu soo qaaday qaar ka mid ah Degmooyinka Gobolka Banaadir. Hoobiyaasha,ayaa kusoo dhacay Degmooyinka Xamarweyne gaar ahaan Casa-Italia, waxaana ku dhintay 1 qof, iyada oo hoobiyeyal kale ay ku dhaceen Afaafka hore ee Degmada Shingaani, iyo sdioo kale Degmada Boondheere. Dhawaaqa Hoobiyaasha,ayaa laga maqlay qaybo ka mid ah Magaalada Muqdisho. Ilaa hadda lama oga haddii uu jiro khasaare intaas ka badan oo ka dhashay weerarkanka. Ma jirto cid sheegatay mas’uuliyadda wararkan, inkasta oo Al-Shabaab ay inta badan sheegato mas’uuliyadda weerarrada noocan ah.
Ciidamada Tigreegu,waxay Gacanta ku dhigeen Talyihii Guutada 37-aad ee Ciidanka Milateriga Itoobiya. Sidoo kale Talyihii Guutada 11-aad ayay qabteen Ciidamada Tigreegu. Ciidanka Tigreega oo uu hogaaminayo Jeneral.Jon,ayaa ka dagaalamaya 3-Jiho oo kala ah… 1.Buuraha Humura ee dhanka Sudan. 2.Dhanka Magaalada Bati ee Amxaarada oo waxay ku wajahan yihin Desse. 3.Dhanka Canfarta Xalay 8-dii saac ee danbe ayey bilaabeen weerar isku mar ah oo Sedex Jiho ah,iyagoo isticmaalaya Hub culus iyo Madaafiicda meelaha fog wax ka dukheysa ilaa caawa fiidki ayeyna ku garaacayeen Aagagaas. Ciidankii Lugta ee Tigreegu ma soo galin dagaalkan udanbeeyay waxyar mooyee. Dowlada Fadaraalka Itoobiya,waxay ku eedaynaysaa Masar…
Madaxweynaha Dowlada Fadaraalka Somaliya Xasan Shiikh Maxamuud,ayaa caawa magacaabay Labo Ergey oo cusub. Labadan Ergay waxay Madaxweyne Xasan uqaabilsanaan doonaan Ganacsiga heer caalami iyo maalgashiga iyo Arimaha Shidaalka iyo Gaaska,waxayna kala yihiin… 1.Khadar Cabdirixmaan Faroole,ayaa loo magacaabay Ergayga Ganacsiga iyo Maalgashiga. 2.Axmed Cali Yuusuf,ayaa loo magacaabay Ergayga Shidaalka iyo Gaaska. “Madaxweynaha oo ka duulaya muhiimadda ay leedahay horumarinta nolasha shacabka Soomaaliyeed, kobcinta dhaqaalaha iyo ka faa’iideysiga Khayraadka dalka ayaa magacaabay Ergeyga Gaarka ah ee Ganacsiga Heer Caalami iyo Maalgashiga Mudane Khadar Cabdirixmaan Maxamed iyo Lataliyaha Madaxweynaha ee Arrimaha Shidaalka iyo Gaaska Mudane Axmed Cali Yuusuf,” ayaa lagu yiri qoraalka ka…
Jasiiradda Taiwan oo iisu aragto iney tahay dal madax bannaan oo aan hoos tagin dalweynaha Shiinaha waxay leedahay awood miltari oo aan la yareysan karin. Taiwan miisaaniyadda militariga ay u qoondeysay sanadkan 2022-ka ayaa gaaraya 17 balyan oo dolar. Ciidamada heeganka ee Taiwan waxay gaarayaan 300,000 oo askari iyo 1.5 malyan oo aksari oo keyd ah. Jasiiradda Taiwan waxay leedahay 741 diyaaradood oo kuwa militariga ah oo isugu jira diyaaradaha dagaalka (288), kuwa gaadiidka (19), kuwa tababarka (207), diyaradaha holwgallada gaarka ah loogu talo galay (19), diyaadaha qumaatiga u kaca (208) iyo diyaradaha qumaatiga u kaca ee dagaalka (91). Jasiiradda…
Dalka Shiinaha Miisaaniyadda Militariga uu u qoondeeyey sanadkan 2022-ka waxay gaareysaa 229.5 balyan oo doolar. Ciidamada dalka Shiinaha ee heeganka ah waxay dhan yihiin 2 malyan oo askari iyo 510,000 oo askari oo keyd ah. Dalka Shiinaha wuxuu leeyahay 3,285 diyaaradood oo kuwa militariga oo isugu jira diyaaradaha dagaalka (1,600), diyaaradaha dagaalka oo howlagallada gaarka loogu talo galay (371), diyaaradaha xamuulka (286), diyaaradaha tababarka (399), kuwa gaarka ah (114), diyaaradaha qumaatiga u kaca (912) iyo Diyaaradaha qumaatiga u kaca ee wax duqeeya (281). Sida oo kale Shiinaha wuxuu leeyahay Taangiyo ay tiradoodu gaareyso (6,300), gawaarida gaashaaman (35,000), Madaafiicda goobta (7,120),…
Garoowe: 31 August 2022: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 47 ee 31-da Agoosto 2022, kuna saabsan magacaabid Taliyaha, Taliye Xigeenka 1-aad , Taliye Xigeenka 2-aad ee Ciidanka Asluubta. Madaxweynaha Dowladda Puntland Markuu arkay: Dastuurka Dowladda Puntland Qodobkiisa 80-aad. Markuu arkay: Aqoontooda, kartidooda iyo waayo aragnimadooda Ciidanimo. Markuu la tashaday: Madaxweyne Ku-xigeenka Dowladda Puntland. Wuxuu xeeriyey: Waxaa S/Guuto Saxardiid Maxamed Axmed (Colow) loo magacaabay Taliyaha Ciidanka Asluubta Dowladda Puntland.Waxaa S/Guuto Cabdullaahi Cismaan Libaan loo magacaabay Taliye Xigeenka 1-aad ee Ciidanka Asluubta Dowladda Puntland.Waxaa S/Guuto Cabdulqaadir Axmed-Khayr Muuse loo magacaabay Taliye Xigeenka 2-aad ee…