Madaxweynaha Puntland, Siciid Deni ayaa soo gaaray caasimadda dalka Kenya ee Nairobi, kaddib maalmo uu ku sugnaa magaaladda Dubai ee dalka Imaaraatka Carabta.
Siciid Deni ayaa maalmaha soo socda ku sugnaan doona Nairobi, waxaana uu kulamo siyaasadeed la yeelan doonaa xubno muhiim ah oo kamid ah hoggaanka siyaasadda Soomaalida, dublamaasiyiin sare oo ka socda dalal kala duwan iyo Hay’addo caalami ah.
Idilnews, ayaa xaqiijisay in xubnaha uu la kulmi doono Siciid Deni uu kamid yahay Madaxweynaha Somaliland, Cabdiraxmaan Cirro oo maalmahan ku sugnaa Nairobi, iyagoo ka wadahadli doona marxalada siyaasadda Soomaaliya iyo xoojinta xiriirka Somaliland iyo Puntland.
Garoowe iyo Hargeysa ayaa dhowaan is dhaafsaday maxaabiis dagaal oo ay ku kala qabsadeen dagaalkii Laascaanood, kaddib wada-hadalo khadka Telefoonka ah oo dhexmaray Deni iyo Cirro.
Kulanka Nairobi ayaa la filayaa in uu xoojiyo ilaalinta danaha siyaasadeed iyo kan amni ee ka dhexeeya labada Dowladood.
IDILNEWS