Safiirka Dowladda Mareykanka ee Soomaaliya, Richard H. Riley ayaa uga digay Madaxweynaha DFS, Xassan Shiikh Maxamuud in uu kusii socdo siyaasadda dhaawacaysa nidaamka Dowlad dhiska Soomaaliya.
Kulanka dhexmaray Xassan Shiikh iyo Danjire Richard H. Riley ayaa lagu weydiiyay Xassan sababta keentay in uu iclaamiyo Shirka Golaha Wadatashiga Qaran ee aan waafaqsaneyn xal u helida khilaafka Villa Somalia iyo Puntland iyo Jubbaland, xilli horey loogala hadlay in uu u yeero dhammaan dhinacyada qeybta ka ah madasha.
Xassan Shiikh ayaa ka dhaga adeegay soo jeedin ka timid dhinaca Mareykanka, oo ah in dib loogu yeero dhammaan madaxda Golaha Wadatashiga Qaran oo ay Jubbaland kamid tahay, ayna Soomaalidu xal ka gaadho khilaafka siyaasiga ah, si hor u socod looga sameeyo hannaanka Dowlad dhiska iyo dagaalka lagula jiro argagixisada.
Intaa kaddib, kulanka ayaa kusoo dhammaaday is maan dhaaf soo kala dhex galay Xassan Shiikh iyo Danjiraha Mareykanka.
Ilo lagu kalsoon yahay ayaa inoo xaqiijiyay in Mareykanku uu doonayo in la joojiyo howlgalka midowga Africa, iyo taageerada saaxiibada caalamiga ah ee dhanka Amniga, bedelkeedana la qabto shir degdeg ah oo ka dhaca dalka Ugandha, kaas oo looga arinsanayo xaalka cakiran ee Soomaaliya, runtana loogu sheego Xassan Shiikh.
IDILNEWS